Fever

Morning everyone...

ဒီရက်ပိုင်း ရာသီဥတုအရမ်းပူတယ်။ အပူအအေးမမျှလို့ပဲလား မသိဘူး... ဗုဒ္ဓဟူးနေ့က ကိုယ်တွေပူပြီး စ,ဖျားတယ်လေ။ ဆေးမှန်မှန်လေးသောက်လိုက်တော့ ကိုယ်ပူကျသွားတယ်။ အဖျားမရှိတော့ပေမယ့် အသံနာပြီး နှာစေးနေတုန်းပဲ။ ခုလည်း စောစောစီးစီး ခေါင်းကိုက်နေလို့ Paracetamol တစ်လုံးသောက်ထားရတယ်။ 

ကန်ဒီ Pharmacy အသေးလေးဆီရောက်သွားလို့ ဖျားတာလည်း ဖြစ်နိုင်တယ် (>.<)။ ကန်ဒီတို့ Polyclinic က တခြား Branch တွေနဲ့ယှဉ်ရင် သေးသလောက် လူနာအများဆုံးစာရင်းထဲမှာ ပါတယ်။ အဲ့ဒါနဲ့ Main Pharmacy တင် မလောက်တော့ပဲ နှာစေး၊ ချောင်းဆိုး၊ ၀မ်းလျောတဲ့ လူနာတွေအတွက် သီးသန့်ဆိုပြီး Pharmacy အသေးလေး အသစ်ဖွင့်လိုက်တယ်။ အဲ့မှာ သွေးတိုး၊ ဆီးချို ဆေးတွေမရှိဘူး။ အဲ့အသေးလေးကို Main Pharmacy က ၀န်ထမ်းတစ်ယောက်စီ တစ်လတော့ အနည်းဆုံးသွားရတယ်... အလှည့်နဲ့ပေါ့။ ကန်ဒီက ဒီအပတ် စ,သွားရတာ... ဧပြီလကုန်ခါနီးလောက်ထိ အဲ့မှာနေရမယ်။ စ,သွားတဲ့အပတ်မှာတင် ဖျားတော့တာပဲ။ လာတဲ့လူနာတွေကလည်း အအေးမိတဲ့ လူနာတွေချည်းကိုးး... မကူးဘဲနေမလား >.<

ဆရာဝန်ကြောက်တဲ့ရောဂါရှိတော့ တော်ရုံဖြစ်ရင် ဆေးခန်းပြခဲတယ် ဟဟ(xD)။ အဲ့ဒါနဲ့ပဲ ကိုယ့်ဟာကိုယ် ကျိတ်ကုတာပေါ့။ ရိုးရိုး Panadol နှစ်လုံးကို မနက်အလုပ်သွားရင် သောက်တယ်။ နေ့လည်ထမင်းစားပြီးရင် နှစ်လုံးထပ်သောက်တယ်။ ညအိပ်ခါနီးရင် Panadol Cough & Cold နှစ်လုံးသောက်တယ်။ အဲ့ဒါက ချောင်းဆိုးပျောက်ဆေးပါတော့ သောက်ပြီးရင် အိပ်ချင်တယ်လေ။ အပြာရောင်အကိုက်အခဲပျောက်ဆေးတွေက ကန်ဒီ့ညီမဆေးခန်းပြတုန်းက သူ့ကိုဆရာဝန်ပေးလိုက်တာတွေ... Panadol ထက်ပြင်းတယ်။ စ,စဖျားချင်းတုန်းက အိမ်မှာ Panadol မရှိတာနဲ့ အဲ့ဒါအရင်သောက်ထားတာ။ အဲ့ဒါသောက်ပြီးရင် Gastric ဖြစ်လို့ Gastric ဆေးနဲ့တွဲသောက်ရတယ်။ တကယ်တော့ ကော်ဖီမသောက်သင့်ဘူး။ ဒါပေမယ့် အိမ်မှာလည်း သောက်စရာ ဒါပဲရှိတယ်။

