Happy Halloween + Bye Bye for awhile...

ပျင်းရင်လျှောက်လုပ်တတ်ပါတယ်..

ဒါက Halloween အတွက်ပိုစ့်တစ်ခုခုတင်ဖို့ ရည်ရွယ်ပြီး လုပ်ထားတာပါ။ ဒါပေမယ့် တကယ့်နေ့ရောက်တော့ ဘာရေးရမလဲ မသိတော့ပါ။ ဒါကြောင့် ဘာမှမရေးတော့ပါ။ ဓာတ်ပုံလေးတွေပဲ အပင်ပန်းခံရကျိုးနပ်အောင် ရှုစားသွားကြပါ :P

ကြောက်အောင်လုပ်နေပါတယ်ဆို ရီနေသေးတယ် =.=

မျက်နှာကအပေါက်သည် Edit လုပ်ထားတာမဟုတ်ပါ။ မိတ်ကပ်ပါ။
မပီပြင်သော်လည်း ပီပြင်တယ်လို့သဘောထားပြီး ကြည့်ပေးပါ :P

ဝါးဟားဟားဟား... :P

ကန်ဒီ နိုဝင်ဘာလကုန်လောက်ထိ စာမေးပွဲရှိလို့ မအားတော့ဘူး။ သူငယ်ချင်းတွေရဲ့ ဘလော့တွေလည်း စုံအောင်လိုက်လည်နိုင်မှာ မဟုတ်တော့ဘူး။ ဘယ်မှလျှောက်သွားဖြစ်မှာ မဟုတ်တဲ့အတွက် လျှောက်လည်တဲ့ Diary ပိုစ့်တွေလည်း တင်ဖြစ်မှာ မဟုတ်ဘူး။ ရေးပြီးသား ပိုစ့်နှစ်ခုတော့ ရှိတယ်။ မိန်းကလေးတွေ အတွက်ပဲ... အဲ့ဒါလေးကိုတော့ ကြားထဲမှာ တင်ပေးမယ်နော်။ ကန်ဒီဘလော့ကို အရမ်းသံယောဇဉ်ကြီးပါတယ်။ ဒီနေရာက ကန်ဒီပြောချင်တာပြောနိုင်တဲ့ နေရာပါ။ ကန်ဒီ Facebook သိပ်မသုံးပါ။ Gtalk သိပ်မသုံးပါ။ Laptop ဖွင့်ထားရင် ဘလော့ဖွင့်ထားပါတယ်။ ဘလော့မှာ အမြဲရှိပါတယ်။ အခုတော့ ဒါတွေခဏရပ်ထားရတော့မယ်။

အားလုံးက ကန်ဒီ့ကို လွမ်းနေမှာလားဟင်... (သနားစရာမျက်နှာလေးနှင့် ပြောသည်)
အရမ်းဝမ်းနည်းတယ်.. :(

အားလုံးပဲ တာ့တာ... Mwah

Sunday Shopping+++

တကယ်တော့ Shopping ထွက်တဲ့အကြောင်းရေးချင်တာထက် ရန်ကုန်ပြန်ချင်တာကို ရေးချင်တာ။ ကန်ဒီ့ညီမ နောက်အပတ်ထဲမှာ ရန်ကုန်ပြန်မှာလေ.. ၁၀ရက်ကျော်ကျော်လောက်ကြာမှာ။ ကန်ဒီလည်း ပြန်ချင်တာပေါ့။ ရန်ကုန်မပြန်ပဲနေတာ ခုဆို တစ်နှစ်တောင် ပြည့်တော့မယ်။ ကန်ဒီ့သူငယ်ချင်းတွေဆို Term တစ်ခုပြီးရင် တစ်ခါပြန်တာ။ ကန်ဒီ့အမေက ခဏခဏပြန်မလာနဲ့တဲ့။ အဲ့ဒါကြောင့် သမီးလိမ္မာလေးလုပ်ပြီး မပြန်တာ တော်တော်ကြာပြီ။ ခုညီမပြန်မယ်ဆိုတော့ ကန်ဒီလည်း ပြန်ချင်တာပေါ့။ ဒီတခေါက် Term break က တစ်ပတ်ပဲဆိုတော့ ဒီTerm ပြီးလည်း ပြန်ဖြစ်မှာ မဟုတ်ဘူး။ ရန်ကုန်ပြန်လည်း မတန်ဘူး။ ကန်ဒီက နေမယ်ဆို အနည်းဆုံး ၂ပတ်လောက်တော့ နေချင်တာ။ ကန်ဒီ့ညီမပြန်ရင် ပြင်ဦးလွင်သွားကြမယ်ဆိုပြီး စီစဉ်နေကြတယ်။ တော်ပြီ... ဆက်မပြောတော့ဘူး။ ပြောရင်းဝမ်းနည်းလာလို့.. :(

ထုံးစံအတိုင်း ကားစောင့်နေခြင်း.. (ကားလွတ်သွားလို့ ပေကပ်ကပ်ရုပ်နှင့်.. )

ရောက်ပြီ... :D

Shopping ထွက်ဖြစ်တဲ့ အကြောင်းက တခြားမဟုတ်ဘူး။ သူပြန်မယ်ဆိုတော့ ရန်ကုန်က မှာတာတွေ.. ထည့်ပေးချင်တာတွေ Vivo City မှာသွားဝယ်တာ။ တစ်ယောက်ထဲ သွားတာ။ ကန်ဒီ Shopping ထွက်ရင် တစ်ယောက်တည်း သွားဖြစ်တာများတယ်။ တစ်ယောက်တည်း သွားတော့ သူများကို စောင့်စရာမလိုဘူး။ ကိုယ့်ကြိုက်တဲ့ဆိုင်မှာ ကြိုက်သလောက် ထိုင်ရွေးနေလို့ရတယ်။ သိပ်မရင်းနှီးတဲ့ သူငယ်ချင်းတစ်ယောက်ရဲ့ အစ်မက Charles & Keith ကအိတ်မှာတာ.. အဓိက က အဲ့ဒါသွားကြည့်တာ။ သူက ဈေးကို S$ 50 ၀န်းကျင်သတ်မှတ်ထားသေးတယ်။ အဲ့ဒါခက်တာပဲ။ C & K က အိတ်သေးသေးလေးတောင် S$ 50 ရှိတယ်။ သူ့အစ်မက အသက် (၃၀)လောက်.. နောက်ပြီး ရုံးကိုင်ဖို့ ကြီးတာလိုချင်တာတဲ့။ ကြီးတာဆို အနည်းဆုံး S$ 70 ပဲ။ ဒါပေမယ့် ရှိလိုရှိငြား သွားကြည့်ရတာပေါ့။ မရှိပါဘူး.. ထင်တဲ့အတိုင်းပဲ။ အဲ့ဒါ မ၀ယ်ခဲ့ရဘူး.. တကယ်လို့ ပြန်မေးပြီးလို့ လိုချင်တယ်ဆိုရင် ထပ်သွားဝယ်ပေးရဦးမယ်။ ထပ်သွားပေးရတာ ကိစ္စမရှိဘူး။ နောက်တခါသွားရင် ကန်ဒီ့စိတ်တွေ မထိန်းနိုင်မှာပဲ စိုးရိမ်တာ။ ကန်ဒီက C & K ဆို မရဘူး.. လိုချင်တာက များများရယ် အဟိ :P

