Sunday, September 29, 2013

Happiness takes Effort

မင်္ဂလာညချမ်းပါရှင်...
ဒီတစ်ခေါက် နှုတ်ဆက်တာ အရမ်းယဉ်ကျေးသွားပြီ(xD)။ စာရေးတိုင်း ဦးနှောက်ခြောက်ရတာ အဲ့ဒီပထမဆုံး နှုတ်ဆက်တဲ့ကိစ္စပဲ။ ပြီးခဲ့တဲ့အပတ် F1ကားပြိုင်ပွဲ ရှိတဲ့နေ့က Clarke Quay ဘက်ကို ရောက်ဖြစ်တယ်။ ကားပြိုင်တာ သွားကြည့်တာတော့ မဟုတ်ဘူး... သူငယ်ချင်းတစ်ယောက်က သင်္ဘောကြီးနားမှာ ဓာတ်ပုံသွားရိုက်မယ်ဆိုလို့ သူနဲ့အဖော်လိုက်သွားပေးတာ။ ကားပြိုင်ပွဲရှိတော့ လမ်းတွေပိတ်ထားတာနဲ့ အဲ့နားလည်းမရောက်လိုက်ပါဘူး။ လူတွေကလည်းရှုပ်၊ အသံတွေကလည်း ဆူနေတာပဲ။



သူတို့ကြည့်တော့ ကြည့်နေကြတာပဲ... ပြိုင်ကားတွေက ဒီလောက်မြန်တာ မြင်ရော မြင်ရလို့လားမသိဘူး။ ကန်ဒီကတော့ အသံပဲ ကြားတယ်။ စင်္ကာပူမြို့ပြညတွေကတော့ ဘယ်တော့ကြည့်ကြည့် ဒီလိုပါပဲ။ မြင်ရဖန်များတော့ နည်းနည်းရိုးနေပြီ။ ဒါပေမယ့် အဲ့ကမ်းစပ်မှာ ထိုင်ရတဲ့အရသာကိုတော့ ကြိုက်တယ်။



အဲ့ဒီ Fullerton Hotel ထဲကို တစ်ခါရောက်ဖူးတယ်။ အရမ်းအရမ်း မိုက်တယ်။ အဲ့တုန်းက အမေ့လုပ်ဖော်ကိုင်ဖက်သူငယ်ချင်းရဲ့သမီးက စင်္ကာပူကိုအလုပ်ကိစ္စတစ်ခုနဲ့လာတော့ အဖော်မရှိတာနဲ့ ကန်ဒီက သူနဲ့လိုက်ပေးရတာ။ သူတို့ Business Meeting က အဲ့ဟိုတယ်ထဲမှာလုပ်တာ... ကန်ဒီကတော့ ဒီတိုင်းလိုက်သွားပေးရုံပေါ့။ အဲ့ကပြန်လာတော့ အတွေးတွေ အများကြီးပါလာသေးတယ်။ သွားတွေ့တာကအဲ့မှာတည်းနေတဲ့အင်ဒိုသားအဖနှစ်ယောက်ကိုပေါ့။ကန်ဒီလိုက်သွားပေးတဲ့အစ်မရဲ့အသိ မြန်မာဦးလေးကြီးတစ်ယောက်လည်းပါတယ်။ ကန်ဒီတို့နှစ်ယောက် အဲ့ဦးလေးကြီးနဲ့စတွေ့တော့ အဲ့ဦးလေးကြီးက ကန်ဒီ့ကိုအဖတ်လုံးဝမလုပ်ဘူး။ အစ်မနဲ့စကားတွေပြောပြီး အင်ဒိုနှစ်ယောက်ကို စောင့်နေကြတယ်။ အင်ဒိုနှစ်ယောက်ရောက်လာပြီး အစ်မက ကန်ဒီတို့နဲ့မိတ်ဆက်ပေးတဲ့အခါ ကန်ဒီ့အမေနာမည်ပါလာတော့မှ အဲ့အဖတ်မလုပ်တဲ့လူကြီးက ကန်ဒီ့ကို စကားစပြောတော့တာ။ အဲ့ဒီခဏလေးပဲနော်... ဆက်ဆံပုံက ချက်ချင်းပြောင်းသွားတယ်။ အဲ့ဒါနဲ့ "Humm... ငါသာ အမေ့သမီးမဟုတ်ခဲ့ရင်..." ဆိုတဲ့ အတွေးက ၀င်လာတယ်။ အဲ့လိုခွဲခြားဆက်ဆံတတ်တဲ့လူတွေကို မုန်းတယ်။ အမေဟာ ကန်ဒီ့နားက စိန်နားကပ်တစ်ရံပါ။ ကန်ဒီလည်း အမေ့နားက စိန်နားကပ်လေးပဲ ဖြစ်ချင်တယ်။ ဖြစ်ဖို့လည်း ကြိုးစားမှာပါ ^_^


ကန်ဒီငယ်ငယ်က ကင်မရာကို မုန်းတယ်။ ဓာတ်ပုံရိုက်ရတာလည်း ၀ါသနာလုံးဝမပါဘူး။ ကန်ဒီ့အဖေက အဲ့ဒါတွေဝါသနာပါတယ်။ ခရီးသွားရင် သူကကင်မရာကြီး တကားကားနဲ့... အဲ့တုန်းက အဖေဓာတ်ပုံရိုက်ဖို့ခေါ်ရင် စိတ်ညစ်တယ်။ ခုကြတော့ ကန်ဒီကိုယ်တိုင် ကင်မရာကို ချစ်တတ်နေပြီ... ဘယ်သွားသွားသူ့လို ကင်မရာကြီးတကားကားနဲ့ ဖြစ်နေပြီ။ လူ့စိတ်က ပြောင်းလဲတတ်တယ်နော်။ မထင်ထားတာတွေ ဖြစ်တတ်တယ်။ ကန်ဒီငယ်ငယ်က မိတ်ကပ်လိမ်းတာကို အတုအယောင်တွေနဲ့တူတယ်လို့ မြင်တယ်။ ခုကျတော့ အဲ့လိုမမြင်တော့ဘူး။ ကိုယ့်ကိုကိုယ် ယုံကြည်မှု တိုးစေတဲ့အရာလို့ မြင်တယ်... ဟဟ(xD)။ ကန်ဒီငယ်ငယ်က ကန်ဒီ့အစ်ကိုငယ်ကို မုန်းတယ်။ လူကို လိုက်စ,တဲ့အပြင် သူ့ချောကလက်ကို ပေးမစားလို့(:P)။ ခုကျတော့ အစ်ကိုငယ်ကို ပိုချစ်တယ်။ ကန်ဒီအရင်က မလုပ်ဘူး... မဖြစ်နိုင်ဘူး... ဘယ်တော့မှဖြစ်မှာမဟုတ်ဘူးလို့ ထင်ထားတဲ့အရာတွေက စီစဉ်မထားဘဲကို သူ့အလိုလိုဖြစ်လာကြတယ်။ ယုံကြည်ထားတဲ့အရာတွေကလည်း ခုချိန်မှာအစအနကို ရှာမရတော့တာ။ ဒီနောက်ပိုင်း ပစ္စုပ္ပန်မှာပဲ နေတော့တယ်။ အနာဂတ်ကို ကြိုမမှန်းထားသလို အတိတ်ကိုလည်း ပြန်လှန်ကြည့်မနေတော့ဘူး။ 

ကန်ဒီကြားဖူးတာတစ်ခုရှိတယ်... "Happiness takes Effort" တဲ့။ အဲ့ဒါမှန်တယ်နော်။ လူတွေက ငါထီပေါက်ရင်တော့ အရမ်းပျော်မှာပဲ။ သူ ငါ့နားမှာရှိရင် အားလုံးပြည့်စုံပြီ... စသဖြင့် တစ်ခုခုဖြစ်လာမှ ပျော်ရွှင်မှုရမယ် ထင်နေကြတယ်။ အမှန်က ပျော်စရာလေးတွေ တွေးတတ်တဲ့အကျင့်လုပ်ရမှာ။ အဲ့လိုဖြစ်ဖို့ အတိတ်က စိတ်ညစ်စရာတွေလည်း မေ့ဖျောက်ပစ်နိုင်ရမယ်။ အနာဂတ်ရည်မှန်းချက်အတွက် ပူပန်နေတာတွေလည်း လျော့ချနိုင်ရမယ်။ ခုလက်ရှိ ကောင်းကင်ပေါ်မှာမြင်နေရတဲ့ လမင်းကြီးကိုကြည့်ပြီး ပြုံးတတ်ရမယ်။ ကန်ဒီတို့နေ့စဉ်ဖြတ်သန်းနေရတဲ့ ဘ၀တွေမှာ ပျော်ရွှင်မှုကို ရှာဖွေနိုင်ရမယ်။ အဲ့ဒါတွေလုပ်ဖို့ဆိုတာ အရမ်းတော့ မလွယ်ကူဘူးနော်။ အဲ့ဒါကြောင့် Happiness takes Effort လို့ပြောတာ...

