ဟိုဟိုဒီဒီ++

ဒီနေ့ ကန်ဒီ့မေမေရဲ့ ၆၂နှစ်ပြည့်မွေးနေ့...

Happy Birthday Mommy!!!! 

Be Happy and Healthy :D :D :D

မေမေ့အတွက် မွေးနေ့လက်ဆောင်အပါအ၀င် အမှတ်တရပိုစ့်တပုဒ်ကို သီးသန့်ရေးမယ်။ ခုလောလောဆယ်တော့ Present က မပြီးသေးဘူး ဟီးဟီး။ ဘာပေးမယ်လို့ ထင်ပါသလဲ?? ဒန်တန်တန်.........

 

မနေ့က ICA မှာ သောင်တင်တယ်။ ကြီးကြီးကိစ္စ လိုက်လုပ်ပေးတာ။ Passport မှာ "ဒေါ်" မပါပဲ Long Term Visa မှာ "ဒေါ်" ပါနေလို့ ပြန်ပြင်ရတာလေ။ အစ်ကိုတွေက ရုံးဖွင့်ရက်ကြီးဆိုတော့ မအားဘူး။ အဲ့ဒါနဲ့ ကန်ဒီလိုက်သွားပေးတာ။ ဟိုမှာတော်တော်ကြာ စောင့်လိုက်ရတယ်။ ပထမကောင်တာကလူက ဒုတိယသွားရမယ့်ကောင်တာကို မပြောဘဲ တတိယသွားရမယ့် ကောင်တာကို မှားပြောလိုက်တယ်။ ၁နာရီ ၂နာရီလောက်တော့ ကြာလိမ့်မယ်ဆိုပြီးလည်း သူက ပြောလိုက်သေးတယ်။ အဲ့မှာ သွားတာပဲ။ ကောင်တာအမှားကြီးမှာ ၂နာရီနီးပါး စောင့်နေတာ။ ၂နာရီခွဲလောက် စောင့်ပြီးတော့ မဟုတ်သေးဘူးဆိုပြီး Visitor Service ကို sms ပို့ကြည့်မှ Q No. က Counter 30 မှာ ကျော်သွားပြီတဲ့။ ကန်ဒီတို့စောင့်နေတာ Counter 20 မှာ (>.<)။ အဲ့မှာ မနက် ၉နာရီခွဲလောက်ထဲကရောက်နေတာ ၃နာရီမှ အားလုံးပြီးတယ်။ နေ့လည်စာလည်း အဲ့တော့မှ စားရတယ်။

စကားမစပ် လူကြီးတွေက ချစ်ဖို့ကောင်းတယ်နော်။ အဲ့နေ့က ကြီးကြီးနဲ့ ဧရာဝတီမှာ ထမင်းစားပြီးတော့ ဟင်းတချို့ကျန်တယ်။ သိပ်မများပါဘူး။ နည်းနည်းလေးပါ။ အဲ့ဒါလေးကို သူ့လွတ်နေတဲ့မုန့်ဗူးလေးထဲထည့်ပြီး ကန်ဒီ့ကို ပေးလိုက်တယ်။ ညစာစားလို့ ရတယ်တဲ့။ နည်းနည်းတော့ ရှက်ဖို့ကောင်းတာပေါ့။ ဟင်းနည်းနည်းလေးကျန်တာကို ထည့်နေတယ်ဆိုတော့ (:P)။ ပိုက်ဆံရှင်းတော့လည်း SGD 12.80 လား မသိဘူး ကျတယ်။ အဲ့ဒါသူ့မှာအကြွေတွေများနေလို့ဆိုပြီး 80 cents ကို 5cents လေးတွေပေါင်းပြီးပေးလိုက်တယ်။ ကန်ဒီတောင် 80cents ပြည့်မပြည့် ထိုင်ရေလိုက်ရသေးတယ်။ ပိုက်ဆံပေးတာကို စောင့်နေတဲ့လူကတော့ ဘယ်လိုထင်တယ်မသိ။ ကန်ဒီတော့ ရီချင်တယ် ဟိဟိ။ ရီချင်တယ်ဆိုတာက လှောင်တာမျိုး မဟုတ်ဘူးနော်။ ချစ်စရာကောင်းတယ် ထင်လို့ ဟီးဟီး။ ကိုယ့်ဟာကိုယ်ဆို အဲ့လိုအကြွေစေ့တွေ ထိုင်ရေဖြစ်မှာ မဟုတ်ဘူးလေ။

ဒီကိစ္စကို ကန်ဒီအလကားပြောပြနေတာ မဟုတ်ဘူးနော်။ အသက်ကြီးတဲ့လူတွေရဲ့ အပြုအမူတချို့ကို လူငယ်တွေက စိတ်မရှည်တတ်တာ များတယ်လေ။ ကိုယ်စိတ်မရှည်ဘူးပဲ ထားဦး။ သူတို့ရှေ့မှာ အမူအရာနဲ့ မဖော်ပြစေချင်ဘူး။ ကိုယ်အသက်ကြီးလာရင်ရော ဒီလိုမဖြစ်ပါဘူးလို့ ပြောနိုင်လား?? 

ကြီးကြီးက မေးတယ်။ အမေက သူ့ကို ကန်ဒီစာရေးတယ်လို့ ပြောတယ်.. ဟုတ်လားတဲ့။ Ekkk... ကန်ဒီစာရေးတာ အမေသိသွားပြီ။ ရှက်လိုက်တာ။ ကန်ဒီစာရေးတာ ဘယ်သူ့မှ မပြောထားဘူး။ ဖေ့ဘွတ်မှာလည်း ပိုစ့်တွေရှယ်လေ့မရှိဘူး။ ညီမအလတ်တယောက်ပဲ သိတာ။ ဟွင်းဟွင်း.. ဒင်းပြောလိုက်လား မသိဘူး >.<

မပြီးနိုင် မစီးနိုင်လို့ပဲ ပြောရမလား။ မြန်မာပြည်သင်္ကြန်က ၅ရက်ကို ဆက်တိုက်ကျင်းပတယ်။ စင်္ကာပူမှာက တပတ်တခါကျင်းပတယ် (:P)။ မနက်ဖြန် Sembawang မှာ သင်္ကြန်ရှိတယ်နော်။

နေ့ရက် - ၂၈.၄.၂၀၁၂ (စနေနေ့)

အချိန် - ညနေ ၄နာရီ မှ ည ၉နာရီ ထိ

နေရာ- Blk 341 Mini Park (Sembawang mrt နဲ့ နီးတယ်တဲ့.. လမ်းလျှောက်လို့ရတယ်)

Fee - $2 each

ဟုတ်တယ်.. Ticket နဲ့ (>.<)။ ဒါပေမယ့် $2 ဆိုတော့ မဆိုးပါဘူး။ Guess what?? ကန်ဒီ သီချင်းဆိုမှာ!!! အထင်မကြီးသွားနဲ့နော်။ အဖြစ်က ဒီလို.. ကန်ဒီမေတ္တာရှင်ဖောင်ဒေးရှင်းမှာ ခု Volunteer ၀င်လုပ်နေတယ်လေ။ အဲ့အဖွဲ့ကဆိုမယ့် Group song မှာ အီယောင်ဝါးဝင်လုပ်မှာကို ပြောတာ ဟိ။

အဖွဲ့လိုက်ဆိုတော့ Group ၀တ်စုံလေးနဲ့ပဲ ဆိုမှာ.. T-shirt နဲ့ ထမီကြီးနဲ့တော့ သိပ်မလိုက်ဘူး >.<

 သီချင်းတိုက်နေကြတာ :D

The Lady (HD)

မျှော်နေတဲ့သူတွေအတွက် "The Lady" ရုပ်ရှင်ကားကို YouTube မှာ ကြည့်လို့ရပြီနော်။ ဒီလင့်ခ် မှာနှိပ်ပြီး ကြည့်နိုင်ပါတယ်။ Quality လည်း ကောင်းတယ်။ Connection နှေးတဲ့နေရာရောက်နေတဲ့ သူတွေအတွက်လည်း ၁၀မိနစ်စာအပိုင်းလေးတွေကို သူ ဒီနေရာ မှာ Playlist လုပ်ပေးထားပါတယ်။

Good Night^^

လတ်တလော အတင်းများ (အဲ သတင်းများ :P)

ဒီရက်ပိုင်း မြန်မာသတင်းတွေ ပွတ်လောရိုက်နေတယ်။ မသိသေးရင် ပြောပြမယ် ရှူးးး... တိုးတိုးးးးး xD

သတင်းစဉ် (၁) စလုံး ဂျာနယ်လစ်တယောက်နှင့် မြန်မာများ

ဒါလူတိုင်းသိပြီးသားကိစ္စလို့ ထင်တယ်နော် (မသိသေးရင် ဒီမှာဖတ်ပါ)။ သူရေးထားတာတွေ မှန်ပါတယ်။ အမှန်တွေပါ။ ဒါပေမယ့် သူ့ရေးသားပုံတွေက Professional လုံးဝမဆန်ဘူး။ သူက ဂျာနယ်လစ်တယောက်လေ။ အဲ့လို မရေးသင့်ဘူး။ ကန်ဒီတို့ မြန်မာနိုင်ငံကိုအလည်လာတာ သူက ဘယ်လိုပုံစံမြင်ရမယ်လို့ မျှော်လင့်ထားလဲ မသိဘူး။ US တို့ UK တို့မှာမြင်ရမယ့် ပုံစံမျိုးကို မျှော်လင့်ထားတာလား။ တက်လိုက်တဲ့ Complain ဆိုတာ ဘာပြောရမှန်းတောင် မသိဘူး။ စောင့်ကြည့်နေပါ။ သိပ်မကြာဘူး။ မြန်မာနိုင်ငံလည်း တိုးတက်တော့မှာ ဟွန်းးး (=.=)။ OMG!!! နောက်ဆုံးမှာ Features Editor ဆိုတဲ့လူ ရေးထားတဲ့ပုံက ကန်ဒီတို့ကပဲ အထင်အမြင်လွဲသလိုလို။ စာမဖတ်တတ်ဘူး ထင်နေလား မသိဘူး။ စာရေးသူရေးထားတဲ့ နောက်ဆုံးစာကြောင်းတခုတည်းနဲ့တင် သူဘာကို ဆိုလိုချင်တယ်ဆိုတာ အသိသာကြီး >.<