အမေ့အတွက်က Lipliner ထည့်ပေးမယ်။ နောက်တိုလီမုတ်ဆ ဈေးမကြီးတာတွေ ထည့်ပေးမယ်။ ဈေးကြီးတာလည်း ထည့်ပေးလို့ဖြစ်ဘူး။ ကိုယ့်ပိုက်ဆံမှ မဟုတ်တာ.. ဟီး။ အမေ့ပိုက်ဆံနဲ့ အမေ့ကို မျက်နှာပြန်လုပ်တာဆိုတော့ ဈေးကြီးတာ ၀ယ်ပေးရင် မျက်နှာမရတဲ့အပြင် ပြန်တောင်အဆူခံရနိုင်တယ်။ ချစ်သူတွက်က ခေါင်းလိမ်းတဲ့ Gel ထည့်ပေးမယ်။ မောင်လေး(၀မ်းကွဲ)တွက်က ဘာထည့်ပေးရမလဲ မသိဘူး။ သူ့ကိုက ကလေးလိုပဲ မြင်နေတာ။ ခုဆို ကန်ဒီ့ထက်တောင် အရပ်မြင့်နေလောက်ပြီ။ ဘာပေးရမှန်း မသိလို့ ဘာမှမ၀ယ်ခဲ့ရဘူး။

ဖုန်းထည့်ဖို့အိတ်နဲ့ ကတ်ထည့်ဖို့အိတ်^^

အဲ့ဒီအနီရောင် ငါးနှစ်ကောင်လက်စွပ်လေး အရမ်းကြိုက်တယ်... :D

ကန်ဒီက တစ်ခုခုဝယ်စရာ မရှိရင် Shopping မထွက်တတ်ဘူး။ ထွက်မိရင် ကုန်တာပဲ ဟီး.. :P ။ ကိုယ့်အကြောင်း ကိုယ်သိတယ်လေ။ ခုလည်း သူများတွက်က နည်းနည်း ကိုယ့်တွက် များများဝယ်ပြီး ပြန်လာတာ။ Forever 21 က လက်စွပ်တွေ လှလို့ ၀ယ်ခဲ့တယ်။ ကန်ဒီက လက် မလှတော့ လက်စွပ် ကြိုက်တယ်။ ရှုပ်သွားပြီလား ဟီးဟီး။ သဘောက ကိုယ့်ရဲ့ မလှတဲ့ အစိတ်အပိုင်းမှာ တစ်ခုခုသိသာပြီးလှတာတင်ထားရင် အဲ့ဒီဟာကိုပဲ သူများက အာရုံရောက်တတ်တယ်။ အဲ့တော့ ကိုယ့်မလှတဲ့ အစိတ်အပိုင်းကို သူတို့သတိမထားမိတော့ဘူး။ မမတို့ ညီမလေးတို့ မှတ်ထားနော်။ ကန်ဒီ့ဗျူဟာတွေ.. ဟားဟား LOL xD

Mini Toons မှာ ကန်ဒီ့ စီဘောက်ကမျောက်ရုပ်လို အရုပ်လေးတွေ တွေ့ခဲ့သေးတယ်။ အရမ်းလိုချင်တာပဲ။ ကိုယ့်ဟာကိုယ် ထိန်းချုပ်လိုက်နိုင်ပါတယ်။ ဟဲဟဲ.. :P

အရုပ်ရိုက်ချင်ပါတယ်ဆို.. ရှေ့မှာလာကွယ်နေကြတယ် >.<

အားလုံးလည်း ပျော်စရာတနင်္ဂနွေလေး ပိုင်ဆိုင်ပါစေလို့.. :D

ချိုချဉ်လေးနှင့် သူမ၏ဖိုးဖိုး

အိမ်ကလေးတစ်အိမ်ရှေ့သို့ ကလေးများနှင့် ပြည့်နေသော အဖြူရောင်ကျောင်းကားတစ်စီး ထိုးရပ်လိုက်သည်။ အသက်(၇၅)နှစ်အရွယ် အဖိုးအိုတစ်ယောက် ထိုအိမ်တွင်းမှ ထွက်လာပြီး ကျောင်းကားပေါ်မှဆင်းလာသော ပထမတန်းကျောင်းသူလေးရှိရာသို့ လက်ကမ်းရင်း...
"မြေးချိုချဉ်လေး... ပြန်လာပြီလား.."
"ဟုတ်.."
ကလေးလေးက သူမအဖိုး အမေးကို ချစ်စဖွယ်ပြန်ဖြေလိုက်ပြီးနောက် မြေးအဖိုးနှစ်ယောက် အိမ်တွင်းသို့ ၀င်သွားကြသည်။

ချိုချဉ်လေးသည် အသက်(၆)နှစ်အရွယ် မျက်နှာဝိုင်းဝိုင်းလေးနှင့် ချစ်စရာကောင်းသော ပထမတန်းကျောင်းသူလေး ဖြစ်သည်။ မြေးဦး မဟုတ်သော်လည်း ဖိုးအေ၏ချစ်ခြင်းခံရသော မြေးမလေးဆိုလျှင်မမှားပါ။ ချိုချဉ်လေး၏ အမေသည် အလွန်အလုပ်များသောသူဖြစ်ရာ ချိုချဉ်လေးတို့ ညီအစ်မတွေကို အဖိုးနှင့် အဒေါ်များက အဓိကထိန်းကျောင်းရသည်။

မြေးမလေး၏ လွယ်အိတ်နှင့် ခြင်းတောင်းကို ကိုင်ရင်း အဖိုးဖြစ်သူက..
"မြေးလေး.. အိမ်စာအရင်လုပ်ရမယ်နော်.. ပြီးရင် ဖိုးဖိုးနဲ့ စွန်လွှတ်မယ်..."
"ဟုတ်ကဲ့ ဖိုးဖိုး... "
ချိုချဉ်လေး စပ်ဖြီးဖြီးရုပ်နှင့် ပြောသည်။ သူမ စွန်မလွှတ်တတ်ပါ။ သို့သော် အဖိုးလွှတ်သောစွန်ကို ကြည့်ရသည်ကို သူမပျော်သည်။ အိမ်စာမပြီးလျှင် စွန်လွှတ်တာမကြည့်ရပါ။ ထို့ကြောင့် သူမအိမ်ပေါ်ရောက်သည်နှင့် အဖိုးနှင့်အတူ အိမ်စာလုပ်သည်။ အိမ်စာပြီးသည်နှင့် ရေချိုးသည်။ သနပ်ခါးကို ဖွေးနေအောင်လိမ်းပြီး ပါးကွက်ကွက်သည်။ သူမစွန်လွှတ်တာ ကြည့်ရတော့မည်။

သူတို့မြေးအဖိုးစွန်လွှတ်ပုံသည် ဘေးလူအမြင်တွင် ရီစရာကောင်းလျှင် ကောင်းနေပေလိမ့်မည်။ ကွင်းပြင်ထဲ သွားလွှတ်ခြင်း မဟုတ်ဘဲ အိမ်ပေါ်ထပ်ဝါးရံတာပေါ်က လွှတ်ခြင်းဖြစ်သည်။ ချိုချဉ်လေးတို့အိမ်သည် ရန်ကုန်မြို့လမ်းမပေါ်တွင် ရှိပြီး ခြံဝင်းမရှိပါ။ လမ်းမပေါ်ဆင်းလွှတ်လျှင်လည်း ဓာတ်ကြိုးများနှင့် ညှိနိုင်သောကြောင့် အိမ်ပေါ်ထပ်မှ လွှတ်ရသည်။ အဖိုးဖြစ်သူက မြေးမလေးပျော်အောင် သူကိုယ်တိုင် လုပ်သောစွန်နှင့် ညနေတိုင်း စွန်လွှတ်ပြသည်။ မြေးဖြစ်သူကိုတော့ ပေးမလွှတ်ပါ။ ချိုချဉ်လေး လွှတ်ချင်သည် ပြောတိုင်း "လက်ရှလိမ့်မယ်"ဟု ပြောတတ်သည်။ ကောင်းကင်အကျယ်ကြီးထဲ အဖိုးလွှတ်တင်သောစွန်လေး လွင့်နေသည်ကို ချိုချဉ်လေး အလွန်သဘောကျသည်။ ကောင်းကင်တွင် အရောင်အသွေးစုံသော တခြားစွန်များလည်း ရှိသည်။ ထိုစဉ် ချိုချဉ်လေး၏မြင်ကွင်းထဲသို့ အလွန်လှပသော စွန်တစ်စင်း ၀င်လာသည်။ ရိုးရိုးစွန်များနှင့် မတူပဲ ပိုကြီးပြီး အမြီးအရှည်ကြီးပါသည်။ သူ့အမြီး လေထဲတွင် လွင့်နေပုံမှာ အလွန်လှသည်။ ထိုစွန်လေးရှိရာ လက်ညှိူးညွှန်ပြရင်း...
"ဖိုးဖိုး.. ဟိုး မှာကြည့်ပါဦး... "
"စွန်ကြီး အကြီးကြီးပဲ... သမီးတို့ စွန်နဲ့ မတူဘူးနော်..."
"သူ့အမြီးက အရှည်ကြီး.. လေမှာလွင့်နေတာ အရမ်းလှတာပဲ..."
"သမီးတို့လည်း အဲ့လိုစွန်အကြီးကြီး လွှတ်ရအောင်နော်.. ဖိုးဖိုး"
အဖိုးက ပြုံးရင်း..
"မြေးလိုချင်ရင် ဖိုးဖိုးလုပ်ပေးမှာပေါ့..."
"တကယ်နော် ဖိုးဖိုး"
အဖိုးဖြစ်သူက ခေါင်းညိတ်ပြသည်။ ချိုချဉ်လေး အရမ်းပျော်သွားသည်။ သူမအတွေးထဲတွင် ထိုကဲ့သို့သောစွန်အကြီးကြီးနှင့် မြေးအဖိုးနှစ်ယောက် စွန်လွှတ်နေကြသည်။

