My Dream??

 

ဒါ Diary post ဆိုတာထက် ဒီနေ့ရတဲ့ အတွေးတခုလို့ ပြောရင်ပိုမှန်မယ်။ ကန်ဒီမေးမယ်နော်။ ဘ၀အတွက် Dream ဆိုတာ ဘာလဲ... ဘယ်လိုခံယူထားလဲ???

ဒီနေ့ Part Time နောက်တခုအတွက် အင်တာဗျူးသွားတယ်။ အားလုံးတော့ တွေးနေမှာပဲ.. "ခုလည်း Part Time တခုလုပ်နေတာ ဘာကိစ္စနောက်တစ်ခုလုပ်ချင်တာလဲ" လို့။ ဒီကောင်မလေး ပိုက်ဆံတော်တော်လိုနေလားပေါ့ (:D)။ ခုလုပ်နေတဲ့ Part Time က ကန်ဒီပြောဖူးသလို Data Entry ပဲလေ။ ဘာမှထူးထူးခြားခြား မဟုတ်ဘူး။ ဒီနေ့ အင်တာဗျူးသွားဖြေတဲ့ အလုပ်က Healthcare Consultant position.. ကန်ဒီ့ဘွဲ့နဲ့လည်းဆိုင်တော့ အဲ့ကနေ အတွေ့အကြုံရနိုင်တယ်လေ။ အဲ့ဒါကြောင့် လျှောက်လိုက်တာ။ အဲ့မှာလည်း မြန်မာတွေပဲ။ ကန်ဒီလည်း မြန်မာတွေနဲ့ ရေစက်ဆုံပုံရတယ်။ အခြေအနေက ဘယ်လိုဆက်ဖြစ်မယ် မသိဘူး။ စနေနေ့တော့ Seminar တစ်ခုသွားရမယ်။ ထားပါ.. အဓိကပြောချင်တာကို မရောက်တော့ဘူး (:P)။ အဲ့အင်တာဗျူး Form မှာ ကန်ဒီ့ကို Dream ၆ခု ရေးခိုင်းတယ်။

ခုနက ကန်ဒီမေးထားတဲ့မေးခွန်းကို စဉ်းစားပြီးပြီလား?? ဘ၀အတွက် Dream ဆိုတာဘာလဲ.. ဘယ်လိုခံယူထားလဲ?? ကန်ဒီ နားလည်ခံယူထားတာက... Dream ဆိုတာ "စိတ်ထဲရှိတဲ့စိတ်ကူးဆန္ဒတွေ"။ အဲ့ဒါတွေက အကောင်အထည်ပေါ်ချင်လည်း ပေါ်မယ်။ မပေါ်ချင်လည်း မပေါ်ဘူး။ ဥပမာ - ကန်ဒီငယ်ငယ်က စာသင်တဲ့ဆရာမတစ်ယောက်ဖြစ်ချင်ခဲ့တယ်။ အဲ့ဒါ ကန်ဒီ့ Dream.. ခုထိလည်း ဖြစ်ချင်နေသေးတယ်။ ဒါပေမယ့် ကန်ဒီဖြစ်နေတာ ဆရာမမဟုတ်ဘူး။ နောက် ကန်ဒီ Photographer တွေလို Professional ဆန်ဆန် ဓာတ်ပုံရိုက်တတ်ချင်တယ်။ နောက် ကန်ဒီ့စိတ်ကြိုက် Design ဆွဲထားတဲ့ အိမ်လေးတလုံး ပိုင်ချင်တယ်။ နောက် ကန်ဒီ Cosplayer ဖြစ်ချင်တယ်။ အဲ့လိုပေါ့.. ကန်ဒီ့ဖြစ်ချင်တဲ့ စိတ်ကူးတွေ အများကြီးရှိတယ်။ အဲ.. ဘ၀အတွက် အကောင်တထည်ဖော်ဖို့ ကြိုးစားနေတာမျိုးကျတော့ Target သတ်သတ်မှတ်မှတ်ရှိတဲ့ Goal ဖြစ်သွားပြီ။ ဒါဆို မေးစရာရှိတယ်။ လူတိုင်းက ကိုယ့်ဖြစ်ချင်တဲ့ စိတ်ကူးဆန္ဒတွေအများကြီးကို အကောင်အထည်ဖော်ဖို့ ကြိုးစားနေတာလား?? အဲ့ဒီစိတ်ကူးတွေ အများကြီးနောက်ကိုလိုက်ပြီး ဖြစ်ကိုဖြစ်ရမယ်ဆိုတဲ့ Goal တွေ သတ်မှတ်နေတာလား?

 This is called "Cosplaying"

ကန်ဒီ့ကို အဲ့မေးခွန်းမျိုးမေးခဲ့ရင်တော့ အဖြေက NOOOO!!! ကန်ဒီ့အတွက် Dream ဆိုတာ ဖြစ်ချင်တဲ့စိတ်ကူးတွေ။ အခွင့်အရေး/အချိန်တွေရှိခဲ့မယ်ဆိုရင် ကန်ဒီလုပ်မယ်.. မရှိရင်မလုပ်ဘူး (ဥပမာ - ဟိုတနေ့ကပဲ သူငယ်ချင်းတယောက်ကမေးတယ်။ ဘုန်းကြီးကျောင်းမှာ ကလေးတွေကို မြန်မာစာသင်ပေးမလားတဲ့။ Volunteer သဘောမျိုးပဲပေါ့။ ကန်ဒီက လုပ်မယ်လို့။ သူဆီက အကြောင်းမပြန်သေးတော့ မသွားရသေးဘူး။ ဒါ အိမ်မက်တခု သူ့အလိုလို အကောင်အထည်ပေါ်လာတာပဲမလား??)။ အဲ့စိတ်ကူးတွေဖြစ်ဖို့ သူတို့နောက်ကို ကန်ဒီလိုက်မနေဘူး။ Dream ဆိုတာ ကန်ဒီ့အတွက် Goal မဟုတ်ဘူး။ 