"So Myanmar, please don't be in a hurry to catch up with us while you still can" (=.=")

မြန်မာတယောက်အနေနဲ့ အဲ့ဒီ Article ကိုဖတ်ပြီး တော်တော်ဒေါပွမိတယ်။ လူတိုင်း ကန်ဒီ့လိုခံစားရမယ်လို့ ထင်ပါတယ်။ ဒါပေမယ့် ကန်ဒီသတိပေးချင်တာက သူရိုင်းတိုင်း ကိုယ်မရိုင်းစေချင်ဘူး။ သူငါတို့နိုင်ငံကိုဒီလိုရေးတယ်ဆိုပြီး စလုံးတွေကို ကွန်မန့်တွေနဲ့ ပြန်စော်ကားတာမျိုး မဖြစ်စေချင်ဘူး။ သူ့အမှားကနေ ကိုယ့်အမှားဖြစ်လာမှာ စိုးတယ်။ ကန်ဒီ့ခံယူချက်တစ်ခုက ဘာလဲဆိုတော့.. သူများဆဲလို့ ကိုယ်ကပြန်ဆဲနေရင် ကိုယ်လည်း သူ့အဆင့်နဲ့တန်းတူဖြစ်သွားလိမ့်မယ်။ ကန်ဒီတို့မြန်မာတွေ အဆင့်အတန်းရှိကြောင်း ပြရအောင်လေ.. နော် ^_^

သတင်းစဉ် (၂) It's sooo sexyyyyy %@#$^%!

သူ့အကြောင်း ကန်ဒီပြောဖူးပါတယ်။ မှတ်မိလားတော့ မသိဘူး။ "အ"နှစ်လုံးနဲ့ အဆိုတော်ဆိုတာလေ။ သူ့ကို ပထမအကြိမ်ခွင့်လွှတ်ပြီး နာမည်တောင် ထည့်မရေးဘူး။ အဲ့လိုဗွီဒီယိုမျိုး မလုပ်သင့်ဘူးဆိုတာပဲ ရေးထားတယ်။ ခုနောက်တကြိမ် သူကကန်ဒီ့စိတ်ကို ရေးချင်အောင်လာဆွတယ်။ အဲ့တော့ ရေးတယ်ကွာ။ သူ့နာမည်က အိန်အိန်း။ အဆိုတော် အသစ်ထင်တယ်။ သူ့ဗွီဒီယိုကို Comment ပေးလို့လည်း မရဘူး။ Like/Dislike လုပ်လို့လည်း မရဘူး။ Share လို့တော့ ရတယ်ဆိုတော့ သူက Share စေချင်တဲ့သဘောလို့ ကန်ဒီယူဆလိုက်တယ်။ ဘာဖြစ်တယ်ဆိုတာ ဆက်မပြောတော့ဘူးနော်။ ဗွီဒီယိုသာ ကြည့်လိုက်တော့ #$@%^#^!
ဒါက အရင်ပိုစ့်တုန်းကပြောတဲ့ ဗွီဒီယို...

ဒါက ခုမှ သူနောက်ဆုံးတင်လိုက်တဲ့ ဗွီဒီယို...

သတင်းစဉ် (၃) မြန်မာသင်္ကြန်ပုံရိပ်များ 

ဖေ့ဘွတ်ပေါ်မှာ မြင်ရတာတွေ စိတ်လုံးဝမချမ်းသာဘူး။ ရေကူးဝတ်စုံနီးပါး အကျီလေးတွေနဲ့ တိုင်ဖက်ပြီး ကနေကြတယ် (O_O)။ မိန်းမပျက်တွေလို့ ထင်ကုန်ဦးမယ်။ ကြည့်လို့ရော စိတ်ပျက်ဖို့ရော တော်တော်ကောင်းတယ်။ ဖူးးးးးးးးးးးး... (သက်ပြင်းရှည်)

မြန်မာမင်းသမီးတယောက်လည်း သူ့ရဲ့သင်္ကြန်တွင်း ၀တ်ပုံစားပုံတွေကြောင့် အနုပညာလုပ်ပိုင်ခွင့် ခဏပိတ်ခံလိုက်ရတယ်လို့ ကြားတယ်။ သူက ကန်ဒီ့စကားမှနားမထောင်တာ.. Bra ၀တ်ပါဆို မ၀တ်ဘူးလေ ဟိ (:P)။ သူ့ဘေးကတယောက်ကတော့ နားထောင်တယ်။ Bra ၀တ်တယ်။ အပေါ်က အကျီပဲ မပါတာ။ အဲ့ဒါ ဘယ်သူလို့ထင်လဲ?? အပေါ်ဗွီဒီယိုက လျှာထုတ်ပြတဲ့ ကောင်မလေးတဲ့ >.<

သတင်းစဉ် (၄) Myanmar YouTube Community

ဒီရက်ပိုင်း မြန်မာ YouTuber တွေများလာတာ တွေ့တယ်။ နှစ်ယောက်က အရမ်းပေါ်ပြူလာဖြစ်နေတယ် (ကန်ဒီမပါပါ :P)။ YouTube Celebrity ပုံစံဖြစ်နေပြီ။ Fan Page တောင် ရှိတယ်နော်။ အထင်မသေးနဲ့။ YouTube မှာ မြန်မာစကားပြောတာ ကြည့်ရခဲတော့ အဲ့လိုလေးကြည့်ရတာ သဘောကျတယ်။ ဒါပေမယ့် တယောက်က များသောအားဖြင့် အင်္ဂလိပ်လို ပြောတယ်။ ကန်ဒီက မြန်မာလိုပြောစေချင်တာ ဟီး။ သူ့ပုံစံလေးနဲ့ သူတော့ လုပ်နေကြတာပဲ။ ဘာပဲဖြစ်ဖြစ် မြန်မာ YouTuber အရမ်းရှားတဲ့ထဲမှာ ဒီလိုလေးတွေ ကြည့်ရတာလည်း စိတ်အပန်းဖြေမှုတခုပေါ့ :D

သူတို့ Channel တွေကို သွားချင်ရင် နံပါတ်လေးတွေမှာ နှိပ်နော်...
(၁) ဒီအစ်မက စလုံးဂျာနယ်လစ်ကိစ္စနဲ့ နာမည်ကြီးသွားတာ... (ဒီလင့်ခ်ကိုဖွင့်လို့မရတော့ရင် အောက်ကကွန်မန့်တွေကို ဖတ်ကြည့်လိုက်ပါ။ သဘောပေါက်သွားပါလိမ့်မယ် :P)
(၂) ဒီအစ်မကကျတော့ ရီရတယ်။ ချစ်စရာလေး။ ဟာသ Hip Hop သီချင်းလေးနဲ့ ခုနာမည်ကြီးနေတယ် :)

ကန်ဒီလား?? ဟိဟိ.. ကန်ဒီက အဲ့လို YouTuber မဟုတ်ပါဘူး။ စကားပြောလည်း မကောင်းဘူး။ အမှတ်တရတွေနဲ့ ၀ါသနာပါတာတွေပေါင်းပြီး ဗွီဒီယိုတွေလုပ်နေတာ။ ဘယ်လိုပြောမလဲ။ ကန်ဒီ့ Channel က ပိုပြီး Personal ဆန်တယ်။ Editing ဘက်ကို ပိုဦးစားပေးတယ် :D

သတင်းအစီအစဉ် ဒီမှာပြီး၏။ ဆက်လက်တင်ဆက်မှာက ဖျော်ဖြေရေးအစီအစဉ် :P xD

We're Crazy xD

Weekend မှာ ညီအစ်မနှစ်ယောက် အရူးထထားတာလေ။ စိတ်ခိုင်ခိုင်ထားပြီး ကြည့်ပါ ဟိ

 We have longggg hairrrrr :D

 ဘာလုပ်ရင် ကောင်းမလဲ....

 မျက်နှာမြင် ရိုက်ချင်ပါတယ်ဆိုပြီး ဖြစ်သွားစေမယ့်ရုပ်မျိုး :P

 

 လုံးဝ ကြည့်မရဘူးနော်.. ကြည့်နေ ကြည့်စား ကိုင်ပေါက်လိုက်ရ =.=

 အစ်မကို တော်တော်ကြောက်ပုံရတယ် >.<

 O_O

ရူးသွားရှာပြီ...

 

တော်ပြီ... အိပ်ချင်လာပြီ Zzzz

ပုံမှန်ရုပ်လေးတွေ မေ့သွားမှာ စိုးလို့ :P

Enjoy your life everyone.. Life is too short^^

သူငယ်ချင်း

လူတယောက်ရဲ့ အပြုအမူအနေအထိုင် တစိတ်တပိုင်းကို သူ့ရဲ့သူငယ်ချင်းအပေါင်းအသင်းတွေက လွှမ်းမိုးထားတယ်ဆို ယုံမလား???