ချိုချဉ်လေးအားလျှင် အဖိုးအိပ်ခန်းထဲသို့သွားသည်။ ထိုသို့သွားတိုင်း အဖိုးက ဒူးရင်ယိုကျွေးတတ်သည်။ ရိုးရိုးကျွေးခြင်း မဟုတ်ပါ။ ကလေးစားနိုင်အောင် သူ့လက်နဲ့ လုံးလိုက်သေးသည်။ အဖိုးကျွေးသော ဒူးရင်ယိုကို သူမအလွန်ကြိုက်သည်။ ချိုချဉ်လေးသည် ပုခက်စီးရသည်ကို နှစ်သက်ပြီး သူမ၏ညီမလေးများကို သိပ်သောအ၀တ်ပုခက်တွင် သူ့ခန္ဓာကိုယ် ကစ်ကစ်လေးနှင့် သွားသွားစီးတတ်သည်။ ဒါကိုသိသော အဖိုးဖြစ်သူက မြေးအတွက်ဆိုပြီး ဒန်းအရှင်လေး ကားဂိုထောင်တွင် လုပ်ပေးသည်။ ဒန်းစီးချင်လျှင် ကားထုတ်ပြီး ဒန်းတပ်ပေးသည်။ ချိုချဉ်လေးကလည်း အဖိုးဖြစ်သူကို အဖွားထက်ပိုချစ်သည်။ အကြောင်းမှာ အဖွားသည် သူမကိုအလွန်ဆွဲဆိတ်တတ်သောကြောင့်ဖြစ်သည်။ အဖွားကချစ်လျှင် ဆွဲဆိတ်သည်။ ထို့ကြောင့်အဖွားနားကို သူမ တော်ရုံနှင့် မသွားပါ။ သူမငယ်စဉ်ထဲက အဖွားဆုံးသွား၍ အဖွားနှင့်ပတ်သက်လျှင် ဆွဲဆိတ်တာ တစ်ခုပဲ သူမမှတ်မိသည်။

ဒီလိုနှင့် တရက်...
သူမကျောင်းက ပြန်လာပြီး အဖိုးအခန်းထဲအ၀င်... အဖိုး ကုတင်ဘေးတွင် ထိုင်နေသော မေမေ့ကို တွေ့လိုက်၍ သူမအံ့သြသွားသည်။ ထိုအချိန်သည် မေမေပြန်ရောက်နေကြအချိန်မဟုတ်ပါ။ အဖိုးက ခုတင်ပေါ်တွင်လှဲနေသည်။ အဖိုးထိုသို့အိပ်ယာပေါ်လှဲနေ၍ သူမစွန်လွှတ်တာမကြည့်ရသည်မှာ အတော်ကြာပြီ။ ပိုအံ့သြစရာကောင်းသည့်အရာတစ်ခု သူမထပ်တွေ့လိုက်သည်။ အဖိုးကို ကြည့်နေတဲ့ မေမေ့မျက်ဝန်းမှာ မျက်ရည်စတွေ... သူမတုန်လှုပ်သွားသည်။ မေမေသည် အလွန်စိတ်ဓာတ်ခိုင်မာသော အမျိုးသမီးတစ်ယောက်ဖြစ်ပြီး မေမေမျက်ရည်ဝဲခြင်းကို သူမခုအရွယ်အထိ မမြင်ဘူးခဲ့ပါ။ ထို့ကြောင့် သူမ သိလို၍ မေးလိုက်သည်။
"မေမေ.. ဖိုးဖိုး ဘာဖြစ်တာလဲဟင်..."
"သမီးအဖိုးဗိုက်ထဲမှာ အလုံးကြီးရှိလို့ သမီးရဲ့...."
ထိုသို့ တုန်ရင်စွာပြောပြီးနောက် မေမေဆက်မပြောတော့ပါ။ ဆက်ပြောဖို့ အင်အားမရှိ၍လည်း ဖြစ်နိုင်သည်။ သူမလည်း ဆက်မမေးတော့ပါ။ ထို့နောက် အဖိုးခြေမနှစ်ခုကို ပူးချည်နေကြသည်။ သူမ ဘာမှန်းမသိသလို နားလည်းမလည်ပါ။ ထိုနေ့မှစ၍ အဖိုးကို အိမ်မှာမတွေ့ရတော့ပါ။ စွန်လွှတ်တာလည်း မကြည့်ရတော့သလို အဖိုးလုံးပေးသော ဒူးရင်းယိုလည်း သူမ မစားရတော့ပါ။ သို့သော် အဖိုးအခန်းထဲသို့တော့ သူမသွားမြဲ သွားနေတတ်သည်။

တနေ့.. ချိုချဉ်လေး သူမအဖိုးအခန်းထဲမှာ ဆော့ရင်းကုတင်ပေါ်သို့ ကလေးပီပီ ခုန်ပြီးတက်ထိုင်လိုက်သည်။
"ကျွတ်.. "
အသံထွက်သွားသည်။ အသံလာရာ မွေ့ယာအောက်ကို သူမလှန်ကြည့်သည်။ ရင်ဘတ်ထဲ စူးကနဲ ခံစားလိုက်ရသည်။
ထိုအရာသည်...
.....
....
...
..
.
သူမ လိုချင်သော အလွန်လှပသည့် အမြီးအရှည်ကြီးနှင့် စွန်အကြီးကြီးတစင်း....
သို့သော် သူမဆောင့်ထိုင်လိုက်၍ ကျိုးနှင့်နေပြီ။