နေမကောင်းတဲ့ ဗုဒ္ဓဟူးနေ့လေးပဲ အလုပ်ကအပြန် အိမ်ကပ်တယ်။ အဖျားကျသွားပြီဆိုတာနဲ့ သွားတော့တာပဲ။ အဲ့ဒါကြောင့် ကန်ဒီ့ခြေထောက်မှာ မှည့်အသစ်ပေါ်လာတာ ဖြစ်မယ် ဟဟဟဟ(xD)။ သောကြာနေ့က တက္ကသိုလ်တက်တုန်းက သူငယ်ချင်းတွေနဲ့ Gathering... ကန်ဒီနဲ့ အလုပ်တူတဲ့တစ်ယောက်ကလွဲလို့ ကျန်တဲ့သူငယ်ချင်းတွေကို မတွေ့တာ(၄)နှစ်နီးပါးရှိပြီ။ တချို့က အိမ်ထောင်ကျသွားပြီ။ တချို့က အိမ်ထောင်ပြုဖို့ တာဆူနေတယ်။ ကန်ဒီတို့စကားဝိုင်းထဲက အကြောင်းအရာတွေကို ပြန်ဆန်းစစ်ကြည့်တော့ လွန်ခဲ့တဲ့(၄)နှစ်ကနဲ့ အများကြီးကွာသွားပြီ။ ကျောင်းတုန်းက စကားဝိုင်းထဲမှာဆို စာမေးပွဲအကြောင်း၊ ဘာသွားစားမယ်၊ ဘယ်သင်တန်းတက်မယ်၊ ဘာကားကောင်းတယ်၊ ကျောင်းပြီးရင် ဘာလုပ်မယ်... ဆိုတာတွေ။ အခုစကားဝိုင်းထဲမှာကျ မင်္ဂလာဆောင်တော့မယ့် နှစ်ယောက်က ဘယ်တော့မင်္ဂလာဆောင်မယ်၊ ဘယ်ဟိုတယ်က ဘယ်ဈေး၊ Dinner က ဘယ်မှာဆို ပိုကောင်းတယ်၊ နောက်.. ဘယ်သူငယ်ချင်းကတော့ ဘာတွေလုပ်နေတယ်၊ ဘယ်သူငယ်ချင်းကတော့ ဘာလေးမွေးတယ်၊ ဘယ်လိုစီးပွားရေးလုပ်ချင်တယ်... စတာတွေ။ သူတို့ပြောတာတွေ နားထောင်ရင်း ကန်ဒီတွေးနေမိတာက ကျောင်းတုန်းကနဲ့ အခု ကွာဟပုံတွေ... ကန်ဒီတို့ အချိန်နဲ့အတူ ရင့်ကျက်လာကြပါတယ် =)

အားလုံးက Pharmacy ကျောင်းဆင်းတွေဆိုတော့ တော်တော်များများက ဆေးဆိုင်ဖွင့်ချင်ကြတယ်။ ကန်ဒီ့ကိုလာမေးရင်တော့ Pharmacists ဆိုတာ "ဘာ.." ဆိုတာကို သိစေတဲ့ ဆေးခန်းလေးတစ်ခုဖွင့်ချင်တယ်။ အဲ့ဒီမှာ ဆရာဝန်ကလည်း Pharmacist ကို လေးစားမှုရှိရမယ်။ အားလုံးကို စင်္ကာပူမှာလို Run ချင်တယ်။ အရမ်းခက်ခဲပေမယ့် မဖြစ်လာဘူးလို့လည်း မပြောနိုင်ဘူးနော် ^_^

ဒါကမနေ့က... အစ်မတို့မိသားစုနဲ့ မတွေ့တာတော်တော်ကြာပြီ။ ငါးလလောက်တောင် ရှိတော့မယ်။ နေ့လည်စာစား၊ ခဏစကားပြော၊ တရေးအိပ်၊ ညစာအတွက် ပြင်ဆင်၊ ညစာစားပြီးမှ ပြန်။ ဒါ အစ်မတို့ဆီသွားလည်တိုင်း ကန်ဒီလုပ်နေကျပုံစံ ဟဟ ^_^

အမေက ကန်ဒီပြန်လာရင် ဘာတွေလုပ်မယ်ဆိုတာ အခုတည်းက စီစဉ်နေပြီ။ မနေ့က ဖုန်းဆက်ပြီး သူ့အစီအစဉ်ကို ပြောပြတယ်။ ပြန်ရောက်ပြီးနောက်တစ်ရက် မိဘမဲ့ကျောင်းမှာ အလှူ လုပ်မယ်။ ပြီးရင် လေယာဉ်နဲ့ ဗန်းမော်တက်မယ်တဲ့... အဲ့ကနေ ရွှေကူကို ကားပြန်စီး... ဟိုမှာ အဘွားလေးတို့နဲ့ နှစ်ရက်လောက်နေမယ်။ ပြီးရင် ရန်ကုန်ပြန်လာမယ်။ ခုကတည်းက လေယာဉ်လက်မှတ်ကြိုဝယ်ထားမလို့... သဘောတူလားတဲ့။ ကြည့်... အမေက အစစအရာရာ ထောင့်စေ့တဲ့သူ။ ကန်ဒီမှာထားတဲ့ သင်္ကြန်အတွက် ချိတ်လည်းသူချုပ်ပြီးပြီတဲ့။ သူဆိုင်မှာဝယ်နေတုန်း ဘာအရောင်ယူမလဲ ကန်ဒီ့ကိုလှမ်းရွေးခိုင်းသေးတယ်။ ကန်ဒီက "ပန်းရောင်ဆို အရမ်းတောက်သွားမလားမသိဘူး" ဆိုတော့... "သခွားရောင်ကြီးက တောမှာဇာတ်ကတဲ့အရောင်ကြီး"တဲ့ ဟဟဟ (xD)။ အဲ့ဒါနဲ့ သဘောဆိုပြီး... သူ့စိတ်တိုင်းကျ ပန်းရောင်လေးပဲ ယူလိုက်ပါလို့ ပြောလိုက်တယ် :D