စဉ်းစားကြည့်လိုက်ရင် ကိုယ့်ဘာသာတယောက်တည်းဆို မလုပ်နိုင်တဲ့/လုပ်ဖို့အလားအလာနည်းတဲ့ ကိစ္စတချို့ကို သူငယ်ချင်းတွေနဲ့အတူဆို လုပ်မိသွားတတ်တယ်။ ဥပမာ- Club သွားဖို့ အဖော်ညှိတာမျိုး၊ ဘီယာအရက်သောက်ရင်တောင် လူများရင် ပိုသောက်ဖြစ်တယ်ဟုတ်

ဘာမဟုတ်တာတွေလုပ်ပြီး သူငယ်ချင်းတွေနဲ့ အချိန်ဖြုန်းနေမိတာ ကိုယ့်ဟာကိုယ် သတိထားမိလား? တချို့သူငယ်ချင်းတွေက မလိုအပ်ဘဲ တချိန်လုံးအပြင်သွားတယ်။ သူတို့သွားတိုင်းလည်း ကိုယ့်ကိုခေါ်တော့ မလိုက်ချင်လိုက်ချင် လိုက်နေရတတ်တယ်။ သူတို့ကြောင့် တန်ဖိုးရှိတဲ့ အချိန်၊ ပိုက်ဆံ စသဖြင့် အကုန်အကျတွေ များနေတတ်တယ်။ တခါတလေ စိတ်ထွက်ပေါက်တခုအနေနဲ့ သွားတာကို မဆိုလိုဘူးနော်။ အမြဲလိုလို အပျော်အပါးဘက်လိုက်နေတာကို ပြောချင်တာ။ 

ဒီနေရာမှာ အသိစိတ်ဓာတ်က အရမ်းအရေးကြီးတဲ့နေရာမှာ ပါလာပြီ။ အသိနဲ့ စိတ်ဓာတ်ကို ခွဲပြောချင်တယ်။
(၁) ကိုယ်လုပ်နေတာတွေ မှန်မမှန် ပြန်ဆန်းစစ်မယ်ဆိုတဲ့ အသိတခုရှိလား?? မှားနေတယ်ဆိုရင် ဒါမှားနေတယ်ဆိုတာ သိပြီလား?? 

(၂) တွေ့တဲ့အမှားကိုပြင်ဖို့ရော စိတ်ဓာတ်ခိုင်မာရဲ့လား??

ကိုယ့်ကိုကိုယ်ပြန်ဆန်းစစ်တတ်တဲ့ အကျင့်ရှိသင့်တယ်။ ကိုယ့်အမှားကို မမြင်ဘူး မသိဘူးဆို အဲ့နေရာမှာတင် ပြီးနေပြီ။ ပြင်မှာလည်း မဟုတ်ဘူး။ ကိုယ်နေထိုင်နေတဲ့ပုံစံက အဓိပ္ပာယ်ရှိရဲ့လားဆိုတာ ပြန်ဆန်းစစ်ကြည့်ပါလား။ ငါအပျော်အပါးတွေ အရမ်းများနေလား? ဒီသူငယ်ချင်းတွေက ငါ့ကိုဖျက်ဆီးနေတာလား? သူတို့နဲ့ မလိုအပ်ဘဲ အချိန်တွေ ဖြုန်းနေမိလား?

အဖြေရပြီဆို စိတ်ဓာတ်ခိုင်ခိုင်မာမာနဲ့ ပြင်ဆင်ပါ။ သူတို့ကို ရှောင်သင့်ရင် ရှောင်လိုက်ပါ။ ဆိုလိုတာက ကိုယ့်စိတ်ကိုယ် အဲ့ဒါမျိုး ဘာမဟုတ်တာတွေနဲ့ အချိန်မကုန်စေဖို့ ထိန်းသိမ်းပါ။ ဒီလိုလုပ်လို့ သူငယ်ချင်းတွေက မုန်းသွားမှာပဲဆိုတာမျိုး တွေးနေရင်တော့ နွံလိုပဲ နစ်သထက်နစ်လိမ့်မယ်။ 

တချို့လူတွေက သူငယ်ချင်းအပေါ် အရမ်းမှီခိုတယ်။ သူဒါလုပ်ဆို လုပ်တယ်။ သူဒါမလုပ်နဲ့ဆို မလုပ်ဘူး။ နောက်ပိုင်းမှာ အဲ့လိုလမ်းညွှန်နေတဲ့သူငယ်ချင်းတွေက သူတို့အပေါ် အရမ်းလွှမ်းမိုးလာတတ်တယ်။ မဆိုင်တဲ့ကိစ္စတွေမှာ ၀င်စွတ်ဖက်လာတတ်တယ်။ တကယ်တော့ ဘယ်သူ့အပေါ်မှာမှ မမှီခိုတာ အကောင်းဆုံးပဲ။ သူငယ်ချင်းတယောက်အနေနဲ့ အခြေအနေတရပ်ကို ဒီလိုလုပ်ရင် ဒီလိုဖြစ်နိုင်တယ်။ အကျိုးဆက်အနေနဲ့ ဒါတွေရမယ်.. အဲ့လိုမျိုးပဲ အကြံပေးသင့်တယ်။ ဒါကိုပဲ လုပ်.. ဆိုတဲ့ ပုံစံမျိုး မဖြစ်သင့်ဘူး။ ဆုံးဖြတ်ချက်တခုဟာ ကိုယ်ချတာပဲ ဖြစ်သင့်တယ်။ သူငယ်ချင်းက ဒါလုပ်ဆိုလို့ လုပ်တာမျိုး မဖြစ်စေချင်ဘူး။

သူငယ်ချင်းဆိုတာ ပေါင်းတတ်ဖို့ပဲ လိုတာပါ။ ကိုယ့်ရဲ့မူလစိတ်နဲ့ အပြုအမူအကျင့်စရိုက်ကို တသမတ်တည်းထားနိုင်တဲ့ စိတ်ဓာတ်ခပ်မာမာရှိဖို့လိုတယ်။ အပေါင်းအသင်းကြောင့် ပျက်စီးတယ်ဆိုတာ စိတ်ဓာတ်ပျော့ညံ့တဲ့သူတွေအတွက်တော့ မှန်မယ်ထင်တယ်။ ကိုယ့်စိတ်က ခိုင်တယ် ပြတ်သားတယ်ဆိုရင် ဘယ်လိုသူငယ်ချင်းမျိုးပေါင်းပေါင်း ကြိုက်တဲ့လူနဲ့ ပေါင်းလို့ရတယ်။ ကိုယ့်စိတ်ကို သူတို့မလွှမ်းမိုးနိုင်ဘူးလေ။ အဲ့ဒါ အရေးကြီးဆုံးပဲ :D

ဒီမှာ ကန်ဒီအဓိကပြောချင်တာ သူငယ်ချင်းရွေးပေါင်းဖို့ မဟုတ်ဘူးနော်။ ကိုယ့်စိတ်ကိုယ် နိုင်စေချင်တာ။ မကောင်းမှန်းသိရင် ပြင်ရဲတဲ့သတ္တိရှိစေချင်တာ။ ကိုယ့်ဟာကိုယ်ပဲ မှီခိုတတ်တဲ့အကျင့် ရှိစေချင်တာ။ ကန်ဒီ့ပတ်ဝန်းကျင်မှာ တွေ့နေရတာတွေက ကန်ဒီ့အတွက် စာတပုဒ်ဖြစ်ဖြစ်သွားတတ်တယ်။ ဒီပိုစ့်လေးလည်း ထိုနည်း၎င်းပဲ ^_^

သင်္ကြန်ပိုစ့်လည်း ရိုးလောက်ပြီ :P

ဒီလအတွင်း ရေးပြီးသားပိုစ့်တွေ ပြန်ကြည့်မိတော့ သင်္ကြန်နဲ့ပက်သက်ပြီး ကန်ဒီရေးတာ ဒါနဲ့ဆို ငါးပုဒ်ရှိပြီ (>.<)။ ဖတ်တဲ့လူတွေလည်း ရိုးနေလောက်ပြီ။ ရေးတဲ့လူလည်း ဘာရေးရမှန်း မသိတော့ဘူး ဟိဟိ။ စိတ်မပူပါနဲ့။ ကန်ဒီလေမရှည်ပါဘူး။ အဲ့နေ့အကြောင်း နည်းနည်းပဲပြောပြီး ဗွီဒီယိုပြမယ်လေ။ ပြီးရင် အားလုံး စိတ်ဝင်စားမယ့်အကြောင်းအရာတခု ဆွေးနွေးမယ် :D (သင်္ကြန်နဲ့ မပက်သက်ပါ)

တနင်္ဂနွေနေ့က Toa payoh သင်္ကြန်ရှိတယ်နော်။ အဲ့နေ့မှာပဲ ဓာတ်တော်တိုက် နှစ်သစ်ကူးပွဲလည်း ရှိတယ် (သူတို့ဆိုဒ်ကိုသွားလည်ချင်ရင် ဒီမှာနှိပ်ပါ)။  အစက အဲ့နှစ်ခုကို တူတူပဲ.. တနေရာတည်းလုပ်တယ် ထင်နေတာ။ နောက်မှ မတူမှန်း သိတယ်။ အင်.. လေမရှည်ဘူးပြောပြီး ရှည်မိပြန်ပြီ။ အတိုချုပ်ရရင် အစကတနင်္ဂနွေနေ့မနက်ပိုင်း ဘယ်မှသွားဖို့ အစီအစဉ်မရှိဘူး။ အဲ့နေ့မတိုင်ခင်ပဲ အစ်ကိုတယောက်က ဓာတ်တော်တိုက်သင်္ကြန်ကို လာခဲ့ဖို့ဖိတ်လို့ ရောက်သွားတယ်။ တကယ်ဆို ကန်ဒီ့အိမ်ကနေ အဲ့ကိုကားစီးရင် (၁၅)မိနစ်တောင် မကြာဘူး တိုက်ရိုက်ရောက်တယ်။ အဲ့ဒါကို ကန်ဒီရထားသုံးဆင့်စီးပြီး သွားလိုက်တယ်။ တော်ချက် >.<