*****************************************************************

ဟိုနေ့က အိမ်မှာတူတူနေတဲ့အန်တီ ဈေးက၀ယ်လာတဲ့ ဒူးရင်းယိုလေးတွေ့လို့ ကန်ဒီ ဒီပိုစ့်လေးရေးမိတာပါ။ ဒီလိုပုံစံမျိုး ပထမဆုံးအကြိမ်ရေးတာမို့ အဆီအငေါ်မတည့် ဖတ်လို့အဆင်မပြေဖြစ်ခဲ့ရင် သည်းခံပေးကြပါရှင့်။ ဒါမျိုးက ရေးနေကျမဟုတ်တော့ ကန်ဒီ့အတွက် တော်တော်ခက်တယ်။ ဖတ်တဲ့သူတွေ ဖတ်လို့အဆင်မပြေမှာစိုးလို့ အခေါက်ခေါက်လည်း ပြန်ဖတ်ရတယ်။ နောက်ပြီး တင်ဖို့လည်း အကြိမ်ကြိမ်စဉ်းစားရတယ်။ ကိုဖြိုး (မနှင်းဆီရဲ့ မူပိုင်ရှင်)ကလည်း တင်ပါ... အားပေးတယ်တဲ့။ အဲ့ဒါနဲ့ တင်လိုက်တာပါ။ ဘလော့ဂါတစ်ယောက်စီမှာ သူတို့ကျွမ်းကျင်တဲ့ အပိုင်းဆိုတာရှိတယ်လေ။ ကဗျာရေးအရမ်းကောင်းတဲ့သူ.. ဆောင်းပါးရေးတာကောင်းတဲ့သူ... မနှင်းဆီကို အမျိုးမျိုးဖွဲ့နွဲ့နိုင်သူ(ကိုဖြိုး :P) စသဖြင့်ပေါ့။ ကန်ဒီကတော့ ဘာမှ မယ်မယ်ရရမရေးတတ်ဘူး.. ဟီး။ ဒါကို ၀တ္တုတိုလို့ပဲ ခေါ်မလား.. ဒီလိုမျိုးပုံစံရေးတဲ့နေရာမှာ အရမ်းတော်ပြီး ကန်ဒီ အထင်ကြီး လေးစား သဘောကျတဲ့ ဘလော့ဂါတစ်ချို့ကတော့ ကိုညီရဲသစ်... သူကြီးမင်း(ကိုကိုမောင် - ပန်းရနံ့)နဲ့ မမမိုးပန်းချီတို့ပါ။ အစ်ကိုတို့နဲ့ အစ်မဖတ်ခဲ့ရင် ညီမရေးသမျှ သည်းခံကြပါလို့... နောက်ပြီး ကန်ဒီ့ဆီလာလည်တဲ့သူတွေလည်း အမိုက်အမဲလေးမို့ သည်းခံခွင့်လွှတ်ပေးပါနော်။ နောက် အခါအခွင့် တိုက်ဆိုင်ရင်လည်း ဒါမျိုးလေးတွေရေးပြီး ဒုက္ခပေးပါရစေ :P

လာလည်သူအားလုံးကို ချစ်တဲ့..
Candy

ဓာတ်ပုံလှလှလေး ရဖို့ +++

ဒီနေ့တော့ ကန်ဒီ့ရဲ့ မတောက်တခေါက်အတတ်ပညာနဲ့ ဓာတ်ပုံရိုက်နည်း သင်တန်းပို့ချမှာ ဖြစ်ပါတယ်။ အဓိကအားဖြင့် ကန်ဒီလုပ်နေကြ ကိုယ့်ဟာကိုယ် ရိုက်နည်းနှင့် အိုက်တင်ပေးနည်းပါ။ ကန်ဒီ့ဘလော့လေးကို လာလည်နေကျ.. ကန်ဒီနဲ့လည်း ခင်နေပြီဖြစ်တဲ့ သူငယ်ချင်းတစ်ယောက်က ဒီပိုစ့်လေးရေးဖို့ အကြံပေး တိုက်တွန်းထားတာကြောင့် ခုလိုလေးရေးဖြစ်တယ်ဆိုပါတော့။ ဒါလေးက ကန်ဒီသိသလောက် ပိစိညောက်တောက် (ညှောင့်တောင့် @_@) လေးပါ။ ဓာတ်ပုံဆရာတွေ မော်ဒယ်တွေ ဒီပိုစ့်ကို မမြင်ပါစေနဲ့လို့ လေးလေးနက်နက် ဆုတောင်းပါတယ် :P.. ဥပမာပြတဲ့ ပုံတွေကလည်း သိပ်မကောင်းပါဘူး.. ရှိတာလေးနဲ့ ဥပမာပြရလို့ သည်းခံကြပါရှင့်။

ပိုစ့်လေးနည်းနည်း ရှည်သွားတယ်။ ကျန်တာ စိတ်မ၀င်စားရင်တောင် အောက်ဆုံးနားက Help Me လေးတော့ ဖတ်ပေးနော်.. :D

(၁) မိမိကိုယ် မိမိသိရှိခြင်း
ဘယ်သူမဆို ကိုယ့်ရဲ့ ဘယ်အစိတ်အပိုင်းက လှပြီး ဘယ်လိုအနေအထားက ကြည့်ကောင်းတယ်ဆိုတာ သိပြီးသားဖြစ်မှာပါ။ တကယ်လို့ မသိဘူးဆိုရင် အရင်ဆုံးသိအောင် မှန်ထဲမှာ ကြည့်ကြည့်ပါ။ အဲ့ဒါသိမှ ဓာတ်ပုံလှလှတစ်ပုံ ရနိုင်မှာပါ။ ဥပမာအားဖြင့် ကန်ဒီ့ချို့ယွင်းချက်တွေ ချစ်လွန်းလို့ ထုတ်ဖော်ပြရရင် ကန်ဒီ့မျက်နှာမှာ ဘယ်ဘက်ခြမ်းနဲ့ ညာဘက်ခြမ်း မျက်နှာအကျမတူဘူး။ ဘေးတိုက်ရိုက်ရင် မလှဘူး။ နောက်ပြီး "သွား"မလှဘူး။ အဲ့တော့ ဓာတ်ပုံလှလှရဖို့ဆို အဲ့ဒါတွေ ရှောင်ရိုက်ပါတယ်။ ကန်ဒီ့ဓာတ်ပုံထဲကပုံနဲ့ Video ထဲကပုံ မတူတာ ကန်ဒီ့Videoတွေ ကြည့်ဖူးတဲ့ သူတွေသိမှာပါ။ အပြင်ကပုံဆို ပိုတောင် မတူသေး.. :P

(၂) မျက်ဝန်းတစ်စုံရဲ့ အရေးပါပုံ
ကိုယ်လိုချင်တဲ့ ခံစားချက်ကို မျက်ဝန်းမှာ အမျိုးမျိုးဖော်ပြလို့ရတယ်။ ၀မ်းနည်းတဲ့ ပုံဖြစ်ချင်တာလား... ပျော်နေတဲ့ ပုံလိုချင်တာလား.. စိုးရွံ့နေတဲ့ပုံ ရချင်တာလား... အရာအားလုံးကို မျက်လုံးတစ်ခုတည်းနဲ့ ပြည့်စုံအောင် ဖော်ပြနိုင်ပါတယ်။ ပြုံးတဲ့ နေရာမှာ အသက်ဝင်ဖို့ အရမ်းအရေးကြီးပါတယ်။ မိမိအပြုံးဟာ မျက်လုံးမှာ ပေါ်ပါစေ။ (အလဲ့.. ဆရာကြီးလိုလို.. :P )

(၃) Camera angle
ဒါကတော့ အရေးပါဆုံးလို့ ပြောလို့ရတယ်။ ဘယ်သူမှ ဓာတ်ပုံ ရိုက်ရင် ကင်မရာကို တည့်တည့် (သို့) ဒေါင်လိုက် ကိုင်ရမယ်လို့ မသတ်မှတ်ထားပါဘူး။ စောင်းချင်စောင်း လိုသလိုရိုက်နိုင်ပါတယ်။ ကိုယ်ဘယ်လိုအနေအထား (angle) နဲ့ အဆင်ပြေလဲသိရအောင် ကိုယ့်ဟာကိုယ် ဘယ်၊ ညာ၊ အပေါ်၊ အောက် ကင်မရာကို အမျိုးမျိုးရွေ့ပြီး ရိုက်ကြည့်ပါ။ တကယ်တော့ အပေါ်မှာပြောသလို ကိုယ့်ကိုကိုယ် ဘယ်ဖက်ကကြည့်ရင်လှလဲ ဆိုတာသိရင် ကိုယ့်ဟာကိုယ်လှအောင် ရိုက်တတ်ပါတယ်။ အပေါ်က ရိုက်ခြင်းက မျက်နှာကို နည်းနည်း ပိုသွယ်သွားစေပါတယ်။ အောက်ကပင့်ရိုက်တာက အဝေးကရိုက်မယ်ဆို အရပ်ရှည်သလို ဖြစ်သွားစေတယ်။ ကိုယ်တိုင်အနီးကပ် ရိုက်မယ်ဆိုရင်တော့ အောက်ကပင့်ရိုက်တာ သိပ်မလှတတ်ဘူး။

ဥပမာ.....