လမုန့်စားပါဦး...

Blog Day တုန်းက ဘလော့ဂါတွေ "Blog Day Tag" တွေ ရေးကြတာ ကန်ဒီမရေးဖြစ်တာကို စိတ်မရှိပါနဲ့နော်။ အဲ့ Tag post က လွန်ခဲ့တဲ့ တစ်နှစ်လား၊ နှစ်နှစ်တုန်းကလား မသိဘူး... ရေးထားခဲ့ဖူးတော့ ထပ်မရေးဖြစ်တော့တာပါ။

Good Night^^

Wednesday, September 25, 2013

Bridal Photoshoot!!

ကန်ဒီစာရေးနေတဲ့ ShweBeauty ဆိုဒ်ကို သိမှာပေါ့။ အဲ့ဒီဆိုဒ်မှာ ကန်ဒီအပြင် တခြားစာရေးသူအစ်မတွေလည်း ရှိတယ်လေ။ အဲ့ထဲက မကဗျာ(သို့)မဟေမာ ဆိုတဲ့အစ်မကတော့ Makeup Artist ပေါ့။ ShweBeauty Makeup & Hair Service ဆိုတဲ့ Page နာမည်နဲ့လည်း Facebook မှာရှိတယ်။ အဲ့မှာ မင်္ဂလာဆောင်တွေအတွက် မိတ်ကပ်နဲ့ဆံပင်ပြင်ပေးတယ်။ သတို့သမီးဝတ်စုံတွေလည်း ငှားတယ်ပြောတယ်။ ပြီးခဲ့တဲ့အပတ်ရဲ့အရှေ့အပတ် စနေနေ့က မဟေမာက Facebook ကနေ Message ပို့လာတယ်။ မော်ဒယ်လ်လုပ်ပေးနိုင်မလားတဲ့... မိတ်ကပ်ရော Dress ရော သူအားလုံးလုပ်ပေးမယ် ပြောတယ်။ 

ဟိုတခေါက် မယ်ဒေါ်လုပ်ပြီးကတည်းက နည်းနည်းမှတ်သွားတော့ ဒီတစ်ခေါက်ထပ်မဖြစ်ရလေအောင် Theme က ဘာလဲ၊ Dress က ဘယ်လိုမျိုးလဲ၊ ဓာတ်ပုံဆရာက ဘယ်နှစ်ယောက်လဲ ဘာညာ ဘာညာ သေချာမေးရတယ်။ မေးတော့ "သတို့သမီးဝတ်စုံပါ... ဓာတ်ပုံဆရာကလည်း တစ်ယောက်တည်းပါ"ဆိုတာနဲ့ လက်ခံဖြစ်သွားတယ်။ မကူညီခင်လည်း ကြိုပြောရသေးတယ် "အစ်မ... အရမ်းအရေးကြီးတာမျိုးဆို တကယ့်မော်ဒယ်လ်နဲ့ ရိုက်တာပိုကောင်းတယ်"လို့။ ဟုတ်တယ်လေ ကိုယ်က မော်ဒယ်လ်မဟုတ်တော့ အားလုံးပြီးတော့မှ သူလိုချင်သလို ပုံကောင်းကောင်းမထွက်လာရင် ကိုယ့်ကြောင့်အားလုံးပင်ပန်းတာပဲ အဖတ်တင်မှာမလား...

အဲ့ဒါနဲ့ တနင်္ဂနွေနေ့ မနက်(၁၀)နာရီလောက် မဟေမာအိမ်သွားရတယ်။ မိတ်ကပ်နဲ့ဆံပင် သူပဲလုပ်ပေးတာပေါ့။ (၁၀)နာရီခွဲလောက်ကတည်းက စလုပ်တာ နေ့လည်(၂)နာရီကျော်ကျော်လောက်မှ ပြီးတယ် (>.<)။ ဆံပင်လုပ်တာ ကြာနေတာ... ကန်ဒီ့ဆံပင်က ကောက်ရခက်တယ်။ ကောက်ပြီးရင် ဘယ်လောက်မှမကြာဘူး ပြန်ပြန်ပြေပြီး ဖြောင့်သွားတာ... အဲ့ဒါ နှစ်ကျော့လောက်ပြန်ကောက်နေရတော့ အဲ့လောက်ကြာသွားတယ်။ ဒါတောင် အိမ်ကထွက်တော့ ဆံပင်က အကုန်မပြီးသေးဘူးနော်... ၀တ်စုံဝတ်ပြီးမှ ပန်းပန်မယ်ဆိုပြီး ဒီတိုင်း အိမ်ကထွက်သွားတာ...

အဲ့နေ့က ရာသီဥတုမကောင်းဘူး... မိုးတွေ တချိန်လုံးရွာနေတယ်။ အဲ့ဒါနဲ့ သူတို့ရိုက်မယ်လို့မှန်းထားတဲ့ နေရာမှာ မရိုက်လိုက်ရဘူး။ နောက်ဆုံး ကုန်းတံတားတစ်ခုအောက်မှာ ရိုက်ဖြစ်သွားတယ်။ ဓာတ်ပုံဆရာက ကိုအယ်လ်ဘတ်... ကန်ဒီနဲ့ အဲ့ရောက်မှ တွေ့ဖူးတာ။ စရိုက်မယ်ဆိုတော့ ကိုအယ်လ်ဘတ်က သတို့သမီးဝတ်စုံမလဲခိုင်းသေးဘူး။ သွေးပူအောင် Casual ပေါ့ပေါ့ပါးပါးပဲ အရင်ရိုက်မယ်ပြောတယ်။ အဲ့ဒါနဲ့ မဟေမာယူလာပေးတဲ့ သူ့အကျီအဖြူလေးဝတ်ပြီး အဲ့ဒါနဲ့ စရိုက်တယ်။  

မဟေမာက မဂ္ဂဇင်းတွေထဲက သူကြိုက်တဲ့ Pose လေးတွေ ကန်ဒီ့ကို ဆံပင်လုပ်ပေးနေတုန်းက ကြည့်ခိုင်းထားတယ်။ ဒါပေမယ့် အဲ့စာအုပ်က ကျန်ခဲ့တော့ ကန်ဒီလည်း မမှတ်မိဘူး ဟဟ (xD)။ ကိုအယ်လ်ဘတ်ကတော့ အဲ့လိုမလုပ်တာ ပိုကောင်းတယ်တဲ့။ ကိုယ့်ဟာကိုယ် ပေါ့ပေါ့ပါးပါးပဲနေတဲ့။ သူအဲ့လောက်ပြောတာလည်း မရပါဘူး။ ကိုယ်ကကြောက်ပြီး မျက်နှာကြီးက တင်းနေတယ်။ သူရိုက်ပြီးထားတဲ့ပုံတွေကို ကန်ဒီ့ကို ယှဉ်ပြတယ်။ ဒီပုံက မျက်နှာနဲ့ ဒီပုံက မျက်နှာမတူဘူး... လူက Stress များနေရင် မျက်နှာမှာပေါ်တယ်၊ မျက်နှာကြီးတင်းနေတယ်လို့ ပြောပြတယ်။ သက်တောင့်သက်သာဖြစ်အောင် ကန်ဒီ့ကို နားခိုင်းတယ်၊ စကားပြောတယ်။ နောက် မျက်လုံးက ကင်မရာကိုကြည့်တဲ့အခါ အသက်ပါရမယ်တဲ့။ ကိုယ့်ဓာတ်ပုံကိုကြည့်တဲ့သူတွေကို ကိုယ်ကကြည့်နေသလို ဖြစ်ရမယ်တဲ့။ သူက သေချာသင်ပေးတယ်။