သက်ကြီးပူဇော်ပွဲ :D

ထုံးစံအတိုင်း စတုဒိသာကျွေးတယ်လေ။ ကန်ဒီစားတာက ငါးထမင်းရယ်.. မုန့်လက်ဆောင်းရယ်.. ဒါပဲ။ အဲ့လိုပွဲမျိုးဆို အစားထက် ဗွီဒီယိုရိုက်ဖို့ ဓာတ်ပုံရိုက်ဖို့ပဲ စိတ်ကအားသန်နေတယ်။ ဒါလည်း ၀ါသနာကိုး။ တားမရပါ။ သင်္ကြန်အကအပြင် တိုင်းရင်းသားရိုးရာအကတွေနဲ့လည်း ဖျော်ဖြေတယ်။ ကချင်သီချင်းလေးနဲ့အကကို အရမ်းကြိုက်တယ် (အဲ့ဘက်ကမို့ ဘက်လိုက်ပြောတာ မဟုတ်ဘူးနော်)။ ပုံမှန်ဆို ကရင်အကကိုကြိုက်တယ်။ အရမ်းမြူးလို့လေ။ ဒါပေမယ့် ဒီပွဲမှာ ကရင်သီချင်းသံက အရမ်းတိုးနေတော့ မြူးသင့်သလောက် မမြူးဘူး။ ဆက်မပြောတော့ဘူး.. ဗွီဒီယိုလေးပဲ ကြည့်လိုက်တော့နော် ^_~

ကန်ဒီ့ကို လာဖို့ဖိတ်တဲ့အစ်ကိုနဲ့တောင် စကားသေချာမပြောလိုက်ရဘူး။ သူက ကူနေတဲ့သူဆိုတော့ ကန်ဒီစကားသွားပြောရင် ရှုပ်သလိုဖြစ်နေမှာ အားနာလို့လေ :)

***************************************************************************************

ဆွဲဆောင်မှုရှိသော ယောက်ျားများ :P

ခေါင်းစဉ်ဖတ်တာနဲ့တင် စိတ်ဝင်စားသွားပြီမလား ဟိဟိ။ ဟိုတလောကပဲ အစ်ကိုစိန်ခဲက အဲ့လိုခေါင်းစဉ်မျိုးနဲ့ ခပ်ဆင်ဆင် ပိုစ့်လေးတပုဒ်ရေးတယ်။ သူရေးထားတာ အကုန်နီးပါးမှန်တယ်။ သူကတော့ ယေဘူယျသဘော ခြုံငုံရေးထားတာပေါ့နော်။ အခု ကန်ဒီက ကန်ဒီ့အမြင်တခုတည်းဘက်က ရေးမယ်။ အဲ့ဒါပျော်ဖို့ကောင်းမယ် ထင်တယ် ဟဲဟဲ xD

စကားကြိုခံဦးမယ်။ ဒါမိန်းကလေးတွေ ချစ်သူရွေးတဲ့အခါ ကြည့်တတ်တဲ့အချက်တွေလို့ မဆိုလိုဘူးနော်။ အတွေးတွေ လွဲကုန်ဦးမယ်။ ချစ်တာ ကြိုက်တာက သက်သက်။ ဒါက ရိုးရိုး ပုံမှန်နေ့စဉ်ဘ၀မှာ ယောက်ျားလေးတွေနဲ့ တွေ့ကြုံမိတဲ့အခါ ဆွဲဆောင်မှုရှိတယ်လို့ ကန်ဒီထင်တာမျိုးကို ပြောပြတာ ^_~

အရပ်ရှည်ရှည် အသားညိုညို ဘော်ဒီနည်းနည်းရှိတဲ့ ခန္ဓာကိုယ်မျိုး။ Muscle တွေ အရမ်းထွက်နေတာမျိုးကို ပြောတာမဟုတ်ဘူးနော်။ ပိန်ပိန်လေး မဟုတ်တာပေါ့။ ဘယ်လိုပြောမလဲ အဆီတွေ ထွက်မနေတာမျိုးပေါ့ (:P)။ လက်ချောင်းတွေ ဘာတွေလည်း မိန်းကလေးတွေလို သွယ်နေတာမျိုးကို မကြိုက်ဘူး။ လက်သည်းအရှည်၊ ဆံပင်အရှည်ထားတာလည်း မကြိုက်ပါ။ တက်တူးထိုးတာလည်း မကြိုက်ပါ။ သပ်သပ်ရပ်ရပ်နေတတ်တာလည်း ဆွဲဆောင်မှုတမျိုးပဲ။ အဲ.. အရမ်းအသန့်ကြိုက်လွန်နေတဲ့လူမျိုးကျ မကြိုက်ဘူး။ တချို့ယောက်ျားလေးတွေ စီးကရက်သောက်ရင် အရမ်းကြည့်ကောင်းတာမျိုးရှိတယ်။ ဒါပေမယ့် အဲ့ဒါသောက်တာတော့ အားမပေးပါ :P

ဝတ်စားပုံအရဆိုရင် လူကြီးနည်းနည်းဆန်တဲ့ပုံမျိုး။ ဟိုလို Rapper တို့ Emo တို့လို မဟုတ်တာမျိုးပေါ့။ မိန်းကလေးလိုလို ဘာလိုလို ကိုရီးယားမင်းသားစတိုင်လ်တွေ ၀တ်တာလည်း မကြိုက်ဘူး။ တချို့ဆိုပုဆိုးဝတ်ထားရင် အရမ်းကြည့်ကောင်းတယ်။ ပုဆိုးနဲ့နေတတ်တာမျိုးပေါ့။ ကန်ဒီ့အတွက် အရမ်းအရမ်းလိမ္မာတဲ့ ယောက်ျားလေးတွေက ဆွဲဆောင်မှုမရှိဘူး။ နည်းနည်းလေးဆိုးတာက တမျိုးဆွဲဆောင်မှုရှိတယ် :P

စကားအရမ်းမများတဲ့ လူမျိုး (သို့မဟုတ်) ယောက်ျားလေးလို စကားများတဲ့ လူမျိုး။ တချို့ယောက်ျားလေးတွေက မိန်းကလေးလိုစကားများတယ်။ အဲ့ဒါမျိုး မကြိုက်ပါ။ အတင်းပြောတဲ့ယောက်ျားလေးများ၊ မဟုတ်တာကို ဟုတ်သလိုလို ရွှီးတဲ့ယောက်ျားလေးများ၊ ဘာမဟုတ်တာကို ချဲ့ကားတတ်သော ယောက်ျားလေးများ လုံးဝဆွဲဆောင်မှု မရှိပါ (ကန်ဒီ့အမြင်)။ အပြောထက် လက်တွေ့ပြတတ်တဲ့ ယောက်ျားလေးတွေက ဆွဲဆောင်မှုပိုရှိတယ်။ ဟာသဥာဏ်ရွှင်တဲ့ ယောက်ျားလေးတွေလည်း တမျိုးဆွဲဆောင်မှုရှိတာပဲ။

အချိန်တိကျတဲ့ ယောက်ျားလေးများ။ ကန်ဒီမကြိုက်ဆုံးအကျင့်က ဘာလဲသိလား? အချိန်မလေးစားတာပေါ့။ ချိန်းထားလို့ ၁၀မိနစ် ၁၅မိနစ်နောက်ကျတာ လက်ခံတယ်။ အဲ့ထက်ပိုရင် ကန်ဒီစိတ်မရှည်တတ်ဘူး။ ကန်ဒီ့အချိန်တွေ သူတို့ဝါးစားနေသလို ခံစားရတယ်။ ၁နာရီလောက်နောက်ကျတာမျိုး ကြုံဖူးတယ်။ အဲ့ဒါမျိုး ကန်ဒီ့ကို တခါပဲလုပ်လို့ရမယ် ဟွင်းဟွင်း။ နောက်တခါ အဲ့လိုလူမျိုးနဲ့ ချိန်းရင် ကန်ဒီအမြဲ နောက်ကျမှ သွားတော့တယ်။ အဲ.. ဒါပေမယ့် အချိန်လေးစားတဲ့လူမျိုးတွေ့ရင် ကန်ဒီအရမ်းသဘောကျတတ်တယ်။

ပြုံးခဲတဲ့ ယောက်ျားလေးများ။ တချို့ယောက်ျားလေးတွေက ရုပ်တည်ကြီးတွေနဲ့ ပြုံးခဲတယ်။ အဲလိုလူမျိုးကို ဆွဲဆောင်မှုရှိတယ်ပဲ ပြောရမလား.. မရှိဘူးပဲ ပြောရမလား မသိဘူး။ အဲ့လိုလူမျိုးတွေ ပြုံးပြီး ရီရင် ကန်ဒီအရမ်းသဘောကျတယ်။ အဟိ.. တခါတလေကျတော့လည်း လူ့သဘောသဘာဝက နည်းနည်းဆန်းတယ်နော်။

ဒါအကုန်ပဲ ထင်တယ်။ စဉ်းစားလို့မရတော့ဘူး။ ဖတ်နေတဲ့သူတွေရဲ့အမြင်မှာ ဆွဲဆောင်မှုရှိတယ်ထင်တဲ့ မိန်းကလေး (သို့) ယောက်ျားလေးရဲ့ပုံစံတွေကို ပြောပြချင်ရင် ပြောပြခဲ့လို့ရတယ် သိလား။ ကန်ဒီက စိတ်မဆိုးတတ်ဘူး :D :D

Good Night^^

သင်္ကြန်ပုံပြင်++

သင်္ကြန်နဲ့ ပက်သက်လို့ အကြီးမားဆုံး အမှတ်တရရှိခဲ့တယ်။ အဲ.. အမှတ်တရလို့ မပြောချင်ဘူး။ ပျော်စရာ မဟုတ်ခဲ့လို့။ Psycho တစ်ခုရခဲ့တယ်လို့ ပြောရင်ပိုမှန်မယ်ထင်တယ်။ ကန်ဒီသင်္ကြန်မှာ ရေမပက်ရဲဘူးဆို ယုံမလား???