ပုံ(၁)မှာဆို တည့်တည့်အနေအထားရိုက်ထားတာ.. မျက်နှာ ပိုပြဲသလိုဖြစ်တယ်။
ပုံ(၂)မှာဆို အပေါ်ကရိုက်တာ.. မျက်နှာနည်းနည်း သွယ်သွားတယ်။

ဒီပုံမှာ ကန်ဒီလိုချင်တာက ကန်ဒီရယ် အရုပ်ရယ် ၂ခုပါချင်တယ်။ ပုံ(၁)နဲ့ (၂)ဆို ဘယ်ဟာပိုကြည့်ကောင်းပါသလဲ? ကန်ဒီကတော့ ပုံ(၂)ပိုကြည့်ကောင်းတယ်လို့ ထင်ပါတယ်။

ဒီပုံမှာဆိုလည်း တည့်တည့်ရိုက်တာနဲ့ စောင်းရိုက်တာရဲ့ ကွာခြားချက်လေး မြင်နိုင်မှာပါ။

တစုံတယောက်က ရိုက်ပေးမယ်ဆိုလို့ အိုက်တင်ထုတ်ရမယ်ဆိုရင် တည့်တည့်မတ်မတ်ကြီးထက် ကိုယ့်ဘေးမှာ space လေးရှိနေတာ... ခါးထောက်တာဖြစ်ဖြစ်... လက်ကိုတစ်ခုခုလုပ်ထားတာ ပိုအနေအထားကျစေတယ်လို့ ထင်တယ်။ နောက်ပြီး လက်ကို ကိုယ်နဲ့ ကပ်ထားတာက အမြင်မှာလက်မောင်းကို ပိုကြီးစေတယ်။ ကိုယ်နဲ့ခွာလိုက်တဲ့ အတွက် လက်မောင်းတံ သွယ်သွားပါတယ်။

ဥပမာတွေပြရရင်....


ဒီပုံမှာကြည့်ပါ။ လက်ကတန်းတန်းကြီးဆိုတော့ ပုံက တစ်မျိုးပဲ ရှင်းရှင်းကြီး.. ကြည့်မကောင်းဘူး။ ဆက်ပြီးတော့ ကျန်တဲ့ပုံတွေကို ကန်ဒီ ဒီပုံလိုတည့်တည့်ရပ်နေတဲ့ အနေအထားနဲ့ မြင်ကြည့်ကြည့်နော်...



ဒီပုံလေးကို ကြည့်ကြည့်ပါ။ ကန်ဒီ့ခန္ဓာကိုယ်ရယ်... အောက်က အပင်အနီလေးတွေရယ်... သစ်ကိုင်းရယ်က အပြိုင်သဘောဖြစ်နေတယ်။ အဲ့ဒါလည်း တမျိုးကြည့်ကောင်းစေတယ်။


ဒီပုံမှာဆိုလည်း ကန်ဒီခေါင်းစောင်းတဲ့ဘက်နဲ့ အစိမ်းရောင် အပင်တန်းကွေ့သွားတာနဲ့က အပြိုင်။ ကန်ဒီခေါင်းက တခြားတဖက်ကိုစောင်းတယ်ဆိုပြီး မြင်ကြည့်ပါ။ ကြည့်ရတာ ကန့်လန့်ကြီး ဖြစ်သွားမယ်။


ထိုင်တဲ့ pose မျိုးဆို ဒူးခေါင်းချိတ်ထားတာက ကိုယ့်ပေါင်တံကို ပိုသွယ်စေတယ်။ အထူးသဖြင့် ပေါင်တုတ်တဲ့ သူတွေအတွက်ပေါ့။ တကယ်တော့ ဒီပုံမှာ တမင်အိုက်တင်လုပ်တာ မဟုတ်ဘူး.. ကန်ဒီထိုင်ရင် အဲ့လိုပဲ ထိုင်တတ်လို့ ရှိတဲ့ပုံကို ယူပြီးယှဉ်ပြထားတာ :P .. မျက်နှာပြောင်နေတာလည်း သည်းခံကြပါ >.<


(၄) သဘာဝကျပါစေ
သဘာဝကျကျပြုံးပါ။ နောက်ပြီးသဘာဝကျတဲ့ ပုံတစ်ပုံရဖို့ ကင်မရာကိုချည်းကြည့်နေဖို့ မလိုပါဘူး။ ဒီပုံကposeတွေကို ယောက်ျားလေးတွေ သုံးချင်လည်း အဆင်ပြေမှာပါ။


ကိုယ့်ဘေးက တစ်စုံတစ်ခုကို ပေါ်လွင်စေချင်တဲ့အခါမျိုး.... အဲ့အခါမျိုးကြတော့ ကိုယ်က ကင်မရာရဲ့ သုံးပုံတစ်ပုံပဲ နေရာယူထားပြီး အဲ့နေရာကို ကြည့်နေတာတို့.. ကိုင်ထားတာတို့က သဘာဝကျပြီး ပိုပေါ်လွင်စေပါတယ်။



(၅) Group Photo
ကင်မရာနဲ့ အနီးဆုံးနေရာက ကြီးတယ်ဆိုတာ သိပါ။ Group photo ရိုက်တယ်ဆိုပါတော့။ ကိုယ်က အားလုံးထဲမှာ နည်နည်းဝနေရင် အနောက်နားမှာနေပါ။ ကိုယ့်အရပ်က အရမ်းရှည်နေရင် အရပ်ပုတဲ့သူနား သွားမရပ်ပါနဲ့။ ကိုယ်တိုင်ရိုက်တာနဲ့ သူများရိုက်ပေးတာရဲ့ ကွာခြားချက်က ကိုယ်တိုင်ရိုက်ရင် ကိုယ့်အတွက်အဆင်ပြေတဲ့ angle ရအောင် ကင်မရာကိုရွေ့လိုက်ရုံပဲ။ သူများရိုက်ပေးရင်ကျတော့ ကိုယ်က လိုက်ရွေ့ပေးရမယ်။

ဒီVideoလေးကြည့် ကြည့်ပါ။ ယောက်ျားလေးနဲ့ မိန်းကလေး Pose ပေးပုံလေးကို ခွဲပြထားတယ်။



ဒီလောက်ဆို ကျေနပ်ကြပါနော်... (ဒီ့ထက်လည်း မသိတော့လို့ :P :P )

Help Me!!!

ကြုံတုန်း ကန်ဒီ အကူအညီတောင်းချင်တာလေး တစ်ခုရှိပါတယ်။ ကန်ဒီ ကင်မရာအသစ်ဝယ်မလို့.. ဘယ်ဟာ ၀ယ်ရင်ကောင်းမလဲ သိနားလည်တဲ့ သူများရှိရင် အကြံပေးကြပါလို့။ ကန်ဒီကိုယ်တိုင်လည်း research လုပ်မှာပါ။ ခုကင်မရာက Sony.. လက်အရမ်း ငြိမ်ရတယ်။ နည်းနည်းလေး လှုပ်တာနဲ့ ၀ါးရော။ အဲ့ဒါကို မကြိုက်ဘူး။

လိုချင်တာမျိုးက....