မိတ်ကပ်နဲ့ဆံပင်က သတို့သမီးဝတ်စုံနဲ့လိုက်ဖက်အောင် ပြင်ထားတော့ Casual ပုံစံနဲ့ မလိုက်ဘူး ဖြစ်နေတယ်။ အဲ့ဒါနဲ့ မဟေမာက ဆံပင်ကိုပြီးမှပြန်လုပ်ပေးမယ်ဆိုပြီး အဲ့ကျစ်ဆံမြီးကျစ်ထားတဲ့ ဆံပင်ကိုဖြည်ပြီး ဒီတိုင်းရိုက်ခိုင်းတယ်။ နောက်ဆုံး သတို့သမီးဝတ်စုံလဲတဲ့အချိန်မှာ ဆံပင်က လုံးဝမကောက်တော့ဘူး... အဲ့ဒါနဲ့ ပန်းလည်း မပန်ဖြစ်တော့ဘူး။ အစ်မက ရှေ့နားက ဆံပင်လေးနည်းနည်းကိုပဲ ကျစ်ဆံမြီးပြေပြေလေးကျစ်ပေးတယ်။


ဒီပုံက ဆံပင်လုပ်ခါနီး ရိုက်ထားတာ... ခေါင်းက ရှုတ်ပွနေတာပဲ(>.<)။ ကိုအယ်လ်ဘတ်က မရီခိုင်းဘူး။ ဆွေးဆွေးလေးပဲနေတဲ့။ အဲ့ဒါနဲ့ ရုပ်တည်နဲ့ပေါ့။ Casual နဲ့ အရင်ရိုက်လိုက်လို့ပဲလား... နည်းနည်းပင်ပန်းသွားလို့ပဲလား မပြောတတ်ဘူး။ သတို့သမီးဝတ်စုံနဲ့ရိုက်တော့ မျက်နှာမှာ Stress သိပ်မရှိတော့ဘူး။ သူကြည့်ဆိုတဲ့နေရာကို ကြည့်လိုက်တယ်... စ,စရိုက်တုန်းကလောက် စိတ်မသက်မသာမဖြစ်တော့ဘူး။ သူကရိုက်နေကျဆိုတော့ အဲ့ဒါကိုသိလို့ပဲ ပေါ့ပေါ့ပါးပါးဝတ်စုံနဲ့ အရင်ရိုက်ခိုင်းတာလား မပြောတတ်ဘူး။ ဒါလည်း သူတို့ပညာပဲနော်...




ဓာတ်ပုံဆရာတော်တယ်နော်... ရိုက်ထားတာ။ ဒီနောက်ဆုံးပုံလေးဆို သူက ၁ ၂ ၃ ဆိုတာနဲ့ ကန်ဒီက ဂါဝန်ကို ရမ်းပေးရတာ။ အစက ရုပ်တည်နဲ့ပဲ ရမ်းနေတာ။ ကိုအယ်လ်ဘတ်က မျက်နှာကစူပုတ်နေတာပဲဆိုလို့ ရီပြီး ထပ်ရမ်းရတယ်။ မသိဘူးလေ... အစက မရီရဘူး ပြောထားတော့ မရီဘူးပေါ့ ဟဟ (xD)။ မိတ်ကပ်လိမ်းလိုက်တော့ ကန်ဒီ့ရုပ်အရမ်းပြောင်းသွားတယ်နော်။ ပုံမှန်ရုပ်နဲ့ မတူတော့သလိုပဲ >.<

ဓာတ်ပုံတွေက အကုန်မရသေးဘူး။ ရိုက်ထားတာက နှစ်ပတ်လောက်ရှိနေပြီဆိုတော့ အခုမှမတင်ရင် စာရေးဖို့ Feel လာတော့မှာ မဟုတ်လို့ ရှိတဲ့ဓာတ်ပုံလေးနဲ့ပဲ ပိုစ့်တင်လိုက်တာ။ ဒီတခေါက် Experience ကတော့ အရင်တစ်ခေါက်နဲ့ လုံးဝမတူဘူး။ ဆံပင်တွေဘာတွေ အဆင်မပြေဖြစ်နေရင် ကြည့်ပေးမယ့် လုပ်ပေးမယ့် မဟေမာက ဘေးမှာရှိတယ်။ ဓာတ်ပုံဆရာကလည်း စိတ်ရှည်ပြီး သေချာပြောပြတယ်။ ရိုက်ထားတာတွေလာလာယှဉ်ပြပြီး ဘာလိုတယ်ဆိုတာပြောပြတော့ ကိုယ်လည်းပညာရတယ်။ မဟေမာ စိတ်တိုင်းကျပါစေပဲ ဆုတောင်းရမှာပဲ။ သူကအဓိကလေ... သူ့ဝတ်စုံလေးတွေ ငှားဖို့ရိုက်တာဆိုတော့ သူသဘောကျဖို့ အရေးကြီးတယ်။ ဒါမှလည်း ကန်ဒီ ကူညီရကျိုးနပ်မှာပေါ့ ^_^


အိမ်ပြန်ရောက်တော့ ဒီလို Flag ပြပြီး အိပ်သွားပါတယ်ရှင်...

Have a Nice Day^^

Friday, September 20, 2013

ပုံပြင်

Hello,
ခုပဲ ထမင်းစားပြီး ဘုရားရှိခိုးပြီးလို့ စာရေးမယ်ဆိုပြီး ကွန်ပျုတာရှေ့ထိုင်ပါတယ်... ပြီးခဲ့တဲ့အပတ်ကလည်း ဘာမှထွေထွေထူးထူး သိပ်မလုပ်ဖြစ်ဘူးဆိုတော့ ရေးဖို့က အကြံအိုက်နေတယ် (လူလည်းအိုက်... အခန်းထဲက အဲကွန်းကရေကျလို့ ပိတ်ထားရတယ် >.<)။ ဓာတ်ပုံသွားရိုက်ထားတာတော့ရှိတယ်။ ဒါပေမယ့်အဲ့ဒါက ဓာတ်ပုံတွေမရသေးတော့ အဲ့အကြောင်း နောက်မှရေးတော့မယ်။


အိမ်မှာ ကြက်သားနဲ့မှိုရှိနေတာနဲ့ ဘယ်လိုချက်ရင်ကောင်းမလဲဆိုပြီး Google လိုက်တော့ တီချမ်းရေးထားတဲ့ ကြက်သားမှိုချက်နည်းလေးတွေ့တယ်။ အဲ့နည်းအတိုင်းချက်ကြည့်တာ မှိုမတူလို့လား မသိဘူး မကောင်းဘူး(-.-')။ တီချမ်းသုံးထားတာက ရေစိမ်ရတဲ့ မှိုအကြီးကြီးတွေ (ကြွက်နားရွက်မှိုမဟုတ်ဘူးနော်)... ကန်ဒီသုံးတာက အဲ့လိုဟာမဟုတ်ဘူး။ မှိုပုံစံတွေကလည်း များပါ့... ကန်ဒီလည်း နာမည်မခေါ်တတ်ဘူး။ အဲ့ဒါစားလို့မကောင်းတော့ ဓာတ်ပုံလည်းမရိုက်တော့ဘူး :P


ကြက်သားမှိုမအောင်မြင်လိုက်ပေမယ့် ထမင်းသုပ်လုပ်စားတာတော့ အောင်မြင်ပါတယ်နော်... အဲ့ပုံက နည်းနည်းကြာပြီ၊ ကြွားစရာမရှိလို့ ပြန်ရှာပြီးကြွားတာ ဟီး(:D)။ မနက်ဖြန် သက်သတ်လွတ်နေ့... အာလူးကတ်တလိပ်လုပ်စားဖို့ စဉ်းစားထားတယ်။ ညနေကျ အပြင်သွားအုန်းမှာဆိုတော့ တစ်နပ်စာတည်းလုပ်ရမှာ... မတန်ဘူး >.<