တတန်းနှစ်လောက်တုန်းက....

ငယ်ငယ်က ကန်ဒီတို့ညီအစ်မတွေ အမြဲအကျီဆင်တူဝတ်တတ်တယ်။ အဲ့နှစ်သင်္ကြန်ရေကစားဖို့ဆိုပြီး အမေက အကျီအနီရောင်ရဲရဲလေးကို သုံးယောက်လုံးအတွက် ဆင်တူချုပ်ပေးတယ်။ အရင်ချုပ်ပေးနေကျ ဂါဝန်လေးတွေမဟုတ်ဘူး။ စကပ်ထမီလေးနဲ့ ဗမာအကျီလက်ပြတ်လေး။ လူကြီးလေးလိုပေါ့။ အဲ့အကျီလေးကို အရမ်းကြိုက်တယ်။ အမေက သင်္ကြန်ကျမှ ၀တ်ရမယ်ဆိုပြီး တချက်လွတ်အမိန့်ထုတ်ထားတယ်။ သင်္ကြန်ရောက်ရင် အဲ့အကျီလေးဝတ်ပြီး ရေကစားရမယ်ဆိုပြီး အပျော်ကြီးပျော်နေခဲ့တယ်။

သင်္ကြန်ရောက်တော့ လမ်းသွားလမ်းလာတွေကို ရေပက်ဖို့ အိမ်ရှေ့မှာ အမေက ရေပုံးလေးချပေးတယ်။ ကန်ဒီတို့ညီအစ်မတွေ ရေကစားနေကြတယ်။ လမ်းမှာဖြတ်သွားတဲ့ ရေမပက်သင့်တဲ့အဒေါ်ကြီးတယောက်ကို ကန်ဒီရေပက်လိုက်မိတယ်။ ပက်လိုက်တဲ့အချိန်မှာလည်း အမေက အနားမရှိတော့ သူ့ကိုမပက်သင့်မှန်း ကန်ဒီတကယ်မသိခဲ့ဘူး။ ဟုတ်တယ်.. သူယောဂီဝတ်စုံ ၀တ်ထားတယ်။ ကန်ဒီရေပက်လိုက်လို့ သူတုန့်ပြန်တဲ့ အပြုအမူက အရမ်းကြောက်ဖို့ကောင်းတယ်။ ဒေါသတွေထွက်ပြီး မျက်လုံးစိမ်းစိမ်းတွေနဲ့ ဆဲဆိုသွားတယ်။ ကန်ဒီအရမ်းလန့်သွားတယ်။ မှတ်မှတ်ရရ အရမ်းကြိုက်တဲ့ အကျီအနီလေးနဲ့.........

အဲ့နှစ်သင်္ကြန်ကစပြီး ကန်ဒီဘယ်သူ့ကိုမှ ရေမပက်တော့ဘူး။ မပက်ရဲတော့တာ။ "ဒါလေးနဲ့ ဒီလောက်ဖြစ်ရလား.."လို့ တွေးနေလား? ကလေးတယောက်ရဲ့စိတ်မှာ ဖြစ်တဲ့ဒဏ်က လွယ်လွယ်နဲ့ မပျောက်တတ်ဘူးလေ။ ရေပက်ခံတဲ့ကားတွေကို မဏ္ဍပ်မှာပိုက်နဲ့ပက်ဆိုရင်တော့ ပက်ရဲတယ်။ သူတို့က ရေပက်ခံချင်လို့လာတာလေ။ ဒါပေမယ့် မသိတဲ့လူတယောက်ယောက်ကို ရေခွက်နဲ့ရေသွားလောင်းပါဆိုရင် ခုချိန်ထိကန်ဒီမလုပ်နိုင်သေးဘူး။ ကိုယ့်ဟာကိုယ်ပျော့ညံတာတော့ သိတယ်။ အဲ့စိတ်ကို ခုထိမနိုင်သေးဘူး >.<

ကဲ.. ကဲ.. ဒါတွေထားပါ။ ဟိုနေ့က ဆမ်ဘာဝမ်းသင်္ကြန် ဗွီဒီယိုလေး Edit လုပ်ပြီးပါပြီ။ ကြည့်ချင်သူများ ကြည့်နိုင်ပါပြီ :D :D

*************************************************************************************

Girl Night^^

မနေ့ညက ကန်ဒီ့အချစ်ဆုံးသူငယ်ချင်းတွေနဲ့ Google plus မှာ Group Hangout :D

ကန်ဒီ Google plus တခါမှ မသုံးဖူးဘူး။ အဲ့လို Video နဲ့ Hangout လုပ်လို့ရတာလဲ မသိဘူး။ သူတို့ပြောမှ သိတာ (>.<)။ ကန်ဒီတို့သုံးယောက်က တယောက်တနေရာမှာလေ။ ရန်ကုန်မှာရှိတဲ့ သူငယ်ချင်းနဲ့လည်း ဗွီဒီယိုရော စကားရောပြောလို့ရတယ်။ ဒီလိုကျတော့လည်း ရန်ကုန်မှာ လိုင်းကောင်းသားပဲ :D :D

 Miss you girls :(

အဲ့လို Hangout လုပ်လို့ရတယ်ဆိုတာ အားလုံးသိပြီး ဖြစ်မယ်ထင်တယ်။ မသိသေးတဲ့သူတွေကို ခုပြောပြလိုက်ပြီနော် ^_~ 

မေ့တော့မလို့...

ဗွမ်း ဗွမ်း ဗွမ်း...

အားလုံးကို ရေနဲ့လောင်းလိုက်သည်။ (မမြင်ရတော့ လောင်းရဲသည် :P)

Have a safe Thingyan^^

ဆမ်ဘာဝမ်း သင်္ကြန်

ဟိုးထား.. ဟိုးထား.. ကန်ဒီကြိုပြောထားမယ်နော်။ ဒီနှစ်သင်္ကြန် ဘာဓာတ်ပုံမှကောင်းကောင်း မရိုက်ဖြစ်ခဲ့ဘူး။ လူအုပ်ထဲတိုးနေရတာနဲ့တင် ပြီးနေတယ်။ အဖြစ်ကတော့ ဒီလို....

ကန်ဒီ အိပ်ယာနိုးတော့ ၉နာရီကျော်ပြီ။ ဆမ်ဘာဝမ်း MRT ရောက်တော့ 11:20 AM လောက်။ အဲ့ရောက်တော့ အိပ်ယာလမ်းညွှန်ထားသလို မြန်မာတွေနောက်လိုက်တယ်။ ခက်တာက မြန်မာတွေက အများကြီး။ တယောက်တနေရာ သွားနေကြတယ်။ ဘယ်သူ့နောက်လိုက်လို့ လိုက်ရမှန်းမသိဘူး (>.<)။ မြန်မာအုပ်စုတစ်စုနောက်လိုက်သွားတယ်။ Sun Plaza ရှေ့က Taxi stand ကိုရောက်သွားတယ်။

အိပ်ယာပြောထားတာကလည်း Shuttle Bus က Taxi stand နားမှာတဲ့။ Sun Plaza ရှေ့က Taxi Stand လားဆိုတော့ သူလည်း မသိဘူးတဲ့ (ပြီးရော)။ မြန်မာတွေအများကြီး တန်းစီနေတယ်လေတဲ့။ အင်း.. အင်း.. ရှာကြည့်လိုက်ဦးမယ်ဆိုပြီး ဖုန်းချလိုက်တယ်။ မြန်မာတွေကတော့ နေရာစုံမှာ တန်းစီနေကြတယ်။ အဲ့ဒါနဲ့ သူပြောတဲ့ Taxi Stand က ဒါလား သိရအောင် Shuttle Bus လာတာကိုစောင့်နေတယ်။ မလာဘူး။ အနားက အစ်မတယောက်ကိုမေးတော့ ဟိုဘက်နားမှာတဲ့။ သူပြောတာ Bus Interchange ဘက်။ အဲ့ဒါနဲ့ Bus Interchange ဘက်ရောက်သွားရော။ Bus 882 စီးသွားလည်းရတယ်။ အဲ့နားမှာလူတွေတန်းစီနေတာ အရှည်ကြီးပဲ။ 

ဖုန်းနဲ့ခိုးရိုက်တာ :P

အဲဒါနဲ့ ဘာလုပ်ရမလဲ မသိလို့ ပြောင်းပြန်ဘက်ကို ပြန်လျှောက်ကြည့်တယ်။ အဲ့နားက ဘက်စ်ကားဂိတ်မှာ ဟိုကြည့် ဒီကြည့်လုပ်နေတုန်း ဟိုနေ့က အိပ်ယာတို့ ဘလော့ကိုသွားလုပ်ပေးတုန်းက တွေ့တဲ့အစ်ကိုတယောက်က ကန်ဒီမလားတဲ့.. Shuttle Bus က ဟိုနားမှာတဲ့။ အရမ်းပျော်သွားတာ။ ထတောင်ခုန်ချင်တယ် ဟီး။ အဲ့လိုနဲ့ နောက်ဆုံး Shuttle Bus ပေါ်ရောက်သွားပါတယ်။ ဟိုကိုရောက်တော့ ၁၂ထိုးနေပြီ။

 လက်မြှောက်ပြီး ရိုက်ထားတာတွေ....