ကန်ဒီက သွားလေရာ ကင်မရာယူတတ်တော့ အကြီးကြီးလည်း မလိုချင်ဘူး။ ဒါပေမယ့် Quality တော့ ခုဟာထက်ကောင်းတာ လိုချင်တာပေါ့နော် အသစ်ဝယ်ပြီ ဆိုမှတော့။ နောက်တစ်ချက်က ရိုက်ရင် ကန်ဒီ့ဟာကန်ဒီမြင်ရတဲ့ ဟာမျိုး။ Video လည်း ကောင်းကောင်းရိုက်လို့ရတာမျိုး။ ဟီးဟီး.. လိုချင်တာတွေက များနေပြီ.. :P ဈေးလည်း မသတ်မှတ်ရသေးဘူး.. ကိုယ်တိုင်လည်း research မလုပ်ရသေးပါဘူး။ သိနားလည်သူများရှိရင် ကူကြပါ.. ကယ်ကြပါ... အကြံပေးကြပါ.. :D

ပျော်ရွှင်ပါစေရှင့်... ^_~

သီတင်းကျွတ်ညလေး တည..

သီတင်းကျွတ်ပြီဗျို့......
....
...
..
.

မနေ့က ကျောင်းက ပြန်ရောက်တော့ ထုံးစံအတိုင်း ည ၁၀ ကျော်ကျော်လောက်။ (ကန်ဒီ့ကျောင်းက ညမှတက်ရတာပါ။ အလေလိုက်နေတာ မဟုတ်ပါ :P)သူငယ်ချင်းတွေက အိမ်မှာတူတူနေတဲ့ အန်တီကို ကန်တော့ဖို့ ကန်ဒီ့ကိုစောင့်နေကြတယ်။ မုန့်ဟင်းခါးလည်း ချက်ထားကြတယ်။ ပြန်ရောက်တာနဲ့ လွယ်အိတ်ချပြီး အန်တီကို ကန်တော့တယ်။ အန်တီက ဆုပေးပြီး မုန့်ဖိုးပေးတယ်။ ငယ်တုန်းတည်းက ဘုရားတရားလုပ်ဖို့ တိုက်တွန်းတယ်။

ကန်တော့ပြီးတော့ သူတို့ချက်ထားတဲ့ မုန့်ဟင်းခါးစားတယ်။ တကယ်တော့ အစ်ကိုလိုခင်တဲ့ သူငယ်ချင်းချက်တာ။ ယောက်ျားလေးတွေများ ဟင်းချက်တတ်ရင် မိန်းကလေး မမှီဘူး။ အထူးသဖြင့် ကန်ဒီမမှီဘူး :P ။ စလုံးမှာ ပေါင်းစရာဆိုလို့ ဒီသူငယ်ချင်းတွေပဲ ရှိတာ။ သူတို့ မရှိရင် ပျင်းလို့ သေလိမ့်မယ်.. အဟီး။ ကန်ဒီက သူငယ်ချင်းဆို ပွင့်ပွင့်လင်းလင်း ပြောတတ် နေတတ်တဲ့သူကို ပိုခင်တယ်။ ကန်ဒီလည်း ခင်ရင်အဲ့လိုပဲ နေတယ်။ ကန်ဒီ့ကို စစတွေ့ချင်း ဆိုရင်တော့ အေးတိအေးစက်ထင်ရတယ်။ လူရှိန်တယ်ပေါ့ :P

မုန့်စားပြီး ပြန်တဲ့လူလည်း ပြန်တယ်။ အိမ်မှာ အိပ်တဲ့လူလည်း အိပ်တယ်။ ဒီမှာ ကန်တော့ကြတော့ ရန်ကုန်က အမေတို့တွေ အမျိုးတွေကို သတိရတယ်။ သီတင်းကျွတ်ပြီဆို အဒေါ်တွေ၊ ဦးလေးတွေ လူစုံအောင် အိမ်လည်ကန်တော့တာ။ နောက် မောင်လေး(တ၀မ်းကွဲ) ကန်တော့တာလည်း ခံရတယ်။ ကန်ဒီတို့က ညီအစ်မတွေချည်းပဲဆိုတော့ ဒီမောင်လေးတစ်ယောက်တည်းကို စုပုံချစ်နေကြတာ။ ခုဆို ၉တန်းရောက်ပြီ။

အဖေ့ Facebook wall မှာ သွားကန်တော့တယ် (မခေဘူးနော်.. သူ့မှာလည်း ဖေ့ဘွတ်နဲ့.. အမှန်က ကန်ဒီတို့လုပ်ပေးထားတာ.. သူသိပ်မသုံးတတ်ဘူး.. ကြည့်တော့ကြည့်တတ်တယ်.. :P)။ အိမ်ကို ဖုန်းဆက်မလို့ဟာကို ဖုန်းကတ် 1818 ကုန်နေတယ်။ ဒီတိုင်းဆက်မလို့ လုပ်နေတုန်းမှာပဲ အမေက အွန်လိုင်းတက်လာတယ်။ Gtalk မှာမကြားတကြားနဲ့ ဆန့်တငင်ငင် ကန်တော့လိုက်ရတယ်။

သီတင်းကျွတ်နဲ့ နီးနီးလေးတင်ချင်တာနဲ့ အားလုံးလည်းပြန်ရော ရိုက်ထားသမျှကို ညကအပြီး Edit လုပ်တာ။ ဒါမျိုးဆို ၀ိရိယသိပ်ကောင်းတယ်လေ :P... ပုံမှန်ဆို ကန်ဒီ့ Video တွေ ဘလော့မှာမတင်ဘူး။ မတင်တာကလည်း အရေမရ အဖတ်မရတွေ များနေလို့ ဟီး။ ဒီနေ့တော့ သီတင်းကျွတ်အမှတ်တရ တင်လိုက်တယ်နော်။ မဟုတ်က ဟုတ်က ပြောသမျှကို သည်းခံကြပါ။ ရုပ်ကလည်း စုတ်ပြတ်နေပါတယ် >.<



အပျိုကြီး လူပျိုကြီးများ မြန်မြန်စွံပါစေရှင့်... :P

ဖူးငုံတဲ့ နှုတ်ခမ်းတစ်စုံ ပိုင်ဆိုင်ဖို့..

***** ကန်ဒီ Shwebeauty အတွက်ရေးပေးတဲ့ ပိုစ့်လေးပါ။ ဟိုမှာရေးသမျှကို ဒီမှာလည်းတင်မယ်နော်။ သိမ်းထားရာလည်းရောက်တယ်လေ။ နောက်ပြီး ကန်ဒီ့ဘလော့လေးကိုလာလည်တဲ့ မမတွေ ညီမလေးတွေလည်း ဖတ်နိုင်တယ်။ ဒီလိုပိုစ့်တွေကို အစ်ကိုများ မဖတ်ပါနှင့်.. မျက်စိမှိတ်ပေးပါ.. ရှက်လို့ပါ :P *****

ဒီပိုစ့်လေးကတော့ ဆွဲဆောင်မှုရှိတဲ့ နှုတ်ခမ်းဖူးဖူးလေးတစ်စုံ လိုချင်တဲ့ ပျိုမေများအတွက်ပါ။ ပွဲလမ်းသဘင်သွားတဲ့အခါဖြစ်ဖြစ်၊ ဓာတ်ပုံလှလှရိုက်ချင်တဲ့အခါဖြစ်ဖြစ်၊ မိမိနှစ်သက်မယ်ဆို ဘယ်အချိန်မဆို ဒီနည်းလေးကို အသုံးပြုနိုင်ပါတယ်။

ကဲ စလိုက်ရအောင်နော်...

လိုအပ်တာတွေကတော့...