ဟိုးးးအပေါ် စ,ရေးကတည်းက ခုထိရေးသမျှပြန်ဖတ်လိုက်တာ ဘာစိတ်ဝင်စားစရာမှမတွေ့ဘူး။ စားစရာသောက်စရာ အကြောင်းချည်းပြောနေတယ်။ ကန်ဒီ့ Life ကလည်း ပျင်းခြောက်ခြောက်ကြီးကိုးး။ မထူးပါဘူး... ထုံးစံကို သွေဖီသွားမှာစိုးလို့ စားစရာပြီးတော့ ရုပ်ရှင်အကြောင်းပြောမယ်နော်။ ခွေး(၁၀၁)ကောင်ကား "101 Dalmatians" ပြန်ကြည့်တယ်။ ငယ်ငယ်ကကြည့်ဖူးတာ မေ့သွားလို့ ပြန်ကြည့်တာ။ သြော် ဟုတ်ပြီ... အစ်ကိုတစ်ယောက်ပြောပြဖူးတဲ့ ပုံပြင်တိုလေး ပြောပြမယ်... အဟင်း အဟမ်း *ချောင်းဟန့်သံ*

"တခါတုန်းက ပင်လယ်ကူးသင်္ဘောကြီးတစ်စင်းဟာ ပင်လယ်ထဲကိုရွှက်လွင့်သွားတယ်တဲ့။ သင်္ဘောသားတွေလည်းပါတာပေါ့။ အဲ့လိုနဲ့သွားရင်း လမ်းခရီးမှာ မုန်တိုင်းနဲ့မိရောတဲ့။ လှိုင်းလုံးကြီးတွေဆိုတာ အိမ်လောက်တောင်မြင့်သတဲ့။ အဲ့လိုဖြစ်နေတဲ့အချိန်မှာ ခေါင်းဆောင်က သူ့တပည့်တစ်ယောက်ကို ရွှက်တိုင်တက်ဖြုတ်ခိုင်းတယ်တဲ့။ တပည့်ကလည်း သူ့ဆရာပြောတဲ့အတိုင်း တက်ဖြုတ်တာပေါ့။ တက်ဖြုတ်ပြီး အပေါ်ကနေပြန်ဆင်းမယ်လုပ်တော့ အောက်ကိုကြည့်မိတဲ့အခါ လှိုင်းလုံးတွေ၊ သားစားငါးတွေ၊ ငမန်းတွေ သင်္ဘောဘေးမှာဝိုင်းနေတာမြင်တော့ တပည့်လုပ်သူက အောက်ကိုမဆင်းရဲတော့ဘူးတဲ့။ အဲ့ဒါနဲ့ ခေါင်းဆောင်က "တပည့် မင်းဆင်းခဲ့ပါ.. အောက်ကိုမကြည့်ပါနဲ့... အပေါ်ကိုကြည့်ပါ၊ ဘေးကိုကြည့်ပါ" လို့ ဖျောင်းဖျပြောဆိုတော့မှ တပည့်လုပ်သူလည်း အောက်ကိုပြန်ဆင်းလာရဲတော့တယ်တဲ့..."

ပုံပြင်လေးကတော့ ဒါပါပဲကွယ်။ သိစေချင်တာကတော့... "ကန်ဒီတို့တွေဟာ ပြဿနာကိစ္စတခုခုနဲ့ကြုံလာပြီဆို မကောင်းတဲ့ဘက်ကပဲတွေးပြီး အမြဲကြောက်ရွံ့တွန့်ဆုတ်တတ်ကြတယ်၊ စိတ်ကိုတည်တည်ငြိမ်ငြိမ်ထားပြီး ကောင်းတဲ့ဘက်ကတွေးတော ဆင်ခြင်ကြည့်တဲ့အခါ အကောင်းဆုံးအဖြေဆိုတာ နောက်ဆုံးမှာပေါ်လာတတ်စမြဲပဲ" ဆိုတာပါ။ ဟီး... သူများပြောပြထားတဲ့ပုံပြင်နဲ့ မျက်နှာပြန်လုပ်နေတယ် :P

ဒီရက်ပိုင်းကြိုက်နေတဲ့အဆိုတော်က "Mindy Gledhill"... သူ့သီချင်းလေးတွေက အရမ်းအေးချမ်းပြီး ချစ်စရာကောင်းတယ်။ နားထောင်လို့လည်း ကောင်းတယ်။ အဲ့ဒါနားထောင်ပြီး အိပ်တော့နော်...



ကန်ဒီလည်း အိပ်ပြီ...
Good Night^^

Monday, September 16, 2013

How to Get Tight Tummy

ဒီပိုစ့်လေးကတော့ မိန်းကလေးတိုင်းအတွက် အသုံးဝင်ပြီး အထောက်အကူဖြစ်မယ့်ပိုစ့်လေးလို့ ကန်ဒီထင်တယ်။ လူတိုင်းလိုလို (အထူးသဖြင့် လေ့ကျင့်ခန်းမလုပ်တဲ့သူများ) ဗိုက်ကလေးနည်းနည်းတော့ ရှိတတ်တာ သဘာဝပါပဲ။ အဓိက,ကတော့ ဗိုက်နေရာ၊ ခါးနေရာတွေ လှုပ်ရှားမှုအားနည်းလို့ပါ။ ကန်ဒီတို့နေ့စဉ်လှုပ်ရှားမှုတွေမှာ ခြေထောက်နဲ့လက်ကိုပဲ အသုံးများပြီး ဗိုက်နဲ့ခါးရဲ့လှုပ်ရှားမှုကျတော့ မရှိသလောက် နည်းပါးတယ်မဟုတ်လား? အဲ့တော့ အချိန်ကြာလာတာနဲ့အမျှ အဆီတွေက ဗိုက်နေရာ၊ ခါးနေရာတွေမှာ စုနေတော့တာပေါ့။ ဗိုက်နေရာမှာ အဲ့လိုအဆီတွေစုနေတတ်တဲ့အပြင် Bloating လို့ခေါ်တဲ့ အနေအစားမမှန်လို့ ဖောဖောကြီးဖြစ်နေတာမျိုးလည်း ဖြစ်တတ်ပါသေးတယ်။ ဒီနေ့ကန်ဒီပြောပြမှာက ဗိုက်ချပ်ချပ်ရပ်ရပ်လေး ပိုင်ဆိုင်ဖို့အတွက် Bloating ဖြစ်တာကို ဘယ်လိုကာကွယ်မလဲ၊ နောက် ဗိုက်ကအဆီတွေ ဘယ်လိုချမလဲဆိုတာတွေပေါ့။


► How to Reduce Bloating
Bloating ဆိုတာ အစားအသောက်မမှန်လို့ (သို့) အစားအများကြီးစားမိလို့ ဗိုက်အရမ်းတင်းပြီး မအီမလည်ကြီးဖြစ်နေတာကို ဆိုလိုတာပါ။ အဲ့လိုမဖြစ်အောင် ဘယ်လိုကာကွယ်နိုင်လဲဆိုတော့...