ကန်ဒီတို့အက,တိုက်တဲ့ ဗွီဒီယိုလေး ကြည့်ချင်လား?? (:P :P) ကန်ဒီက က,ကွက်တွေ မှတ်ချင်လို့ ကင်မရာတင်ထားတာ... ကျောင်းက ကလေးတွေက ကန်ဒီ့ကင်မရာလည်း တွေ့ရော... သူတို့ရိုက်မယ်ဆိုပြီး စကားတပြောပြောနဲ့ ရိုက်ပေးနေတာ။ သူတို့ပြောတာတွေ သဘောကျလို့ တင်ဖြစ်သွားတယ် (:D :D)။ မြန်မာကလေးတွေပါပဲ... ဒီမှာကြီးတဲ့ကလေးတွေဆိုတော့ သူတို့အချင်းချင်း အင်္ဂလိပ်လိုပဲ ပြောတယ်။ Enjoy ^_^

Have a Nice Day^^

Sunny Day

Morning everyone...

မနက်စာစားမယ်ဆိုပြီး မီးဖိုချောင်ဝင်တော့ ၀ယ်ထားတဲ့ပေါင်မုန့်က မှိုတက်နေပြီ။ တခါတလေ အိပ်ယာထနောက်ကျတဲ့နေ့မျိုးဆို ဘာမှမစားဘဲ အိမ်ကတန်းထွက်တာဆိုတော့ ၀ယ်ထားတဲ့ပေါင်မုန့်က စားဖြစ်လိုက် မစားဖြစ်လိုက်။ အဲ့ဒါနဲ့ပဲ ဒီနေ့မနက်စာက ပန်းသီးနဲ့ ဆန်းကစ် ဖြစ်သွားတယ်။ လှီးတာများသွားလို့... အကုန်မစားနိုင်ပါဘူး။ ရေခဲသေတ္တာထဲ ထည့်သိမ်းထားတယ်။

နေ့လည်စာကတော့ လက်ဖက်နဲ့ထမင်းပဲ ဖြစ်လိမ့်မယ်။ ဘာမှဝယ်ထားတာ မရှိဘူး။ သြော်... ငါးသေတ္တာတစ်ဗူးတော့ ရှိတယ်ထင်တယ်။ အဲ့ဒါဖောက်စားလို့ရတယ်။ စားပြီးသန့်ရှင်းရေးလုပ်ပြီးရင် အက,သွားတိုက်မယ်။ အက,ဆိုလို့ "မန်းတောင်ရိပ်ခို"က,ဖို့ ချိတ်ထမီမရှိဘူး (>.<)။ ဆရာမက မန်းတောင်ရိပ်ခိုနဲ့ ကန်ဒီတို့ငွေဖလားလေးနဲ့က,မယ့် နောက်သီချင်းတစ်ပုဒ်က ချိတ်ဝတ်မှလိုက်မှာတဲ့။ အဲ့ဒါ အမေ့ကိုအပူကပ်ထားတယ်။ ဒီကြားထဲမှာရှိတဲ့ လူကြုံနဲ့ ထည့်ပေးလိုက်ပါလို့ :P

 Photo Credit: Danuphyu Daw Saw Yee (London)

How to make Thingyan Rice: Click Here =)

သင်္ကြန်အစားအစာတွေထဲမှာ ဘာအကြိုက်ဆုံးလဲဆို မုန့်လုံးရေပေါ်နဲ့ သင်္ကြန်ထမင်း။ ဒါနဲ့ သင်္ကြန်ထမင်းကို သိကြလားဟင်?? အေးနေအောင်ရေခဲထည့် အအေးခံပြီး ဖယောင်းရည်ဆမ်းထားတဲ့ ထမင်းမွှေးမွှေးလေးကို ငါးခြောက်ကြော်၊ သရက်သီးသုပ်နဲ့ စားရတာ။ သင်္ကြန်ဆိုအမေလုပ်ကျွေးတတ်တယ်။ ကန်ဒီကြည့်ကြည့်နေတာ သင်္ကြန်ပွဲတွေမှာ စတုဒိသာကျွေးရင် သင်္ကြန်ထမင်းဘယ်တော့မှမပါဘူး။ လုပ်ရတာပဲ လက်ဝင်လို့လား မသိပါဘူး။ ကန်ဒီ့သူငယ်ချင်းတစ်ယောက်ကို အဲ့ဒါပြောပြတော့ သင်္ကြန်ထမင်းဆိုတာ ဘာမှန်းတောင်မသိဘူး >.<