နေကလည်း တော်တော်ပူတယ်။ လူလည်း တော်တော်များတယ်။ ဟိုကို ချွေးတဒီးဒီးနဲ့ ရောက်သွားတယ်။ လူက နည်းနည်းပြိုင်းချင်နေပြီ။ ဓာတ်ပုံရိုက်ဖို့ ဘယ်လိုမှ စိတ်မပါဘူး။ ရောက်ရောက်ချင်း အိပ်ယာက သွားစားတဲ့။ သူ့ကောင်မလေးနဲ့ ညီမလေးက ကန်ဒီနဲ့တူတူ လူအုပ်ထဲတိုးပြီး မုန့်လိုက်ယူပေးတယ်။ နှစ်ယောက်လုံး ခင်ဖို့အရမ်းကောင်းတယ်။ ခုမှတွေ့ဖူးပေမယ့် မစိမ်းဘူး။ မေတ္တာရှင်ဖောင်ဒေးရှင်းမှာ လူတွေကအများကြီး။ အားလုံးလိုလိုက ကန်ဒီနဲ့မသိဘူး။ ကန်ဒီက လူအရမ်းများနေရင် မနေတတ်တော့ဘူး။ ကန်ဒီပေါင်းသင်းဆက်ဆံရေးညံ့တာကို ပြောချင်တာ။ ကူမယ်ဆိုတော့လည်း ကူတဲ့လူတွေက အရမ်းများနေတယ်။ ဘာမှမလုပ်ဘဲ အဲ့နားနေရတာ အားနာလာတာနဲ့ ကင်မရာတလုံးနဲ့ စတိတ်ရှိုးနားရောက်သွားတယ် :P

စတိတ်ရှိုးမှာ ပန်းကုံးတွေရောင်းတယ်။ ဒါကလည်း ဘုန်းကြီးကျောင်း ရန်ပုံငွေအတွက်ပါ။ ကန်ဒီ နားမလည်တာက သီချင်းဆိုတဲ့သူတချို့က ဘာလို့ သူတို့ကို လာစွတ်တဲ့ ပန်းကုံးကို စွတ်ပေးပြီးပြီးချင်း ချွတ်ပြီး တနေရာရာမှာ ထားလိုက်ရတာလဲ။ ကန်ဒီ့စိတ်ထဲမှာ တမျိုးပဲ။ အဲ့လိုလုပ်တာ သွားစွတ်ပေးတဲ့သူကို မလေးစားရာ ရောက်သလားလို့။ ဥပမာ ကန်ဒီက ပန်းကုံးတခုကို ပိုက်ဆံပေးပြီး ၀ယ်တယ်။ ပြီးတော့ ကိုယ်သဘောကျတဲ့အဆိုတော်ကို သွားစွတ်တယ်။ စွတ်ပေးပြီး ကန်ဒီစင်အောက်ရောက်လို့ ပြန်ကြည့်လိုက်တဲ့အချိန်မှာ ကန်ဒီစွတ်ပေးထားတဲ့ပန်းကုံးက ဆိုတဲ့လူဆီမှာ မရှိတော့ရင် ကန်ဒီ့စိတ်ထဲ တမျိုးဖြစ်မှာပဲလေ။ ဟုတ်တယ်မလား။ အလကားနေရင်း စွတ်ပေးတဲ့သူဘက်က တွေးပေးနေတာ ဟိဟိ။ အဆိုတော်တွေ အားလုံး အသံကောင်းကြတယ်။ ကြိုက်တယ် :D

 

အဝေးကနေ Zoom ဆွဲထားတာ.. Focus မိ မမိလည်း မသိဘူး.. လက်မြှောက်ပြီး ခလုတ်နှိပ်လိုက်တာ :D

 

နည်းနည်းတိုးလိုက်လို့ ရှေ့နားရောက်လာတယ်...

 

အားရပါးရဆိုနေတယ် :D

ဗွီဒီယိုတော့ နည်းနည်းရိုက်လာတယ်။ ဒါပေမယ့် လူအုပ်ထဲမှာ တိုးရင်းရိုက်ရတော့ လက်ကမငြိမ်ဘူး။ ကန်ဒီ နောက်အားမှ ဗွီဒီယိုကို Edit လုပ်ပြီး တင်ပေးမယ်။ စတိတ်ရှိုးမှာ ကန်ဒီက သီချင်းနားထောင်နေတုန်း အိပ်ယာတို့က MRT ကို ပြန်ကုန်ပြီ (>.<)။ သူဖုန်းခေါ်နေတာလည်း မကြားဘူး။ ကိုယ်ကလည်း ကိုယ့်အရှိန်နဲ့ကိုယ် ဟိဟိ။ နောက်မှ ဖုန်းပြန်ဆက်တော့ MRT မှာ မေတ္တာရှင်ဖောင်ဒေးရှင်းအဖွဲ့နဲ့ မုန့်စားနေကြတယ်.. လာခဲ့ပါတဲ့။ အဲ့ဒါနဲ့ အဲ့မှာ မုန့်စားပြီး အိမ်ပြန်ခဲ့တယ်။

အိမ်ရောက်လို့ ပြန်စဉ်းစားကြည့်တော့ ကန်ဒီကိုယ့်ဟာကိုယ်တောင် ဓာတ်ပုံမရိုက်လိုက်ရဘူး။ သို့သော်.... မုန့်စားနေတုန်း အဲ့အဖွဲ့က ခင်နေတဲ့အစ်ကိုတယောက်က လာရိုက်ပါလေရော။ စားနေတုန်း တည့်တည့်ကြီးလာရိုက်တယ်။ မြင်တော့မြင်တယ် ဒါပေမယ့် ကန်ဒီ့ကိုရိုက်နေတယ် မထင်ဘူး။ အနောက်က၀ိုင်းကို ရိုက်နေတယ် ထင်တာ >.<

 တမင်တကာ လျှပ်တပြက် လာရိုက်တယ် >.<

I'm so Happy because.....

အဲ့အဖွဲ့က Sis တယောက် (အစ်မလား ညီမလား မသိလို့ :P) ကန်ဒီ့ကို လာနှုတ်ဆက်တယ်။ ကန်ဒီ့ဘလော့ကို ဖတ်တယ်တဲ့။ အဲ့လိုအပြင်မှာဘယ်သူမှ လာမပြောဖူးတော့ အရမ်းပျော်သွားတယ် (:D :D)။ ရုတ်တရက်ဆိုတော့ ကျေးဇူးတင်ပါတယ် ပြောတာတောင် အထစ်ထစ် အငေါ့ငေါ့ (:P)။ သူ့နာမည်လေးတော့ မေးထားတယ်။ နာမည်လေးက ချစ်စရာလေး။ နောက်ပွဲတွေမှာ တွေ့ခဲ့ရင် ကန်ဒီအရင် နှုတ်ဆက်ပါ့မယ် Sis (^_^)။ အမှန်အတိုင်းဝန်ခံရရင် ဟိုကိစ္စဖြစ်ပြီးထဲက ဘလော့နဲ့ပက်သက်ပြီး ကန်ဒီ့ကိုမုန်းတဲ့လူတွေများနေတယ်ဆိုပြီး  စိတ်ဓာတ်နည်းနည်းကျနေတာ။ အခု အားနည်းနည်း ပြန်ရှိလာပြီ (:D)။ 

YouTubeမှာသိတဲ့အစ်ကိုတယောက်ကလည်း အိမ်ပြန်ရောက်ရောက်ချင်းပဲ YouTube Message ပို့တယ်။ ကန်ဒီ့ကို သူတွေ့လိုက်တယ်ထင်တယ်တဲ့။ ကန်ဒီ့ပုံက ဘလော့နဲ့ ဗွီဒီယိုတွေမှာလို မဟုတ်ဘူးတဲ့။ အပြင်မှာအရမ်းတည်တော့ နှုတ်ဆက်ဖို့မပြောနဲ့ ရေပက်မလို့ဟာတောင် မပက်ရဲဘူးတဲ့ ဟီးဟီး။ တကယ်တော့ အဲ့ဒါအမှန်ပဲ။ တွေ့တွေ့ချင်းဆို ကန်ဒီက အဲ့လိုထင်ရတယ်။ လာနှုတ်ဆက်တဲ့ Sis ကိုတောင် ကျေးဇူးတော်တော်တင်ရမယ်။ 

ကန်ဒီ ဒီရက်ပိုင်းခဏပျောက်ဦးမယ်နော်။ Thesis ရေးရမယ်။ အဲ့ဒါ ဗုဒ္ဓဟူးနေ့ Submit လုပ်ပြီးမှပဲ ပိုစ့်အသစ်တင်တော့မယ်။

တာ့တာ^^

မနက်ဖြန်အတွက် အမြည်း :D

မနက်ဖြန် ဆမ်ဘာဝမ်းသင်္ကြန်......... ဒန် တန် တန် 

သွားမယ်လို့ရည်ရွယ်သူများ စောစောသွားကြနော်။ တချို့စားစရာတွေက အစောကြီးကုန်တာ။ မနှစ်က ကန်ဒီတို့ မုန့်လုံးရေပေါ် သွားလုံးတယ်။ လုံးတဲ့လူကနည်းတော့ တယောက်တယောက်ကို အကြာကြီးလုံးရတယ်။ အဲ့ဒါနဲ့ တဖြည်းဖြည်း မုန့်လုံးရေပေါ်က ဂေါက်သီးလုံးလောက်ဖြစ်လာရော ဟီးဟီး။ နောက်ဆုံး မလုံးနိုင်တော့လို့ မုန့်လုံးရေပေါ်ကနေ မုန့်လက်ကောက်ဖြစ်သွားရှာတယ်။ အများကြီးလုပ်တာတောင် ၁၂နာရီဆိုတာနဲ့ ကုန်သွားတာ။ အဲ့တော့ ၀ါးမယ်ဆို စောစောသွားနော်။ ကန်ဒီလည်း သွားမှာ။ မနက်စောစောနိုးပါစေ :P