♦ အစာစားတဲ့အခါ ဖြည်းဖြည်းစားပါ။
ကန်ဒီတို့ အစာအိမ်ကနေ ဗိုက်ပြည့်ပြီဆိုတဲ့ Signal ဦးနှောက်ဆီရောက်ဖို့ မိနစ်(၂၀)၀န်းကျင် ကြာပါတယ်။ အစားကိုမြန်မြန်စားတဲ့အခါ လိုတာထက် ပိုစားမိတတ်ပြီး ဗိုက်ဝပြီဆိုတဲ့ Signal ဦးနှောက်ဆီ တကယ်ရောက်တဲ့အချိန်မှာ လူကအစားလွန်နေပြီလေ။ အဲ့နောက်တော့ ဗိုက်ထဲမှာ မအီမလည်ကြီး ခံစားရတော့တာပေါ့။

♦ အမျှင်ဓာတ်များတဲ့ အစားအစာများများစားပါ။
ခန္ဓာကိုယ်ရဲ့ စွန့်ပစ်ရမယ့် အညစ်အကြေးတချို့ဟာ အူလမ်းကြောင်းတစ်လျှောက်က အူနံရံတွေမှာ ကပ်ကျန်နေတတ်တယ်။ အမျှင်ဓာတ်(Fiber)များတဲ့အစားအစားတွေဟာ အဲ့ဒီကျန်နေတဲ့အညစ်အကြေးတွေကို အူလမ်းကြောင်းကနေ တွန်းထုတ်ဖယ်ရှားပေးတယ်။ အဲ့ဒါကြောင့် အူလမ်းကြောင်းသန့်ရှင်းဖို့ အသီးအရွက်တွေ များများစားပေးဖို့လိုတယ်။ အမျှင်ဓာတ်တွေအပြင် အူလမ်းကြောင်းအတွက်ကောင်းတဲ့ နောက်ထပ်အစားအစာတစ်ခုကတော့ ဒိန်ချဉ်ပါ။

♦ အငန်လျော့စားပါ။
Sodium တွေက ရေကိုဆွဲထားတတ်တော့ အငန်များများစားလေ ခန္ဓာကိုယ်ထဲမှာ ရေကိုပိုဆွဲလေဖြစ်ပြီး ဗိုက်ပူပူလေးဖြစ်နေတတ်တယ်။ ဆီးလမ်းကြောင်းအတွက် ကောင်းတဲ့အစားအစာတွေကတော့ ကညွတ်နဲ့ ကျောက်ဖရုံသီးပါ။

♦ ရေများများသောက်ပါ။
ရေများများသောက်တဲ့အခါ ဆီးခဏခဏသွားတယ်မဟုတ်လား။ အဲ့ဒါ ခန္ဓာကိုယ်ထဲက အဆိပ်အတောက်တွေကို ဖယ်ရှားပေးတာပေါ့။ ရေများများသောက်သင့်တဲ့ အကောင်းဆုံးအချိန်ကတော့ မနက်မိုးလင်း အိပ်ယာနိုးနိုးချင်းအချိန်ပါ။ Coca Cola လို Carbonated Drink တွေရှောင်ပါ။ သရေစာတွေ လျော့စားပါ။

♦ စိတ်ဖိစီးမှုကို လျော့ချပါ။
စိတ်ဖိစီးမှုများတဲ့အခါ ကန်ဒီတို့ခန္ဓာကိုယ်ကနေ Cortisol (or Stress Hormone) လို့ခေါ်တဲ့ ဟော်မုန်းတစ်မျိုးထွက်တယ်။ အဲ့ဒီဟော်မုန်းက ခန္ဓာကိုယ်ရဲ့ Fat Storage ကို အားပေးတယ်လေ။ နောက် စိတ်ညစ်တယ်ဆိုပြီး အစားတွေအများကြီးစားတာ တွေ့ဖူးမှာပေါ့။ အဲ့ဒါကို Emotional Eating လို့ခေါ်တယ်။ အဲ့လိုဖြစ်ရတာလည်း ခုနကပြောတဲ့ Stress Hormone ကြောင့်ပေါ့။ စိတ်ဖိစီးမှု လျော့ချချင်ရင် လေ့ကျင့်ခန်းများများလုပ်ပါ။ အိပ်ရေး၀၀အိပ်ပါ။

► How to Lose Belly Fat


နဂိုရှိပြီးသား ဗိုက်ကအဆီကိုချဖို့ဆိုရင်တော့ လေ့ကျင့်ခန်းလုပ်ဖို့လိုတယ်။ လေ့ကျင့်ခန်းကို... ခန္ဓာကိုယ်တစ်ခုလုံးကအဆီတွေချတာမျိုးနဲ့ကိုယ်လိုချင်တဲ့နေရာကအဆီကိုပဲကွက်ချတာမျိုးဆိုပြီး နှစ်မျိုးခွဲထားတယ်။ နှလုံးခုန်နှုန်းမြန်လာပြီး ချွေးထွက်အောင် မောအောင်လုပ်ရတဲ့ ဘယ်လေ့ကျင့်ခန်းမျိုးကိုမဆို Cardio လို့ခေါ်တယ်။ Cardio ဆိုတာ ခန္ဓာကိုယ်တစ်ခုလုံးက အဆီတွေချပေးတဲ့ လေ့ကျင့်ခန်းတစ်မျိုးပေါ့။ ပြေးတာပဲဖြစ်ဖြစ်၊ လမ်းမြန်မြန်လျှောက်တာပဲဖြစ်ဖြစ် ကိုယ်အားသန်ရာကို လုပ်လို့ရတယ်။ ဒုတိယတစ်နည်းဖြစ်တဲ့ ခန္ဓာကိုယ်ရဲ့ နေရာတစ်ခုခုက အဆီကိုရွေးချချင်တာမျိုး ဆိုရင်တော့ ကိုယ်လိုချင်တဲ့နေရာအလိုက် သီးသန့်လေ့ကျင့်ခန်းတွေ ရွေးလုပ်သင့်တယ်။ ဗိုက်နေရာ၊ ခါးနေရာတွေကို ဦးတည်ပြီးလုပ်တဲ့ လေ့ကျင့်ခန်းမျိုးကို Core Workout လို့ခေါ်တယ်။ အဲ့ဒီစကားလုံးရိုက်ပြီး YouTube မှာ ရှာလိုက်ရင် ဗွီဒီယိုတွေအများကြီး ကျလာလိမ့်မယ်။ အဲ့ထဲကမှ ကိုယ်ကြိုက်တဲ့လေ့ကျင့်ခန်းမျိုးကို ရွေးလုပ်ပေါ့။ OK... နိဂုံးချုပ်အနေနဲ့ ကန်ဒီသဘောကျတဲ့ Core Workout ဗွီဒီယိုလေးတွေ ရှယ်သွားမယ်နော်...






Stay Fit ^_^

Wednesday, September 11, 2013

Pain

Humm...
ဘာရေးရင်ကောင်းမလဲ?!?! တခြား Beauty ပိုစ့်တွေရေးဖို့ အိုင်ဒီယာတွေရှိပေမယ့် စ,ရေးဖို့အတွက်ဆို အချက်အလက်တွေ သေချာမစုရသေးဘူး။ ပြီးခဲ့တဲ့အပတ်က ကန်ဒီ့အခန်းဖော် မြန်မာပြည်ခဏပြန်သွားတာ ခုပြန်လာတော့ အမေ့ဆီက လူကြုံနဲ့စားစရာတွေ ပါလာတယ် :D


အမေကမေးတယ်... "ဘာထည့်ပေးလိုက်ရမလဲ?" တဲ့။ ကန်ဒီက "ဘာမှထည့်မပေးနဲ့၊ ဘာမှမလိုဘူး" ပြောတာ... အဲ့လိုပြောထားတာတောင် ဒီလိုအထုပ်နဲ့ တစ်ထုပ်ပါလာသေးတယ်။ သိတော့သိပြီးသားပါ... မလိုဘူးပြောလည်း ပါလာမှာပဲဆိုတာ ဟဟ(xD)။ စုံနေတာပဲ... အဲ့လိုမျိုးပါလာပြီဆို သူပြောတဲ့အတိုင်း ဗူးတွေနဲ့ အကုန်ပြန်သိမ်းရတယ်။ လက်ဖက်၊ ဂျင်းနဲ့ သရက်သီးသနပ်ကို ဆီဖြည့်ပြီး ရေခဲသေတ္တာထဲ ထည့်ပါတဲ့။ ကန်ဒီ့အကြိုက် ချဉ်ပေါင်ကြော်လည်း ပါလာသေးတယ်။ အဲ့ဒါနဲ့ချည်းစားနေတာ နှစ်ရက်ရှိပြီ ဗိုက်ဘာမှမဖြစ်ဘူး။ ဒီမှာရောင်းတဲ့ ဆိုင်ကချဉ်ပေါင်ကြော်တွေများ အဲ့လိုစားကြည့်ပါလား... ၀မ်းလျောပြီး မျော့မျော့ပဲ ကျန်တော့မှာ >.<