ဒါကတော့ဟိုနေ့က မန္တလေးဆိုင်မှာ အလုပ်ကမြန်မာအစ်မတွေနဲ့ သွားစားထားတာ... အဲ့မရောက်တာကြာပေါ့။ Peninsula မှာ ဒီဆိုင်တော့ ကန်ဒီဝမ်းမလျောဘူး... ဟဟ(xD)။ လေယာဉ်လက်မှတ်လည်း ၀ယ်ပြီးပြီ။ Silk Air မှာ မနက်လေယာဉ်ကို Promotion ချနေတယ်... အသွားအပြန် SGD 275 (30)Kg... ကန်ဒီက မေလ(၃)ရက်နေ့ညကို ပြန်ချင်တာ... မရဘူး။ (၄)ရက်နေ့ မနက်ပဲ ရတယ်။ Passport သက်တမ်းတိုးဖို့လည်း ဧပြီလထဲမှာ ခွင့်ယူပြီးသွားပြီ။ သူများတွေ ပြောတာတော့ ခုဆို သွားမယ့်နေ့မတိုင်ခင် ကြို  Appointment ယူထား၊ ပြီးတော့ တကယ့်နေ့သွားရင်လည်း တစ်ရက်တည်းနဲ့ ရတယ်တဲ့။

အဲ့ကဒ်လေးက ကန်ဒီတစ်ယောက်တည်းရတာ မဟုတ်ပါဘူး။ လူတိုင်းရတယ်။ Senior တွေက ရေးပေးတာပေါ့။ အဲ့လိုလက်ရေးနဲ့ ရေးပေးတာမျိုးလေးတွေ အရမ်းသဘောကျတယ်။ ဒါနဲ့ စကားမစပ်... ဟိုနေ့က Mozilla Firefox ကို Update လုပ်လိုက်ပြီး ပြန်ဖွင့်မရတော့လို့ တော်တော်ဦးနှောက်ခြောက်သွားတယ်။ ကန်ဒီက စာရေးရင် Mozilla နဲ့ပဲ ရေးတာ... Chrome နဲ့ ရေးလို့အဆင်မပြေလို့။ အဲ့တော့ စာလည်းရေးလို့မရတော့ဘူး ထင်တာ။ ကံကောင်းချင်တော့ Uninstall လုပ်ပြီး ပြန် Install လိုက်တာရသွားတယ်။ ဒါပေမယ့် Myanmar Font က နည်းနည်းလေးတော့ လွဲနေတယ်။ အရင်လို သိပ်အဆင်မပြေဘူး။ အဲ့ဒါကြောင့် တချို့နေရာတွေမှာ ကျဲလိုက် ပူးလိုက်ဖြစ်နေတာ >.<

ဟိုနေ့က လေတွေအရမ်းတိုက်တော့ အိမ်အောက်နား စကားပင်က စကားပန်းတွေကြွေတယ်။ ကန်ဒီအကြိုက်ဆုံးပန်းတွေထဲမှာ စကားပန်းလည်းပါတယ်။ ငယ်ငယ်က ကန်ဒီကြီးလာရင်နေမယ့်ခြံမှာ စကားပန်းပင်စိုက်မယ်ဆိုပြီး တွေးဖူးတယ် ^_^

ဘုန်းကြီးကျောင်းက ပြန်ရောက်ပြီ...
Good Night^^

Scent of Rain

Good Morning...

အပြင်မှာမိုးတဖွဲဖွဲနဲ့ အိပ်ယာထဲပဲ ကွေးနေချင်တယ်။ စင်္ကာပူမှာ မိုးမရွာတာ တော်တော်ကြာပြီနော်။ မနေ့က East Coast မှာ သဲပုံစေတီပွဲရှိတယ်... မသွားလိုက်ရဘူး။ အလုပ်မှာ OT ရှိနေတာနဲ့ (၄)နာရီခွဲ၊ (၅)နာရီလောက်မှ ပြီးတယ်။ (၆)လလောက်မှ တစ်ခါရှိတဲ့ OT က ဘာလို့များ အဲ့နေ့နဲ့ သွားတိုက်နေလဲ မသိပါဘူး (>.<)။ မေတ္တာရှင်က အဖွဲ့တွေ ဟိုမှာလက်ဖက်ထမင်း ကျွေးကြတယ်... ပျော်စရာကြီး >.<