ကန်ဒီအကောင်အထည်ဖော်မယ်လို့ ရည်ရွယ်ထားတဲ့ Goal တွေက သက်သက်ရှိတယ်။ စိတ်ကူးနဲ့ လုံးဝမဆိုင်ဘူး။ ကန်ဒီ့ဘ၀အတွက် ခုလောလောဆယ်ရှိနေတဲ့ Goal က... ကိုယ့်ခြေထောက်ပေါ်ကိုယ်ရပ်တည်နိုင်ဖို့။ နောက်ဆက်တွဲ Goal တွေက... ကန်ဒီ့မိဘကို ကန်ဒီအလုပ်လုပ်ပြီးရတဲ့ ပိုက်ဆံနဲ့ ကန်တော့နိုင်ဖို့၊ သူတို့နဲ့ တူတူနေပြီး ကိုယ်ထိလက်ရောက် ပြုစုနိုင်ဖို့၊ အရမ်းပျော်စရာကောင်းတဲ့မိသားစုဘ၀လေး ကိုယ်တိုင်ဖန်တီးဖို့၊ ကန်ဒီပိုက်ဆံရှိလာရင် အနာကြီးရောဂါသည်ဂေဟာတွေ.. မျက်မမြင်ကျောင်းတွေ.. မိဘမဲ့ဂေဟာတွေနဲ့ ဘိုးဘွားရိပ်သာတွေမှာ လှူဖို့၊ လိုအပ်နေတဲ့နေရာတွေမှာ ကလေးတွေကို အခမဲ့စာသင်ပေးဖို့။ ကန်ဒီ့အတွက် Goal ဆိုတာ ဖြစ်နိုင်ပြီး ကန်ဒီဖြစ်အောင်လုပ်ဖို့ကြိုးစားနေတဲ့ Target တွေပေါ့။ သိပ်ရိုးရှင်းတယ် :)

ကဲ.. အင်တာဗျူးအကြောင်း ပြန်ဆက်ရအောင်။ သူက Dream လို့ မေးထားတော့ ကန်ဒီအပေါ်မှာ ပြောခဲ့သလို ဖြေတာပေါ့ (Photographer တို့ ဘာတို့)။ အဲ့တော့သူကဆက်မေးတယ်။ ဒါဆို အဲ့ဒါတွေဖြစ်အောင်လုပ်ဖို့ အချိန်ဘယ်လောက်သတ်မှတ်ထားလဲတဲ့။ Ekk.. ကန်ဒီ့အတွက် Dream ဆိုတာ ကန်ဒီ ဖြစ်အောင်လုပ်နေတဲ့အရာ မဟုတ်ဘူး။ နောက်မှ သူဆိုလိုတဲ့ Dream ကို သိတယ်။ သူ့အတွက် Dream ဆိုတာက Goal တခု Set လုပ်ထားတာတဲ့။ အိမ်တလုံးပိုင်ချင်တယ်ဆိုပါစို့.. ဘယ်လောက်တန်အိမ်ကို ဘယ်နှစ်နှစ်အတွင်း ပိုင်ချင်တယ်ဆို ဘယ်လိုပိုက်ဆံစုရမယ် ဆိုတာမျိုး သူကဆက်တွက်ပြတယ်။

အဲ့မှာတင် ကန်ဒီအတွေးထဲအများကြီးရောက်သွားတယ်။ ပထမဆုံး သူသတ်မှတ်တဲ့ Dream ဆိုတာ ကန်ဒီ့ရဲ့ Goal ဖြစ်နေတယ်။ ဒုတိယအနေနဲ့ ကန်ဒီဖြစ်အောင်လုပ်ဖို့ ရည်ရွယ်ထားတဲ့ Goal မှာ သူပြောသလို တွက်လို့ရမယ့် အိမ်ပိုင်ချင်တာမျိုးတွေ... စသဖြင့် မပါဘူး။ နောက်ပြီး ဘယ်နှစ်နှစ်ကြာရင် ဘာဖြစ်ရမယ်ဆိုတဲ့ ကြိုတင်တွက်ဆထားတာတွေလဲ မရှိဘူး။ ကန်ဒီ့ အတွေးတွေက အရမ်းရိုးနေလား? သေချာတာတစ်ခုက ကန်ဒီဘ၀ကို သူ့လိုတွက်ချက်ပြီး မဖြတ်သန်းချင်ဘူး။ ကန်ဒီ့အတွက် သူများတန်းတူ လောက်လောက်ငှငှသုံးနိုင်တယ်... မိဘကိုလည်း ပြန်ကြည့်နိုင်တယ်ဆို တော်ပြီ။ လုံလောက်ပြီလေ။ ကန်ဒီအဲ့လောက်ပဲ တွေးတယ်။ 

ကန်ဒီပြောတာတွေ/တွေးတာတွေ မှားကောင်း မှားနေနိုင်တယ်။ ဒါပေမယ့် ကန်ဒီသတိပေးချင်တာက တခုပဲ။ ဘာဖြစ်ရမယ်ဆိုတဲ့ ဘ၀ရည်မှန်းချက်တွေကြားမှာ အားလုံးကို မနစ်မျောနေစေချင်ဘူး။ ဘ၀ကို ရောင့်ရဲတင်းတိမ်ပြီးပဲ ပျော်ပျော်ကြီးဖြတ်သန်းစေချင်တယ်။ ဒါမှ ပျော်ရွှင်မှုအစစ်ကို ပိုင်ဆိုင်မှာလေ ^_^