မနှစ်က ဆမ်ဘာဝမ်းသင်္ကြန်ကတော့ ဒီလို ဒီလို..... (သူများ ဗွီဒီယိုမဟုတ်ဘူးနော်.. ကန်ဒီ့ဗွီဒီယို ဟဲဟဲ :P)

 

မနက်ဖြန် တန်းတန်းမတ်မတ် အဲ့ကိုရောက်ပါစေ ဆုတောင်းရမယ်။ ကန်ဒီတယောက်တည်း သွားရမှာ။ အိပ်ယာတို့က အရင်ရောက်နေမှာလေ။ သူလမ်းညွှန်ပုံကတော့ မိုက်တယ်။ MRT ရောက်ရင် အပို့အကြိုကားရှိတယ်တဲ့။ မြန်မာတွေ နောက်သာလိုက်ခဲ့တဲ့။ ပြီးရော >.<

Good Night ^^

သင်္ကြန်လည်မယ့် ပျိုမေတွေအတွက်

ခုချိန်ဆို ရန်ကုန်မှာ သင်္ကြန်သီချင်းတွေ ဖွင့်တဲ့သူကဖွင့်.. သင်္ကြန်မဏ္ဍပ်လက်မှတ် ၀ယ်တဲ့သူက၀ယ်.. လည်ဖို့ကား စီစဉ်သူက စီစဉ်နဲ့ အလုပ်ရှုပ်နေလောက်ပြီနော်။ သင်္ကြန်လည်မယ့်ပျိုမေတွေ အလှအပနဲ့ ပက်သက်ပြီး စဉ်းစားတဲ့နေရာမှာ အထောက်အကူဖြစ်အောင် ဒီပိုစ့်လေးနဲ့ တတ်နိုင်သလောက်ကူညီလိုက်ပါတယ် ^_^

Foundation

ရေစိုခံတဲ့ ဖောင်ဒေးရှင်းကတော့ ရှာရနည်းနည်းခက်မယ် ထင်တယ်နော်။ ဖောင်ဒေးရှင်းရွေးတဲ့နေရာမှာ အဆင်ပြေစေဖို့ ရေစိုခံ ဖောင်ဒေးရှင်းတွေကို ဖော်ပြပေးလိုက်ပါတယ် :)

(1) Estee Lauder Maximum Cover

(2) Clinique Work-Out Makeup All Day Wear

(3) Dermablend Cover Creme Foundation

(4) MAC Studio Sculpt SPF 15 Foundation

(5) Make Up For Ever Professional Foundation

ဒီဖောင်ဒေးရှင်းတွေက ဈေးတော့ကြီးတယ် (ကန်ဒီကိုယ်တိုင်တောင် တခါမှ မသုံးဖူးဘူး :P)။ ကန်ဒီအကြံပေးကြည့်ချင်တဲ့ ဖောင်ဒေးရှင်းက Revlon Colorstay ပါ။ သူက Waterproof လို့ Claim မလုပ်ထားပေမယ့် Quality ကောင်းပြီး ကြာကြာခံတဲ့ ဖောင်ဒေးရှင်းတခုပါ။ သင်္ကြန်နေ့မှာ မသုံးခင်တော့ ကိုယ်လိမ်းမယ့် ဖောင်ဒေးရှင်းကို အရင်စမ်းကြည့်စေချင်ပါတယ်။ ဖြစ်နိုင်ရင် ပါးပါးပဲလိမ်းပါ။ ပျက်လည်း မသိသာဘူးပေါ့။ သင်္ကြန်မှာ တချို့မိန်းကလေးတွေ မိတ်ကပ်အထူကြီးလိမ်းပြီး ပျက်တော့ ကြည့်မကောင်းတာ တွေ့ဖူးတယ်။

Eyes

Cream အမျိုးအစားတွေက ပိုကြာရှည်ခံပါတယ်။ Powder အမျိုးအစားသုံးမယ်ဆို လုပ်နိုင်တဲ့ နည်းတခုတော့ ရှိပါတယ်။ အဲ့ဒါကတော့ Make up for ever Eye Seal ဆိုတဲ့ Product နဲ့ Powder eyeshadow ကို တွဲသုံးဖို့ပါ။ သူက ကိုယ်သုံးတဲ့ Eyeshadow powder ကို ရေစိုခံအောင် ပြောင်းလဲပေးနိုင်ပါတယ်။ Smashbox Waterproof Shadow Liner Duo ကိုလည်း Eye shadow ရွေးချယ်တဲ့နေရာမှာ စဉ်းစားနိုင်ပါတယ်။ Eyebrow, Eyeliner နဲ့ Mascara ကတော့ Waterproof ဆိုတာတွေ အများကြီးပါ။ ကိုယ်နှစ်သက်တဲ့ Brand ကို ရွေးချယ်နိုင်ပါတယ်။

Blush & Lip

 

ပါးနီနဲ့ နှုတ်ခမ်းအတွက် ကန်ဒီအကြံပေးချင်တာက Lip Tint တွေပါ။ ပိုကြာကြာခံပါတယ်။ Cream အမျိုးအစား ပါးနီတွေလည်း သုံးနိုင်ပါတယ်။

Hair

သင်္ကြန်အတွက် ဆံပင်စတိုင်လ်ဆိုရင်တော့ ကျစ်ဆံမြီးသေးသေးလေးတွေက အကောင်းဆုံးပေါ့။ ရေပိုက်နဲ့ ထိုးလည်း မပျက်ဘူးလေ။ ခက်တာက အဲ့ဒီဆံပင်စတိုင်လ်က လူတိုင်းနဲ့ မလိုက်ဘူး။ ကန်ဒီအပါအ၀င်ပေါ့။ အဲ့တော့ ဦးထုပ်ဆောင်းပါ။ ကျစ်ဆံမြီးကျစ်ပြီးမှလည်း ဦးထုပ်ဆောင်းနိုင်တယ်။ ဒါမှမဟုတ် ဒီတိုင်း ဦးထုပ်ဆောင်းပြီး ကျနေတဲ့ဆံပင်တချို့ကိုပဲ ကျစ်ဆံမြီးသေးသေးလေးတွေ ကျစ်ချင်လည်း ရတယ်။ ဆံပင်တိုတဲ့သူတွေအတွက်တော့ စတိုင်လ်ကျပြီး ကိုယ်နဲ့လိုက်တဲ့ ဦးထုပ်တလုံးနဲ့တင် အဆင်ပြေမှာပါ။

Fashion

သင်္ကြန်ဆို ကန်ဒီက အဘွားကြီးလိုလို ယောင်္ကျားလျာလိုလို။ တကယ်တမ်း ကန်ဒီသင်္ကြန်မှာ ဘာမိတ်ကပ်မှ မလိမ်းဘူး ဟီဟိ။ ကန်ဒီဝတ်တတ်တာက ဂျင်းဘောင်းဘီနဲ့ All stars ဖိနပ်.. အပေါ်က ဂျက်ကင်လိုလို အနွေးထည်လိုလို အကျီင်္ထူထူနဲ့ ဦးထုပ်တလုံး.. ဒါပဲ။ အဲ့ဒါကြောင့် ဖက်ရှင်နဲ့ ပက်သက်လို့ ကန်ဒီအကြံမပေးတတ်ဘူး။ မှာချင်တာလေးတွေတော့ ရှိတယ်။

(၁) ကျေးဇူးပြု၍ အတွင်းခံ (Bra) ၀တ်ပါ။ သင်္ကြန်မှာ အတွင်းခံမ၀တ်တဲ့ မိန်းကလေးတွေ တွေ့ဖူးတယ်။ ဘာလို့လဲ မသိဘူး။ မဖော်သင့်တဲ့အရာကို မဖော်တာကောင်းပါတယ်။

(၂) နောက်တခု မိန်းကလေးတွေ မှားတတ်တာလေး ထောက်ပြဦးမယ်။ မှားတာလား တမင်လုပ်တာလားတော့ ကန်ဒီလည်း မသိဘူး။ တချို့မိန်းကလေးတွေက စွတ်ကျယ်အကျီင်္ ၀တ်ချင်တယ်။ သူတို့ရဲ့ ရင်ဘတ်က သေးတယ် (ငါဘာတွေ ပြောနေမိပါလိမ့် @_@.. ဒီပိုစ့်တော့ ယောက်ျားလေးတွေ မဖတ်လောက်ဘူး ထင်တာပဲ :P)။ စွတ်ကျယ်ကို ရင်ဘတ်အရမ်းပြားတဲ့သူတွေ ၀တ်ရင် မလိုက်ဘူးလေ။ အဲ့တော့ သူတို့လုပ်တာက အတွင်းခံ Bra အမာ ဆိုဒ်အကြီးကို ၀ယ်ဝတ်တယ်။ အဲ့လိုဝတ်ပြီး အတွင်းက ရင်ဘတ်နဲ့ Bra ကြားက လွတ်နေတဲ့ Space ကို ဖော့နဲ့ မခံဘူး။ အဲ့တော့ စဉ်းစားသာကြည့်တော့။ အပေါ်ကနေ အကုန်မြင်နေရတယ်။ သူတို့နားမှာ ကောင်လေးတွေ ၀ိုင်းဝိုင်းလည်ပြီး မျက်စိအစာကျွေးနေကြတယ်။ အဲ့ဒါကြောင့် အဲ့လိုBra size အကြီး ၀တ်ချင်ရင် Bra နဲ့ ရင်ဘတ်ကြားမှာ ဖော့ခံဝတ်ကြပါနော် >.<

Thingyan Nail Art ^_^

ကန်ဒီအရင် တင်ဖူးပြီးသား Sponge သုံးပြီးလုပ်တဲ့ Nail Art ပုံစံပါပဲ။ ဘာမှ သိပ်မကွာဘူး။ ဒီ ဒီဇိုင်းလေးက Fresh လည်း ဖြစ်တော့ သင်္ကြန်နဲ့ လိုက်မယ်ထင်လို့ တင်ပေးလိုက်ပါတယ်နော် ^_~

လိုအပ်တာတွေကတော့...