အကလည်း သွားမတိုက်ဘူး။ တောက်လျှောက်ဆို အရမ်းပင်ပန်းပြီး နေမကောင်းတွေ ဘာတွေဖြစ်ကုန်မှာစိုးလို့။ တပတ်နှစ်ရက်၊ သုံးရက်လောက်ပဲသွားမယ် စဉ်းစားထားတယ်။ ဒီနေ့ကတော့ သွားကိုသွားရမှာလေ... စာလည်းသင်ရမှာဆိုတော့။ သီချင်းက (၄)ပုဒ်တောင် တိုက်ရတာ... အရမ်းများတယ်။ ကန်ဒီက တစ်ပုဒ်ဆို တစ်ပုဒ်ပဲ ကောင်းကောင်းက,ချင်တာ။ (၄)ပုဒ်တောင်ဆိုတော့ အကွက်တွေရောပြီး မှားကုန်ရင် ဒုက္ခ (>.<)။ Sembawang နဲ့ Topayoh သင်္ကြန်က တစ်ရက်ထဲ ထင်တယ်။ အဲ့ဒါဆိုရင်တော့ တစ်ခုလွတ်သွားပြီ။ မေတ္တာရှင်က ကန်ဒီ့အဖွဲ့တွေက Sembawang မှာ စတုဒိသာ လှူကြမှာ >.<

ကန်ဒီဆိုတာ အားနေရင် Google မှာ သွားပြီး "Bunny for Adoption" ဆိုပြီး သွားသွားနှိပ်တတ်တဲ့လူမျိုး။ မနေ့ကလည်း သွားရှာတော့ ဒီကောင်လေးကို တွေ့တာနဲ့ ခုလိုချင်တဲ့ ရောဂါတက်နေပြန်ပြီ။ သူ့ကို ဆေးခန်းအပြင်ဘက်ကနေ ကောက်ရပြီး ခုမွေးစားထားတဲ့ သူ့ပိုင်ရှင်ကလည်း Allergy ရှိတာနဲ့ သူ့ကိုမွေးလို့မဖြစ်တော့လို့ ပေးချင်နေတာတဲ့။ သနားပါတယ်။ ဟမ်းစတားလေးကောင်ရှိနေတော့ သူ့ကိုမွေးလို့မရဘူး (T_T)။ နေရာမရှိဘူး။ အဲ... ကြုံတုန်း Pet မွေးချင်တဲ့လူတွေကို ကန်ဒီအကြံပေးချင်တာက Pet Shop မှာ သွားဝယ်တာထက် မွေးစားတာမျိုးကို ပိုစဉ်းစားပါလို့။ အဲ့လို အိမ်လိုအပ်နေတဲ့ အကောင်လေးတွေ အများကြီးရှိတယ်။ ၀ယ်တာထက်စာရင် ကုသိုလ်လည်း ရတယ်လေ ^_^

မနေ့က ဘာစိတ်ကူးပေါက်တယ်မသိဘူး... ကံကော်ပန်းပုံ ဆွဲချင်တယ်ဆိုပြီး Reference ပုံ လိုက်ရှာတော့ ကဗျာလေးတစ်ပုဒ် အမှတ်တမဲ့ဖတ်မိတယ်။

ကံ့ကော်ရယ် ကြူ
မဖြူလား မယ်မေး
မယ့်ပါးပြင် ဖြူဖြူဖွေးနဲ့
ယှဉ်စမ်းချင်သေး။

ကံ့ကော်ရယ် ဖြူ
မကြူလား မယ်မေး
မယ့်ကေသာဆံနွယ်ဦးမှာ
ဆင်မြန်းမှမွှေး။

ပန်းနဲ့ပန်ဆင်သူ
ညီတူလား မယ်မေး
ရွှေကံ့ကော်မျက်နှာငယ်လို့
ငိုဦးမတဲ့လေး။    ။

တာရာ

ချစ်စရာလေးနော်... ကိုယ့်ချစ်သူအလှကို ကံကော်ပန်းနဲ့ယှဉ်ပြီး ဖွဲ့နွဲ့ထားတဲ့ ကဗျာလေး။ ဆွဲထားတဲ့ပုံကတော့ ကိုယ့်ဟာကိုယ်ဆွဲပြီး စိတ်တိုင်းမကျပါဘူး (>.<)။ ဟိုတလောက ကန်ဒီ Facebook မှာ တင်လိုက်တဲ့ Status နဲ့ ပက်သက်ပြီး ကန်ဒီ့ကို ယောက်ျားလေးတော်တော်များများက လာငြင်းကြတယ် ဟဟဟ xD