ဟိုဘက်အခန်းကအစ်မက ပြောင်းမယ်ဆိုတော့ ခုလူရှာနေရတယ်။ ကန်ဒီတို့အိမ်မှာ အစကတည်းက သတ်မှတ်ထားတာက... တစ်ယောက်ယောက်က ပြောင်းတော့မယ်ဆို အဲ့နေရာမှာ လူအစားထိုးဖို့ ရှာပေးပြီးမှ ပြောင်းလို့ရမှာ။ အဲ့ဒါကို အန်တီက သေချာမပြောလိုက်လို့ပဲလား သူကပဲနားလည်မှုလွဲတာလား မသိဘူး။ ခု ဘာမပြော ညာမပြောနဲ့ နောက်အပတ်ပြောင်းမယ်ဆိုတော့ ကန်ဒီတို့က ဒီမှာအကြပ်ရိုက်နေတယ်။ နောက်လနေလို့ လူမရခဲ့ရင် အဲ့တစ်ယောက်စာ အားလုံးကရှယ်ရမလို ဖြစ်နေတယ်။ ထုံးစံအတိုင်းဆို အဲ့လိုချက်ချင်းကြီးဖြစ်ရင် Deposit ပြန်ပေးစရာမလိုဘူးမလား? ရှုပ်နေတာပဲ (>.<)။ ကန်ဒီ့အခန်းဖော်က အဲ့အစ်မကိုတင်းပြီး စကားများသလိုတွေဖြစ်ထားတော့ သူအိမ်မှာ အနေခက်မှာစိုးလို့ဆိုပြီး ကန်ဒီက စကားတွေပြန်လိုက်ပြောနေရတယ် >.<
 
ဒီရက်ပိုင်းကြည့်ဖြစ်တာ "Awake" နဲ့ "Johnny English Reborn"... နှစ်ကားလုံး ကြိုက်တယ်။ "Johnny English Reborn" ကို မကြည့်ရသေးတာ ကိုယ့်ကိုကိုယ်တောင် အံ့သြမိတယ်။ Mr. Bean ကားတိုင်းကို ကန်ဒီမလွတ်တမ်းကြည့်နေကြလေ။ အဲ့ကားကို တွေ့တွေ့နေပေမယ့် အရင် ကန်ဒီကြည့်ပြီးသား Johnny English ပဲထင်နေတာ။ အဲ့ဒါဟိုနေ့ကမှ ဒုတိယပိုင်းမှန်းသိတယ်။ အဲ့ဒါကြည့်ပြီး အသားကုန်ရီတာ။ အရီလွန်သွားလို့ပဲလား... ဒါမှမဟုတ် သူ့ဟာသူအစကတည်းက ဖြစ်ချင်နေတာကို သွားဆွသလိုဖြစ်သွားလို့ပဲလား မပြောတတ်ဘူး။ အဲ့ဒါကြည့်ပြီးကတည်းက ပခုံးနာသွားတော့တာပဲ (အရာရာနဲ့ အကြောင်းကြောင်း -.-')။ အကြောမျက်တာလား မသိဘူး။ ရီတိုင်းနာတယ် ဗြဲ (T_T)... ကိုယ့်ဟာကိုယ်လည်း တွေးပြီးရီချင်တယ် ဟီးးး xD xD (အဲ.. ရီရင် နာဦးမယ် >.<)


အစက ရီမှနာရာကနေ မနေ့ကတော့ တချိန်လုံးနာတယ်။ လှုပ်တောင် မလှုပ်နိုင်ဘူး။ လက်မြှောက်လည်း နာတယ်။ အသက်အရမ်းရှုလည်း နာတယ်။ ညာဘက်စောင်းအိပ်လို့လဲ မရဘူး။ အဲ့ဒါနဲ့ နောက်ဆုံး ဆေးပရုတ်ဆီကပ်ထားရတယ် (>.<)။ ဒီနေ့မနက်နိုးတော့ နည်းနည်းသက်သာတယ်။ များသောအားဖြင့် အဲ့လိုအကြောမျက်ရင် ပခုံးအနောက်မှာ မျက်တာမလား။ ကန်ဒီ့အလှည့်ကျမှ အရှေ့မှာ လာမျက်တယ် :(

ဒီနောက်ပိုင်း ဂါဝန်လေးတွေ၊ စကပ်လေးတွေ ၀တ်ကြည့်ချင်နေတယ်။ ကန်ဒီက ဘောင်းဘီပဲဝတ်တာများတယ်။ သူများတွေ ဂါဝန်လေးတွေ ၀တ်ထားရင် အရမ်းကြည့်ကောင်းပြီး ကိုယ့်ဟာကိုယ်ဆို ကြည့်မကောင်းသလိုပဲ... ပြီးတော့ နေလည်းမနေတတ်ဘူး။ အသစ်အဆန်းဖြစ်အောင် တစ်ထည်လောက်တော့ ၀ယ်ဝတ်ကြည့်အုံးမှ :D

လေ့ကျင့်ခန်းလုပ်နေတယ်။ ဒီတစ်ခေါက်က အရင်လို ပေါ့ပေါ့ပါးပါး ချွေးထွက်ရင်ပြီးရော လုပ်တာမျိုးမဟုတ်ဘူး။ လုံးဝ Target ထားပြီးကို လုပ်နေတာ... ဟဲဟဲ (xD)။ ဘာလဲဆိုတာ သိချင်လား?? အင်္ဂလိပ်လိုဆို Core workout ခေါ်တယ်။ ဗိုက်၊ ခါးနဲ့ ခါးအနောက်ဘက်နေရာတွေကို အသားပေးပြီး လုပ်တဲ့ လေ့ကျင့်ခန်းမျိုး။ မိန်းကလေးတော်တော်များများက ဘယ်လောက်ပိန်နေပါစေ ဗိုက်နဲ့ခါးမှာတော့ အဆီတွေ ရှိတတ်ကြတယ်။ အဲ့ဒါမျိုးက မြန်မာအကျီအကြပ်တွေဝတ်တဲ့အခါ အရမ်းသိသာတယ်။ ထမီက စည်းထားတာနဲ့ အပေါ်ကအကျီကြပ်တာနဲ့ ပေါင်းလိုက်တော့ ခါးနေရာမှာ အလွှာလိုက်တွေ ဖြစ်နေတာမျိုးလေ... တွေ့ဖူးမှာပါ။ အဲ့လိုမဖြစ်အောင် ဗိုက်နဲ့ ခါးနေရာတွေကို လေ့ကျင့်ခန်းလုပ်ပေးဖို့ လိုတယ်။ ကန်ဒီနဲ့အတူ လိုက်လုပ်ပေါ့။ ကန်ဒီလည်း စ,လုပ်တာ သိပ်မကြာသေးဘူး :D


Good Night^^
Sleep Tight!

Friday, September 6, 2013

Cartoon Me

ဝုန်းဝုန်း ဒိုင်း...