(၁) သွားပွတ်တံ(သို့) သကြား

(၂) Lip balm

(၃) Lip Liner

(၄) Lip stick

(၅) Lip gloss

အဆင့်(၁) ပထမဆုံး နှုတ်ခမ်းကို သွားပွတ်တံလေးနဲ့ အသာလေးပွတ်ပေးပါ။ သကြားနဲ့ ပွတ်လည်း ရပါတယ်။ အဓိကက နှုတ်ခမ်းပေါ်က ဆဲလ်အသေတွေကို ဖယ်ရှားပစ်ချင်လို့ပါ။ အဲ့လိုလုပ်ခြင်းအားဖြင့် နှုတ်ခမ်းအရွယ်အစားကိုလည်း အနည်းငယ်ကြီးလာစေပါတယ်။

အဆင့်(၂) နှုတ်ခမ်းကို အစိုဓာတ်ရအောင် Lip balm လေး အရင်ဆိုးပါ။

အဆင့်(၃) Lip liner လေးနဲ့ နှုတ်ခမ်းအနားတလျှောက် ဆွဲပါ။ လူတော်တော်များများရဲ့ နှုတ်ခမ်းအနားမှာ အသားအရောင်မညီတာတွေ ရှိတတ်ပါတယ်။ Lip liner နဲ့ဆွဲလိုက်ခြင်းဖြင့် အဲ့ဒီ မညီမညာဖြစ်တာတွေကို ဖုံးလိုက်သလိုဖြစ်ပြီး နှုတ်ခမ်းလေးက ပိုကြွလာသလိုဖြစ်သွားတယ်။ ဆွဲတဲ့နေရာမှာ သတိထားရမှာက နှုတ်ခမ်းကို ကွေးလိုက်တာတို့၊ ပုံစံပြောင်းလိုက်တာတို့ မလုပ်ပဲ ရိုးရိုးပုံမှန်အနေအထားမှာပဲ ကိုယ်လိုချင်တဲ့ အနေအထားလေးရအောင်ဆွဲပါ။ အကောင်းဆုံးကတော့ အောက်နှုတ်ခမ်းအစွန်းနားရောက်ရင် အတွင်းဖက်ကို မသိမသာလေး ကွေးပေးလိုက်ပါ။

အဆင့်(၄) Lip liner နဲ့ပဲ နှုတ်ခမ်းတပြင်လုံးကို လိုက်ဖြည့်ပါနော်။ အဲ့လိုလုပ်ခြင်းအားဖြင့် နှုတ်ခမ်းနီလည်း ပိုကြာကြာခံစေတယ်လေ။ အဲ့လို မဖြည့်ချင်ဘူးဆိုရင်လည်း lip liner ကို အတတ်နိုင်ဆုံး ကိုယ်ဆိုးမယ့် နှုတ်ခမ်းနီအရောင်နဲ့ အနီးစပ်ဆုံးအရောင်ကို သုံးပါ။ Lip liner ထင်းထင်းကြီး ဖြစ်နေရင် ဘယ်လိုမှ မလှဘူးလေ။

အဆင့်(၅) ပြီးရင်တော့ ကိုယ်နှစ်သက်တဲ့ နှုတ်ခမ်းနီကို ဆိုးလိုက်တော့နော်။ နောက်ဆုံးအနေနဲ့ ရွှန်းလဲ့နေတဲ့ နှုတ်ခမ်းလေးရအောင် Lip gloss လေး ထပ်လိုက်ပါ။ Lip gloss ဆိုးတဲ့နေရာမှာ နှုတ်ခမ်းတပြင်လုံးဆိုးတာထက် နှုတ်ခမ်းအတွင်းပိုင်းလေးတွေပဲ ဆိုးတာက ပိုကြည့်ကောင်းပြီး 3D effect ပိုပေါ်စေပါတယ်။ (ဒါလေးက ကန်ဒီ့အမြင်လေးပါ)

နှုတ်ခမ်းအလှပေါ်လွင်စေဖို့ တခြားနည်းလမ်းတွေ ရှိပါသေးတယ်။ နှုတ်ခမ်းအနားပတ်ဝန်းကျင်ကို concealer လိမ်းခြင်းဖြင့် နှုတ်ခမ်းအနားတစ်လျှောက်သေသပ်စေပါတယ်။ အပေါ်နှုတ်ခမ်း အပေါ်ဘက်က ချိုင့်နေတဲ့ နေရာလေးကို white eyeshadow (သို့) highlighter လိမ်းပြီးတော့လည်း နှုတ်ခမ်းအလှပေါ်လွင်အောင် ဖန်တီးနိုင်ပါသေးတယ်။ နောက်တစ်နည်းကတော့ နှုတ်ခမ်းအတွင်းပိုင်းကို ကိုယ်ဆိုးတဲ့ နှုတ်ခမ်းနီအရောင်ထက် တစ်ဆင့်လောက်နုတဲ့ အရောင်ကို ဆိုးပေးတာပါ။ ဒီလိုလုပ်ခြင်းဖြင့် နှုတ်ခမ်းကို ပိုကြွသွားစေတယ်လေ။ နှုတ်ခမ်းနီ ကြာကြာခံပြီး ချောမွေ့တဲ့ နှုတ်ခမ်းမျက်နှာပြင်ရအောင် foundation ကို နှုတ်ခမ်းနီမဆိုးခင် နှုတ်ခမ်းပေါ်လိမ်းပေးနိုင်ပါသေးတယ်။ သဘာဝကျကျ နှုတ်ခမ်းတစ်စုံလိုချင်ရင်တော့ Lip liner မသုံးပဲ နှုတ်ခမ်းနီကို နှုတ်ခမ်းမှာ နည်းနည်းလေးတို့ပြီး လက်ကလေးနဲ့ ဖြန့်ပေးတာက အကောင်းဆုံးနည်းဖြစ်ပါတယ်ရှင့်။

ဒီလောက်ဆို ကျေနပ်မယ်ထင်ပါတယ်နော်..

နှုတ်ခမ်းဖူးဖူးလေးနဲ့ အပြုံးလှလှလေး ချွေဖို့တော့ မမေ့နဲ့နော်.. :)

Credit: ပုံများကို google မှ ယူပါသည်။

Presentation

ဒုတိယနေ့.... (Practice)

ပြီးပါပြီ... အခြေအနေမကောင်းပါ။ တောင်းတာလည်း မပေးပါ။ ရီးးး (ငိုသံ)
ကြောင်တောင်တောင်ဖြစ်သွားပြီလား?? :P

ကန်ဒီ presentation ရှိတယ်လို့ ဟိုတလောက ပြောဖူးတယ်နော်... တကယ်တော့ တစ်ခုတည်း မဟုတ်ဘူး.. နှစ်ခုမို့လို့ ခုမှပေါင်းရေးတာ။

ပထမတစ်ခုတုန်းကတော့ presentationက အဆင်ပြေတယ်။ အဆင်မပြေတာက ဖိနပ်။ ကန်ဒီက ဖိနပ်ဆို အမြင့်စီးနိုင်တယ်။ မစီးနိုင်တာက ဖိနပ်ထိပ်က ပိတ်နေတဲ့ ဟာမျိူး (အထူးသဖြင့် Formal)။ စီးရင်လည်း ခဏပဲရတယ်။ အဲ့ဒါကြောင့် ၀ယ်လည်း မ၀ယ်ဘူး။ ထုံးစံအတိုင်း ကန်ဒီ့ညီမဟာပဲ ၀တ်သွားတာပေါ့ (Part time ပိုစ့်မှာတုန်းက ဒုက္ခပေးတဲ့ ဖိနပ်လေ)။ ခုလည်း ဒုက္ခထပ်ပေးတယ်။ နောက်ဆုံးမ၀တ်နိုင်တော့လို့ သူငယ်ချင်းဖိနပ်ဝတ်ပြီး ပြောရတယ် :(

ပထမနေ့.... (မ၀တ်နိုင်လို့ ထိုင်နေရင် ချွတ်ထားရတဲ့ဘ၀)