လာငြင်းတဲ့သူတွေက ၀န်မခံချင်လို့ပဲ -င်ပိတ်ငြင်းနေတာလား... ဒါမှမဟုတ် ကန်ဒီ့ English ကပဲ မကောင်းလို့ ဆိုလိုရင်းကို သူတို့နားမလည်တာလား... မပြောတတ်ဘူး (xD)။ ကန်ဒီက ယောက်ျားလေးတွေဟာ ရုပ်ရည်ရူပါတစ်ခုတည်းကိုပဲ ကြည့်ပြီး ချစ်သူ၊ အိမ်ထောင်ဖက်ကို ရွေးချယ်လေ့ရှိတယ်လို့ ပြောချင်တာမှ မဟုတ်တာ။ အဲ... ဒါပေမယ့် အဲ့ဒီမိန်းကလေးအကြောင်း ဘာမှမသိသေးတဲ့အချိန်မှာတော့ တော်တော်များများက ရုပ်ရည်ကိုပဲကြည့်ပြီး ချဉ်းကပ်ကြတာပဲ။ သူတို့အတွက် ဆွဲဆောင်မှုတစ်ခုခုမရှိရင် ကိုယ်မသိတဲ့လူကို ဘယ်သူက အချိန်ကုန်ခံပြီး ချဉ်းကပ်မှာလဲ?? ဒါ Common sense ပဲ မဟုတ်ဘူးလား?? နည်းနည်းကြာကြာတွဲကြည့်လို့မှ ကိုယ်နဲ့ကီးမကိုက်ရင် နောက်တစ်ယောက်ဆီရောက်သွားမှာပဲ။ ဒါသဘာဝပဲကို (xD)။ အဲ့ဒါကြောင့် ကိုယ့်အကြောင်းကို အစအဆုံးသိပြီးမှ ချဉ်းကပ်လာတဲ့ ယောက်ျားလေးမျိုးက ပိုတန်ဖိုးရှိတယ်... ထင်တာပဲ ^_^

စင်္ကာပူမှာနေရတဲ့ ဘ၀တွေလို့ပဲ ခေါင်းစဉ်တပ်ရမလား?? အဲ့လိုမျိုးကြီး မြင်ရတာ စိတ်မချမ်းသာဘူး။ အိမ်က အိမ်နဲ့မတူလို့။ မလုပ်လို့လည်း မရပြန်ဘူး။ ကိုယ့်အသိစိတ်ဓာတ်နဲ့ကိုယ်လုပ်လို့ ပြောထားရင် လုပ်တဲ့လူက ဒိုင်ခံလုပ်တယ်။ မလုပ်တဲ့လူက လုံးဝမလုပ်တော့ဘူး။ အဲ့တော့ နောက်ဆုံး Table ဆွဲလိုက်ရတယ်။ ကိုယ့်မိသားစုနဲ့ ကိုယ်နေရင်တော့ ဒါမျိုးတွေ ဘယ်လိုမလဲနော်။ ပြောရင်း သတိရလာပြီ :(

ဘုန်းကြီးကျောင်းက ပြန်လာတော့ မိုးရွာပြီးခါစ မြေသင်းနံ့လေးရတယ်။ ဘာမှန်းမသိတဲ့ တစ်စုံတစ်ရာကို သတိရသလိုလို...

Have a Nice week ahead^^

Busy Bee + Tag

Hello everyone...

Guess what I'm eating?!?! ထမနဲ!!! ဟီးဟီး... မနေ့က ဘုန်းကြီးကျောင်းကနေ ရလာတာ။ ဒီရက်ပိုင်းတွေ အရမ်းအရမ်း အလုပ်ရှုပ်နေတယ်။ သင်္ကြန်အတွက်လည်း အကတိုက်ရသေးတယ်။ ညဆိုနောက်ကျမှ ပြန်ရောက်တယ်။ Humm... သင်္ကြန်ပြီးမှပဲ နည်းနည်းအားသွားမယ် ထင်တယ်။ ဒီကြားထဲ လေယာဉ်လက်မှတ်လည်း ၀ယ်ရဦးမယ်။ မေလထဲမှာ ကန်ဒီ့မွေးနေ့အပြီးလောက် ရန်ကုန်ပြန်ဖို့ ခွင့်တင်ထားတယ်။ Public Holiday အရှေ့ကိုယူလိုက်တော့ (၈)ရက်လောက်တော့ ဟိုမှာနေလို့ရမယ်။ 