မနက်က အဲ့မိုးခြိမ်းသံနဲ့ လန့်နိုးသွားတယ်... ကြောက်စရာ လန့်စရာကြီး (O_O")။ စင်္ကာပူမှာ မိုးခြိမ်းတာ ရန်ကုန်မှာ မိုးခြိမ်းတာနဲ့ မတူဘူးနော်။ ဒီက မိုးခြိမ်းသံကြီးက အကျယ်ကြီးနဲ့ ကြောက်ဖို့ပိုကောင်းတယ်။ ဒီနေ့တနေကုန် မိုးတွေသည်းကြီးမည်းကြီး ရွာနေတာ။ ကန်ဒီတို့နေတဲ့နား ရေကြီးတယ်ပြောတယ်။ကန်ဒီတို့တိုက်ကတော့ တောင်ကုန်းလေးပေါ်မှာဆိုတော့ ရေမတက်လို့ထင်တယ်... ရေကြီးတာ မမြင်မိပါဘူး O_o


အိပ်ယာပေါ်ကထ၊ မျက်နှာသစ်၊ သွားတိုက်... ကော်ဖီသောက်မယ်လုပ်တော့ ရေနွေးအိုးက တည်လို့မရဘူး။ တခြားမီးတွေဖွင့်ကြည့်တော့လည်း ဘာမီးမှမလာတော့ဘူး။ သိတော့သိလိုက်တယ်... မိုးခြိမ်းလို့ ခလုတ်တစ်ခုခု OFF သွားပြီဆိုတာ။ မိန်းခလုတ်လို့ ထင်ရတဲ့ ခလုတ်တွေ လိုက်နှိပ်ကြည့်... မရတော့ အိမ်အပြင် မီတာပုံးနားက ခလုတ်တွေကိုပါ ခုံနဲ့တက်ပြီး လျှောက်နှိပ်ကြည့်။ အဲ့ဒါလည်း မရဘူး။ ခလုတ်တွေလည်း အကုန်နှိပ်ပြီးနေပြီ... နှိပ်လို့မရတာ တစ်ခုပဲကျန်တယ်။ အဲ့ခလုတ်ကကြပ်နေတော့ အတင်းလည်း မနှိပ်ရဲဘူး... (ကိုယ်နှိပ်လိုက်မှ ကျိုးသွားမှာစိုးလို့ =.=')။ ကန်ဒီ့ညီမကိုပြောတော့ သူဖုန်းခေါ်ကြည့်မယ်တဲ့။ ခဏနေတော့ အဲ့ဒါကြည့်ပေးမယ့် အဘိုးကြီးတစ်ယောက် ရောက်လာတယ်။ အိမ်ဝရောက်တော့ အထဲဝင်ကြည့်ပေးရင် ပိုက်ဆံပေးရမှာနော်တဲ့။ ဘယ်လောက်လဲမေးတော့ SGD 20 တဲ့ (ဈေးကြီးပါ့ >.<)။ လူတောင်ရောက်လာမှတော့ အထဲဝင်မကြည့်လို့ ဘယ်လိုလုပ်မှာလဲ။ အင်း... ရတယ်လို့ပြောပြီး ၀င်ခိုင်း ကြည့်ခိုင်းရတာပေါ့။ ဟိုကြည့် ဒီကြည့်လုပ်ပြီး နောက်ဆုံး ကန်ဒီနှိပ်မရတဲ့ခလုတ်ကို နှိပ်ပြီး SGD 20 ယူသွားတယ် ဟင့် ဟင့် ဗြဲ..... T_T

စိတ်ထဲမှာ တကယ်ကလိကလိဖြစ်ပြီး ကျန်ခဲ့တာ။ အင်းပေါ့လေ... ကိုယ်နားမလည်တော့လည်း ပေးရမှာပေါ့။ ကန်ဒီ့အဖေကို သွားသတိရတယ်။ သူဆို အကုန်သိတယ်။ အကုန်ပြင်တတ်တယ်။


မနေ့က ကြက်သားနဲ့အာလူးဆီပြန်ချက်တာ သူများတွေချက်သလို ဆီလည်းမပြန်ဘူး(>.<)။ ဆီအရမ်းများတာတော့ ကန်ဒီကိုယ်တိုင်လည်း မကြိုက်ပါဘူး။ ဆီလည်း မစားဘူး။ ဒါပေမယ့် ဟင်းနဲ့တူရုံလောက်တော့ ဆီပြန်သင့်တာပေါ့ နော့(=.=')။ အခန်းဖော်အသစ်တွေ ရောက်လာပြီ။ သူတို့လာတဲ့နေ့ တစ်ရက်တည်းမှာပဲ အန်တီကလည်းပြန်တော့ အဲ့နေ့က အလုပ်နည်းနည်းရှုပ်သွားတယ်။ နေသားမကျသေးပေမယ့် အဆင်ပြေအောင် နေပါတယ်။ အစ်မတစ်ယောက်ကတော့ ရောက်တာ သုံးလေးရက်လောက်ပဲ ရှိသေးတယ် ပြောင်းမယ့်ပုံစံ စကားစနေတယ်။ ကြည့်ရတာ သူနဲ့တစ်ခန်းထဲနေတဲ့ နောက်တစ်ယောက်နဲ့ အဆင်မပြေလို့ထင်တယ်။ အသက်ကလည်း ကွာတာကိုး။ တစ်ယောက်က ၂၀၊ တစ်ယောက်က ၂၉။ ဟိုကောင်မလေးက ကျောင်းသူဆိုတော့ လူငယ်စတိုင်လ် ပေါ့ပေါ့ပါးပါး...

အဲကွန်းကလည်း အသံမြည်လို့ အိပ်မရဘူးလို့ အဲ့အစ်မက ပြောတယ်။ အန်တီမပြန်ခင်နေခဲ့တုန်းကတော့ ဘာမှပြောသံမကြားမိပါဘူး။ ဟိုညီမလေးကတော့ အားလုံးအဆင်ပြေတယ်ပြောတာပဲ။ ခု အိပ်မရလို့ဆိုပြီး အပြင်ထွက်အိပ်တယ်။ သူ့ကြည့်ရတာ စိတ်မချမ်းသာလိုက်တာ။ ဟုတ်တယ်လေ... ကိုယ်တွေက အခန်းထဲမှာအိပ်ပြီး သူကအပြင်ထွက်အိပ်တော့ မနေတတ်ဘူး... အားနာတယ် >.<


If I were a Cartoon ^_^

အင်း... အဲ့လိုကိုယ်မသိတဲ့လူနဲ့ တခန်းထဲနေရတာလည်း မလွယ်ဘူးနော်။ လူတစ်ယောက်နဲ့တစ်ယောက်က ကြီးပြင်းလာတဲ့ ပတ်ဝန်းကျင်ချင်း မတူသလို အကျင့်တွေလည်း တူတာမှ မဟုတ်တာ။ ကန်ဒီကတော့ ရောက်ကတည်းက ကန်ဒီ့ညီမနဲ့တူတူနေရတာဆိုတော့ ကံကောင်းတယ်ပဲပြောရမှာပေါ့။ ကန်ဒီတို့နဲ့ တခန်းတည်းနေတဲ့ ဟိုအန်တီ့သမီးကလည်း ကိုယ်တွေနဲ့ သူငယ်ချင်းလိုဆိုတော့ အေးဆေး။ ခု အဲ့ဒါ သူပြောင်းမယ်ဆို နောက်တစ်ယောက်ထပ်ရှာရဦးမယ်။ ကန်ဒီတို့အိမ်က ဈေးနည်းနည်းကြီးတော့ လူတော်တော်များများက မနေချင်ကြဘူး။ ဈေးကြီးဆို မြို့ထဲနဲ့လည်း နီးတယ်၊ နောက် ရေမီးကလည်း ရှယ်တာလေ။ တစ်လဘယ်လောက်ဆိုပြီး အပြီးမသတ်မှတ်ထားဘူး။ ဘယ်အချိန်မှ အဲကွန်းဖွင့်ရမယ်၊ ဘယ်အချိန်ဆို အဲကွန်းပိတ်ရမယ်ဆိုတာတွေလည်း မရှိဘူး။ တတ်နိုင်သမျှ ညဘက်ပဲဖွင့် ဆိုတာလောက်ပဲ ပြောထားတယ်။ အဲ့လိုလွတ်လွတ်လပ်လပ်ပဲဆိုတော့ ကျသလောက်တော့ ရှယ်ရမှာပဲ။ ခုလောလောဆယ်တော့ လူသစ်ရှာရမလို မရှာရမလိုဖြစ်နေတယ်။ သူက Confirm မလုပ်သေးဘူး။