(၁) Base/Top Coat

(၂) White nail polish

(၃) ကိုယ်ဆိုးချင်တဲ့အရောင် နှစ်ရောင် (Fresh ဖြစ်တဲ့အရောင်လေးတွေဆို ပိုလှတယ် :D)

(၄) Make up sponge

စမယ်နော်....

(၁) Base coat ဆိုးပါ။

(၂) အဖြူရောင်ကို Sponge နဲ့ လက်သည်းတပြင်လုံး တို့ပါ။

(၃) ကိုယ်ဆိုးမယ့်အရောင် နှစ်ရောင်ကို ထောင့်ဖြတ် Sponge နဲ့ လိုက်တို့ပါ။ အထူးသဖြင့် အရောင်နှစ်ရောင် ဆက်တဲ့နားကို သေချာတို့ပါ။ အဲ့တော့မှာ အရောင်တခုနဲ့တခု ရောသလိုဖြစ်သွားမှာလေ :D

(၄) အရောင်အရမ်းထင်းသွားရင် အဖြူနဲ့ ထပ်တို့ပါ။ သိပ်ထင်းထင်းကြီးဆို မလှဘူး။ အဖြူနဲ့ရောနေတာမျိုးလေးက ပိုလှတယ် :D

(၅) ပြီးရင် Top Coat ဆိုးလိုက်တော့နော်....

အရင်က တင်ဖူးတဲ့ ဒီ ဒီဇိုင်းလေးနဲ့ အတူတူပါပဲ။

 ဒီမှာက Cross တို့တယ်။ အခုဟာက ထောင့်ဖြတ်တို့တယ်။ ဒါပဲ ကွာတယ် :D

သင်္ကြန်မှာ အားလုံးကတော့ လန်းနေမှာ သေချာပါတယ်။ ပျော်လည်းပျော် သရုပ်လည်း မပျက်စေနဲ့ပေါ့။

ပျော်ရွှင်ဖွယ် သင်္ကြန်ဖြစ်ပါစေရှင် ^_^

Credit: 

(1) makeupnotebook.com

(2) smartgirlconsulting.com

(3) dailymakeover.com

Busy Weekend

ကန်ဒီတယောက် အလုပ်ရှုပ်နေပါတယ်။ ရှုပ်လေကောင်းလေပဲ။ မရှုပ်ရင် စိတ်ညစ်စရာတွေ ခေါင်းထဲဝင်လာတယ် (စိတ်ညစ်စရာ = စာမေးပွဲ မဖြေနိုင်ခြင်း)။ စနေနေ့က East Coast မှာ Barbeque.. ရန်ကုန်ပြန်ပြီး မင်္ဂလာဆောင်တော့မယ့် သူငယ်ချင်းတယောက်ရဲ့ နှုတ်ဆက်ပွဲလေ။ ကန်ဒီ့ကို ဓာတ်ပုံရိုက်ပေးမယ့်သူ တယောက်မရှိတော့ဘူးးး (:P)။ မိန်းမရတော့မှာ တော်တော်ပျော်နေပုံရတယ်.. မူးလိုက်ကြတာမှ သူရော သူ့သူငယ်ချင်းတွေရော အလဲအကွဲ။ ကန်ဒီလား?? မမူးပါဘူး.. သူတို့သောက်ပြီး မူးပြီး ပြောချင်ရာတွေ ပြောနေတာကို ထိုင်ရီပြီး ပြန်လာတယ် ဟိဟိ။ သူတို့ကတော့ ဆက်မူးပြီး ကျန်ခဲ့တယ်။ ကံကောင်းလို့ Taxi ငှားလို့ရတယ်။ အိမ်ပြန်ရောက်တော့ ၁၁ခွဲလောက်။

  

သရေကျနေပြီမလား.. ဟဲဟဲ

ဖေ့ဘွတ်မှာ ဟိုးးး ငယ်ငယ်တုန်းက သူငယ်ချင်းတွေနဲ့ပြန်တွေ့တယ်။ ဒီလိုကျတော့လည်း ဖေ့ဘွတ်က မိုက်တယ်နော်။ တချို့က အိမ်ထောင်ကျကုန်ပြီ။ တချို့ဆို ကလေးတောင် နှစ်ယောက်လောက်ရနေပြီ (:O)။ ကန်ဒီ မငယ်တော့ဘူးနော်။ ကိုယ့်ဟာကိုယ် ငယ်တယ်ပဲ ထင်နေတယ် ဟီးဟီး (:P)။ လွတ်လွတ်လပ်လပ်နေပါဦးလား... ဘာလို့စောစောစီးစီး လက်ထက်ကြတာလဲဟင်? အဲ့လိုမေးရင် ချစ်လို့ပေါ့လို့ ပြန်ဖြေမယ်ထင်တယ်နော် :D :D

ဘာသီးတွေပါလိမ့်???

 

ဒီသီချင်းလေးကို အရမ်းကြိုက်နေတယ်။ ဆိုမယ်ကွာဆိုပြီး Singforyou မှာ သွားဆိုတယ်။ ဆိုရခက်တယ်။ မကျေနပ်လို့ ၃၊ ၄ခါလောက်ဆိုတယ်။ ဆိုပြီး Save လိုက်တော့ ကန်ဒီ့အသံပါမလာဘူး (Preview တုန်းက ပါတယ်)။ သီချင်းသံကြီးပဲ ဖြစ်နေတယ်။ အရမ်းတင်းတယ် >.<

တနင်္ဂနွေနေ့ကတော့ ကုသိုလ်ရတဲ့နေ့လေးပါ။ အိပ်ယာတို့လုပ်နေတဲ့ မေတ္တာရှင် ဖောင်ဒေးရှင်း(စင်္ကာပူ) အဖွဲ့ရဲ့ ဘလော့ဒီဇိုင်းကို သွားပြင်ပေးတယ်။ အဖွဲ့ဝင်တွေ စိတ်တိုင်းကျ လုပ်ပေးထားတယ်။ အစကအောင်အောင်(အိမ်လွမ်းသူ)ကိုတောင် Free Template တွေ မေးထားသေးတယ်။ အချိန်တိုအတွင်းပြင်ရတာဆိုတော့ HTML code တွေရှာပြင်နေရင် ကြာမှာစိုးလို့ Template မသုံးဘဲ အမြန်ဆုံးနည်းနဲ့ Banner လုပ်၊ Blogger ကပေးတဲ့ Background ပဲသုံးပြီး လုပ်လိုက်တယ်။ Banner နောက်ခံက ကန်ဒီရှာထားတာလေ (ကြွားတာ)။ စာလုံးတွေ ဘာတွေကတော့ အဲ့အဖွဲ့က အစ်ကိုတယောက် Photoshop ထားတယ်။ အချိန်နည်းနည်းလေးနဲ့ လုပ်လိုက်တဲ့ ဘလော့ဒီဇိုင်းလေးက မဆိုးဘူး ပြောလို့ရတယ်။ ကျေနပ်တယ် အဟိ။

မေတ္တာရှင်ဖောင်ဒေးရှင်း အကြောင်းသိချင်ရင်တော့ သူတို့ဆိုဒ်မှာ သွားဖတ်နိုင်ပါတယ်။ မန်ဘာဝင်ချင်လည်း ၀င်နိုင်ပါတယ်။ ကန်ဒီကတော့ မန်ဘာလိုလို ဘာလိုလို ဟိုမရောက် ဒီမရောက် ဟီးဟီး။ အိပ်ယာနဲ့ခင်တော့ ကူညီနိုင်တာလေးတွေ ကူနေတာ။ ဒါနဲ့ သင်္ကြန်ဘာလုပ်ကြမှာလဲ?? (၈)ရက်နေ့ ဆမ်ဘားဝမ်းသင်္ကြန်ရှိတယ်နော်။ သွားကြမှာလား?? ကန်ဒီကတော့ အဲ့နေ့ မေတ္တာရှင်ဖောင်ဒေးရှင်းက ရေအလှူမှာ သွားကူဖြစ်မယ် ထင်တယ်... သူတို့လူလိုရင်ပေါ့  ^_^

ဆမ်ဘားဝမ်းသင်္ကြန်ဖိတ်စာ ဖတ်ချင်ရင် ဒီမှာ နှိပ်ပါ :D 
ကန်ဒီသွားဖြစ်ရင်တော့ ဓာတ်ပုံတွေ မပါလာမှာ မပူပါနဲ့ ဟီးဟီး (ဓာတ်ပုံရိုက်ဖို့ အားရင်ပေါ့ :P)

စာကြွင်း - သီချင်းဆိုလို့ ရသွားပြီ။ နားဒုက္ခပေးတော့မယ်ကွ ဟိဟိ။ Microphone မကောင်းလို့ တကျွိကျွိဖြစ်နေတယ်နော်။ အဲ့ဒါကိုရော ကန်ဒီ့အသံကိုရော သည်းခံပေးနော်။ သီချင်းလေး ကြိုက်လို့ဆိုတာနော်။ ဆိုတတ်လို့ မဟုတ်ဘူးနော်.. နော်.. နော်.. :P