Yayyyy... မရောက်တာကြာပြီဖြစ်တဲ့ ရန်ကုန်မြေကို ပြန်နင်းခွင့်ရဦးမယ်။ အရာရာတိုင်း အများကြီးပြောင်းလဲနေမှာတော့ အသေအချာပဲ။ (၃)နှစ်ဆိုတဲ့အချိန်ကာလက နည်းတာမှ မဟုတ်တာ။ ပထမဆုံးသွားချင်တဲ့နေရာကတော့ ရွှေတိဂုံဘုရားပေါ့။ နောက် အိုးဘဲဥ၊ ငါးဖယ်၊ အကြော်နဲ့ မုန့်ဟင်းခါး စားချင်တယ် ဟဟ(:D)။ မနက်စာကို စမူဆာ၊ အီကြာကွေး၊ တိုရှည်၊ မုန့်လိပ်ပြာ၊ ပဲပြုတ်ထမင်း... အဲ့ဒါတွေနဲ့ ကော်ဖီသောက်မယ်။ သြော်မေ့တော့မလို့ ဒံပေါက်နဲ့ ကြေးအိုးလည်း စားရမယ်။ မုန့်လင်မယား မုန့်လင်မယား... အဲ့ဒါလည်း မေ့လို့မဖြစ်ဘူး။ မသွားခင် ကန်ဒီစားချင်တဲ့ဟာတွေကို ချရေးသွားမှ ထင်တယ် ဟဟဟ (xD)။ Humm... တွေ့စရာသူငယ်ချင်းကတော့ ရန်ကုန်မှာ တစ်ယောက်ပဲရှိတယ်... သနားစရာ။ ကိုယ်ကတစ်ယောက်တည်းနေတတ်တော့ အားလုံးနဲ့ ကင်းကွာတယ်။ အဓိကက မိသားစုနဲ့ပြန်တွေ့ဖို့၊ နောက်စားချင်တာတွေ စားဖို့နဲ့ လည်ဖို့။ သြော်... ကန်ဒီလုပ်ချင်တာ တစ်ခုရှိသေးတယ်။ မိဘမဲ့ကျောင်း (သို့) မျက်မမြင်ကျောင်းမှာ လှူရင်ကောင်းမလားလို့။ အမေ့ကို မပြောရသေးဘူး။ မသွားခင်တော့ Passport သက်တမ်းတိုးသွားမှ ထင်တယ်။ ကန်ဒီ့ Passport က စက်တင်ဘာလလောက်ဆို ကုန်ပြီ။ ရန်ကုန်ရောက်ရင် ဓာတ်ပုံတွေတ၀ရိုက်ခဲ့မယ် သိလား :D :D

အိမ်ပြန်နောက်ကျပြီး ဘာမှမစားရသေးလို့ အိမ်နားက McDonald မှာပဲ ညစာဝယ်စားရတယ်။ အဲ့မှာ စားလို့ရတာဆိုလို့ ဒီတစ်မျိုးပဲ ရှိတယ်။ ကျန်တာ ဘာမှမကြိုက်ဘူး။ အမေရန်ကုန်က ထည့်ပေးလိုက်တဲ့ မြန်မာအကျီလေးတွေ... လှတယ်နော်။ အပြာလေးက ချုပ်ပေးလိုက်တာတဲ့...  သူဘယ်ကအတိုင်းယူပြီး ချုပ်လိုက်တယ် မသိဘူး ကွက်တိပဲ။ အစိမ်းလေးကတော့ ၀ယ်ပေးလိုက်တာတဲ့... ကြီးနေတယ်။ ပြန်သီရမယ်... မသီတတ်ဘူး >.<

အဲ... ဓာတ်ပုံထဲက ကိုယ်ဆံပင်ကိုယ်ကြည့်မိမှ ရေးဖို့အကြောင်းအရာ သတိရသွားတယ်။ ပြီးခဲ့တဲ့ အပတ်က ကန်ဒီ City Hall မှာ ဆံပင်သွားညှပ်တယ်။ ဆံပင်က အရမ်းရှည်နေပြီး Layer တွေလည်း မရှိတော့ ခေါင်းလေးတယ်လေ။ အဲ့ဒါနဲ့ နည်းနည်းပါးဖို့ သွားတာပေါ့။ ဖြစ်ချင်တော့ ကန်ဒီညှပ်နေကျဆိုင်က လူနည်းနည်းများနေတယ်။ ကန်ဒီ့ညီမနဲ့ ကန်ဒီက နောက်တစ်နေရာသွားဖို့ တခြားသူငယ်ချင်းတစ်ယောက်နဲ့ ချိန်ထားပြီးသား ဖြစ်နေတော့ တခြားဆိုင်မှာညှပ်လိုက်မယ်ဆိုပြီး အဲ့ဆိုင်တစ်ဆိုင်ထဲကို ၀င်သွားညှပ်မိပါတယ်။ "နောက်ဘယ်တော့မှ မလာတော့ပါဘူး" ဆိုပြီး ဆုံးဖြတ်ချက်ချမိတဲ့အထိကို စိတ်ပျက်သွားတာ။ ဆံပင်ကို ကိုင်တာများ ကြမ်းတမ်းလိုက်တာဆိုတာလေ နောက်ဆုံး "အစ်မ ဖြည်းဖြည်းလုပ်ပါ။ အရမ်းနာတယ်"လို့ ပြောလိုက်မိတဲ့အထိကို စိတ်တိုသွားတယ်။ ကန်ဒီ့လို တော်ရုံအားနာတတ်လို့ ကျိတ်မှိတ်ခံတတ်တဲ့လူတောင် အဲ့လိုပြောထွက်သွားတယ်ဆိုတော့ ဘယ်လောက်ကြမ်းတမ်းလဲ စဉ်းစားသာကြည့်။ တကယ် နာလို့ မျက်ရည်တောင် ၀ဲတယ်။ နောက်ပြီး သူကပြောသေးတယ်... ညီမဆံပင်က ရှုပ်လိုက်တာ မနည်းရှင်းရတယ်တဲ့။ ကန်ဒီ့ခါးလောက်ရှိတဲ့ဆံပင်က မရှုပ်ဘဲနေမှာလား?? သူက ရှင်းတယ်သာပြောတာ တကယ်က အတင်းကြီးကို ဖြီးနေတာ။ ဆံပင်ကို ဘယ်လိုဖြီးပြီး ရှင်းရမလဲတောင် မသိဘဲ ဆံပင်ညှပ်နေတာ တကယ်အံ့သြတယ်။