အုန်းရည်ကြိုက်တယ်။ အုန်းသီးက အပူကန်တယ်လို့ ကြားဖူးတယ်။ ဒါပေမယ့် အုန်းစိမ်းကတော့ အပူမကန်ဘူးမလား ဟီးဟီး (ကိုယ်ကြိုက်တာဆိုတော့ အဲ့လိုဖြေတွေးပြီး သောက်တာပဲ :P)။ မနေ့က ပန်နီဆူလာမှာ ဘုရားပန်းဝယ်ပြီး သင်္ဘောကြီးနားသွားထိုင်ဖြစ်တယ်။ ကြားရက်ဆိုတော့ လူရှင်းတယ်။ ထိုင်လို့ကောင်းတယ်။ စနေ၊ တနင်္ဂနွေဆို လူအရမ်းရှုပ်တာ... အဲ့လိုနေ့မျိုးဆို မသွားဘူး။

အိတ်ကတခြား လူကတခြား... သူများဆွဲသွားမယ်ဆို ပါသွားလောက်ပြီ ဟဟ xD


ခုနောက်ပိုင်း အဲ့လို Muscle Tee တွေ ခေတ်စားလာတယ်။ အဲ့လိုအကျီမျိုးတွေကို Muscle Tee လို့ခေါ်တယ်။ ကန်ဒီ့ကြီးမားလှတဲ့ Muscle တွေကို ပြချင်လို့ ၀ယ်ထားတာ... ဟဟဟ နောက်တာ (:P)။ အဲ့လိုအကျီတွေက လည်ပင်းမကျယ်တော့ အထဲကဟာကို ကြိုးပျောက်ရွေးဝတ်စရာမလိုဘူးလေ။ နောက် လုံခြုံပြီး သက်တောင့်သက်သာလည်း ရှိတယ်။ အဲ့ဒါကြောင့် ကြိုက်တာ :D

Good Night^^

Monday, September 2, 2013

Basic Eyeshadow ♥ 2 (Suitable for Doublelids)

Hello...

ဒါကတော့ လွန်ခဲ့တဲ့တစ်လကျော်ကျော်လောက်က ကန်ဒီရေးခဲ့တဲ့ အခြေခံအိုင်းရှဲဒိုးပိုစ့်ရဲ့ နောက်ဆက်တွဲပေါ့။ ဟဟ... ဟုတ်ပါ့ အဲ့ပိုစ့်နဲ့ ဒီပိုစ့်ကြား တစ်လတောင် ကြာသွားတယ်။ ဒီလို Beauty ပိုစ့်မျိုးရေးရတာလည်း မလွယ်ဘူးလေ။ ပထမဆုံး အခန်းထဲမှာဘယ်သူမှမရှိတဲ့အချိန်ကို ရွေးရတယ်၊ ပြီးရင် ကင်မရာကြီးတစ်လုံးနဲ့ အလုပ်ရှုပ်၊ ပြီးရင် ဓာတ်ပုံရိုက်၊ ပြီးရင် Video/Photo Edit လုပ်၊ အဲ့ဒါတွေပြီးမှ စာရေးလို့ရတာ။ အဲ့လောက် အချိန်ပေးပြီး လုပ်ထားတဲ့ပိုစ့်ကို Dislike လုပ်လို့ကတော့... ဟင်းဟင်း (ခြိမ်းခြောက်သံ)။ ဟီး စတာပါ... ကန်ဒီ့ဆီလာတဲ့ အစ်မတွေ၊ ညီမတွေက ဘာရေးရေး မကောင်းဘယ်တော့မှ မပြောဘူး (:D)။ OK OK လိုရင်းမရောက်တော့ဘူး... ဒီတခေါက်ပိုစ့်က မျက်ရစ်ရှိတဲ့ မမတွေ၊ ညီမလေးတွေအတွက် ^_^


မျက်ခွံပေါ်လွင်အောင် အသားပေးခြယ်တဲ့ ဒီနည်းက မျက်ရစ်ရှိတဲ့သူတွေအတွက် အထူးသင့်တော်တယ်။ ဒါဆို စလိုက်ရအောင်နော်။ ပထမဆုံး အိုင်းရှဲဒိုးကြာကြာခံပြီး အရောင်လှအောင် Eyeshadow Primer သုံးပါ။ 

♥ Step 1
မျက်လုံးဖွင့်ထားတဲ့အခါ မျက်ခွံလေးပေါ်နေအောင် အနုဆုံးအရောင်ကို မျက်ခွံပေါ်ခြယ်ပါ။

♥ Step 2
ခုနက မျက်ခွံပေါ်သုံးတဲ့အရောင်ထက် နှစ်ဆင့်လောက်ရင့်တဲ့အရောင်နဲ့ မျက်လုံးရဲ့ Crease နေရာကို ခြယ်ပေးနော်။ Crease ဆိုတာ မျက်လုံးအိမ်ဆုံးတဲ့နေရာနဲ့ မျက်ခုံးရိုးကြားကို ပြောတာ။ တနည်းအားဖြင့် Eyeshadow Brush နဲ့ မျက်ခွံတ၀ိုက်ထောက်ကြည့်ရင် ချိုင့်ဝင်သွားတဲ့နေရာပေါ့။ ကန်ဒီကတော့ ဒီနေရာမှာ အညိုနုရောင်ကို သုံးထားတယ်။ အရောင်ကို မျက်လုံးအပြင်ဘက်ကစ,ခြယ်ပြီး အတွင်းပိုင်းအထိ ဆက်ဆွဲသွားဖို့ မမေ့နဲ့နော်။ အတွင်းပိုင်းထိ ဆက်မဆွဲရင် သဘာဝမကျတတ်ဘူး။ ဒီအဆင့်က သဘာဝကျကျ Contour လုပ်တဲ့အဆင့်ပေါ့။ Contour လုပ်တယ်ဆိုတာ 3D သဘောမျိုး ရုပ်ကြွလာအောင် လိုအပ်တဲ့နေရာတွေမှာ Shadow တွေ လိုက်ထည့်တာကိုပြောတာ။ တကယ်တော့ ဒီအဆင့်မှာတင် ရပ်လိုက်လို့ရတယ်။ ကန်ဒီက ကင်မရာထဲမှာဆို အရောင်မပေါ်မှာစိုးလို့ဆိုပြီး တတိယအဆင့်ထပ်ထည့်လိုက်တယ်။


♥ Step 3
နောက်ဆုံးအဆင့်မှာ ခုနကအရောင်ထက် နည်းနည်းလေးပိုရင့်တဲ့အရောင်ကို သုံးမယ်။ ဒီတခေါက်တော့ မျက်လုံးအပြင်ဘက် Crease နေရာကိုပဲခြယ်ပါ။ ဒါလည်း Contour လုပ်နည်းတစ်မျိုးပဲ။ အဲ... ဒါပေမယ့် ဒီအဆင့်က ခုနကဒုတိယအဆင့်ပါမှ ကောင်းတယ်။ သူ့ချည်းပဲဆို ကြည့်မကောင်းတတ်ဘူး။ ကိုယ့်စိတ်တိုင်းကျအရောင်ရပြီဆို Eyeshadow Brush သန့်သန့်နဲ့ အရောင်တွေညီအောင် ညှိပေးဖို့မမေ့နဲ့နော်။ အဓိကကတော့ Crease နေရာကိုပေါ့။

အားလုံးပြီးပြီဆို အိုင်းလိုင်နာဆွဲ၊ မျက်တောင်ကော့။ သြော်.... အောက်မျက်ခမ်းတစ်လျှောက်ကိုလည်း အညိုရောင်အိုင်းရှဲဒိုးနဲ့ခြယ်ပေးဖို့ မမေ့နဲ့ဦးနော်။ အဲ့ဒါပါမှ အပေါ်နဲ့အောက် Balance ညီမှာ။ ဒါလေးက ဗွီဒီယို ^_^


ဗွီဒီယိုကြီးပါနေရဲ့သားနဲ့များ ဘာလို့တကူးတက ပုံကိုစာနဲ့ရှင်းပြနေရသလဲ မေးရင် မြန်မာပြည်ကလူတွေ Internet Connection မကောင်းလို့ ဗွီဒီယိုကြည့်မရမှာ စိုးလို့ပါ။ ဒီလောက်ချစ်ဖို့ကောင်းတဲ့ကန်ဒီ့ကို အပြင်မှာတွေ့ရင် တခုခုတော့ ကျွေးသင့်နေပြီနော် ဟဟဟဟ :P :P


  Stay Beautiful^^