ခုသန္ဓေတားဆေးအသစ်တမျိုးကို စမ်းသပ်နေပြီလေ။ အဲ့ဒီဆေးက သန္ဓေတားတဲ့အပြင် လိင်မှတဆင့်ကူးစက်စေတဲ့ ရောဂါပိုးတွေ(HIV အပါအ၀င်) ကာကွယ်နိုင်တယ်။ ကန်ဒီတို့ လုပ်ရမှာက ဒီဆေးအကြောင်း research ဆက်လုပ်နိုင်ဖို့ ရင်းနှီးမြှပ်နှံချင်တဲ့ သူတွေဆီက ပိုက်ဆံတောင်းရမှာပေါ့။ အဲ့ဒါ ပိုက်ဆံတောင်းတာ မပေးဘူးလေ... >.<

အားလုံးကို ၀ါးစားချင်နေတာနော်.. ဟင်းဟင်း (စတာ :P)

သူမပေးချင်တဲ့ အကြောင်းပြချက်က ဟုတ်လည်း ဟုတ်တယ်.. ရီလည်း ရီရတယ်။ အတိုချုပ်ပြောရရင်... ကန်ဒီတို့အခုလုပ်တဲ့ ဆေးအသစ်က မိန်းကလေးမှာ သုံးရတယ်။ ဒါကြောင့် ကွန်ဒုံးလို ဆက်ဆံနေစဉ်ကာလအတွင်းမှာ အနှောင့်အယှက်မဖြစ်စေဘူး။ မဆက်ဆံခင်တော့ အရင်ဆေးကြိုထည့်ရမှာပေါ့နော်။ အဲ့ဒါကို သူကမကြိုက်ဘူးဖြစ်နေတယ်။ သူပြောတာက ဒီလိုကိစ္စတွေက ကြိုသိနိုင်တာ မဟုတ်ဘူးတဲ့။ မရည်ရွယ်ထားလည်း ဖြစ်တာပဲတဲ့။ အဲ့ဒါကတစ်ခု... နောက်ပြီး ဆေးက ခုမှ လူမှာစမ်းမှာဆိုတော့ ရနိုင်မရနိုင်မသေချာလို့ invest မလုပ်ပါဘူးတဲ့... နေပေါ့.. မပေးလဲ... :P :P

နောက်တစ်ယောက်ကတော့ ဒီTechnology ကိုကြိုက်လို့ 5millionနဲ့ ၀ယ်ချင်တယ်တဲ့။ ဒီလိုတော့ ဘယ်ရမလဲ.. ဟွန်း.. ဒါက ဖြစ်နိုင်ချေရှိတဲ့ဟာပဲ.. ခုချိန်ရောင်းရင် အမြတ်နည်းနည်းပဲရမှာပေါ့... ဒါနဲ့ မရောင်းဘူးပြောလိုက်တယ်။ (မသိရင် ကန်ဒီတို့ပဲ တကယ်ပိုင်နေသလိုလို :P) ကိုယ်လုပ်နိုင်သလောက် သေချာလုပ်ပြီးပြီပဲ။ မရလည်း စိတ်မကောင်းမဖြစ်ပါဘူး။ တခြား group တွေလည်း မရဘူးကြားတယ်။

ဒီနေ့မှ မိုးတွေကလည်း သည်းလိုက်တာ။ ပွဲမ၀င်ခင် ကန်ဒီတို့ Practice အရင်လုပ်ပြီး ထမင်းစားဖို့ canteen သွားတာ ဘောင်းဘီလည်း ရွှဲသွားတယ်။ လူလည်း ကြွတ်စုတ်ဖြစ်သွားတယ်။

မလေးစာ (ကြက်ကြော်ရယ်.. ပိန္နဲသီးနဲ့ ပဲသီးဟင်းရယ်.. ခရမ်းသီးဟင်းရယ်..)

အဲ့ဒီဆိုင်က အစ်မက သဘောအရမ်းကောင်းတာ။ ဟင်းတွေဆို အများကြီးထည့် ထည့်ပေးတယ်။ တကယ်တော့ စလုံးကန်ဇွန်းရွက်ကြော် စားကြည့်မလို့ အဲ့ဆိုင်မှာ သွားရှာတာ။ မရှိဘူး။ (ကန်ဇွန်းရွက်က အိမ်မှာ ကြော်နေကြဆိုတော့ ဆိုင်မှဆို ၀ယ်မစားဖြစ်ဘူး... ငပိနဲ့ကြော်တာတဲ့ ကောင်းတယ်စားကြည့်ဆိုလို့) အဲ့ဒါနဲ့ ရှိတာနဲ့ပဲ စားတာပေါ့ :)

ဒီနေ့တော့ ဟိုဖိနပ်မစီးတော့ဘူး... မှတ်သွားပြီ။ ကိုယ်စီးနိုင်တာပဲ စီးသွားတယ်။ (ထိပ်ဆုံးပုံမှာ ကြည့်နိုင်သည် :P)

ပျော်ရွှင်ပါစေ... ^_^

OMG!! Exciting News!!!!

ကန်ဒီ အခု အရမ်း အရမ်း အရမ်းကို ပျော်နေပါတယ်.....

ဘာကြောင့်လို့ ထင်ပါသလဲ...

???

???

???

???

???

ပျော်နေတာက...........

မနေ့ကပဲ ကန်ဒီ့ဆီ ShweBeauty ဆိုတဲ့ မြန်မာ Beauty & Fashion ဆိုဒ်လေးက ပို့လိုက်တဲ့ မေးလ်တစ်ခုဝင်လာတယ်။ ကန်ဒီ့ကို သူတို့ဆီမှာ စာရေးဖို့ ဖိတ်ခေါ်လာတာပါ။ အဓိကကတော့ အလှအပနဲ့ ဖက်ရှင် အကြောင်းလေးတွေပေါ့နော်။ ကန်ဒီအရမ်းပျော်သွားတယ်။ ဆက်သိရတာက သူငယ်ချင်းမြတ်ကြည် (သနပ်ခါးမေ) က ကန်ဒီ့ဘလော့လေးနဲ့ မိတ်ဆက်ပေးလိုက်တာပါတဲ့။ အဲ့ဒီအတွက် မြတ်ကြည်ကိုလည်း ကျေးဇူးတင်တယ်။ ကန်ဒီလည်း ရေးပေးမယ်လို့ Reply လုပ်ထားပြီး သိပ်မကြာဘူး အဲဒီ့က Admin မရတနာက အကောင့်ရော ဘာရော လိုအပ်တာတွေ အကုန်လုပ်ပေးတယ်။ ဟိုတလောက ကန်ဒီတင်ထားတဲ့ လက်သည်းပုံဖော်နည်းလေးကို လိုအပ်တာပြင်ဆင်ပြီး ခုအဲ့ဒီဆိုဒ်မှာ တင်ထားပြီ... အဟိ :P

စိုးရိမ်တာက.........

အဲ့ဒီက အစ်မတွေရေးထားတာက Pro တွေလိုပဲ။ ကန်ဒီကောင်းကောင်းမရေးနိုင်မှာတော့ စိုးရိမ်တယ်။ ကန်ဒီရေးမှ ကလေးကလားဖြစ်နေမှာလည်း စိုးရိမ်တယ်။ ဒါပေမယ့်ကန်ဒီ ၀ါသနာပါတာလေးဆိုတော့ ကြိုးစားပြီးတော့ လုပ်မှာပါ... ^_^

ကန်ဒီ့ကို စာရေးဖို့ ဖိတ်ခေါ်တဲ့ ShweBeautyက မရတနာကိုလည်း ဒီနေရာလေးက ကျေးဇူးတင်ကြောင်းပြောချင်ပါတယ်ရှင့်..^^

အင်း... ဘာရေးရင်ကောင်းမလဲ??

P.S>>> အပျော်လွန်ပြီး သိပ်ပေါသွားရင် သည်းခံပါ.... :P