နောက်တော့ ဆံပင်ညှပ်ဆိုင်တွေရဲ့ ထုံးစံအတိုင်း ပြောတော့တာပေါ့။ ညီမဆံပင်က ခြောက်လိုက်တာ ဖွာဖွာကြီး... ဘာမှမလိမ်းဘူးလား?? ဆံပင်ကို ပေါင်းတင်ရတယ် ဘာညာ ဘာညာပေါ့။ လူက ခေါင်းနာလို့ စိတ်ကတိုနေတာဆိုတော့ သူမေးသမျှကို ဘုနဲ့ပေါက်ပဲ "ဘာမှ မလိမ်းဘူး... ပေါင်းမတင်ဘူး" ဟဟ(xD xD)။ တကယ်လည်း မလုပ်ပါဘူး။ ဒီနောက်ပိုင်း အားလည်း မအားဘူး။ (၅)မိနစ်ကျော်ကျော်၊ (၁၀)မိနစ်လောက် တခေါင်းလုံးထူပူနေအောင် သူလုပ်သမျှခံစားရပြီး နောက်ဆုံးညှပ်လို့ပြီးသွားတယ်။ တော်သေးတာပေါ့ အဲ့လောက်နဲ့ ပြီးသွားလို့... အားလုံးပြီးတာတောင် ခေါင်းကထုံနေသေးတယ်။ ကန်ဒီ့လိုမခံစားရအောင် ဘယ်ဆိုင်ဆိုတာ ပြောချင်သော်ငြားလည်းပဲ သူမျာစီးပွားရေးဆိုတော့ ဒီမှာချရေးမနေတော့ပါဘူး။ ကြည့်ကျက်သာ ရှောင်ရှားကြပါတော့...

အိမ်ပြန်ရောက်ရင် ကန်ဒီ့အမောပြေဆေးလေးတွေနဲ့ ဆော့ရသေးတယ်။ ခုဆို Pet Lover Store မှာလည်း Member ဖြစ်နေပြီ။ သူတို့ဟာတွေ ၀ယ်ရလွန်းလို့။ အဲ့ရောက်ရင် ယုန်လေးတွေလည်း ကြည့်ရတာ အမော။ လိုချင်ပြီး မမွေးနိုင်လို့ (>.<)။ သြော်... ဒါနဲ့ ကန်ဒီ့မျက်နှာအခြေအနေပြန်ဆိုးနေလို့ ဆေးခန်းပြန်ပြနေရတယ် (T_T)။ မျက်နှာတစ်ခုလုံး နာလွန်းလို့သာ ဆေးခန်းသွားထပ်ပြတာ။ နို့မို့ဆို မပြတော့ဘူးတောင် စဉ်းစားထားတာ။ ဟုတ်တယ်လေ... ဆေးသောက်တုန်းက ပျောက်သွားပြီး ဆေးရပ်လိုက်တော့ ဘာလို့ထပ်ဖြစ်ရတာလဲ?! အဲ့လိုပဲဖြစ်နေမယ်ဆို ဆေးခန်းပြတာ ဘာထူးတော့မှာလဲ ဟုတ်တယ်မလား?? ဓာတ်ပုံထဲက နှုတ်ခမ်းရဲနေတာ နှုတ်ခမ်းနီဆိုးထားလို့လို့ မထင်လိုက်ပါနဲ့။ ဆေးအရှိန်ကြောင်း နှုတ်ခမ်းတွေကွဲပြီး ရဲတွတ်နေတာ။ အရမ်းနာတယ် :(

ဘလော့ဂါတွေ အားလုံးနီးပါး Tag ပိုစ့်တွေ ရေးနေကြတဲ့အချိန်မှာ ကန်ဒီက မရေးနိုင်ဘူး။ အမှန်က အဲ့ခေါင်းစဉ်ကို မရေးတတ်လို့ ဟဟ(xD)။ အကြောက်တရားဆိုလားပဲ... Known Fear နဲ့ Unknown Fear ဘယ်ဟာကို ပိုကြောက်သလဲဆိုတာ ရေးရမှာထင်တယ်။ တီတင့်တို့၊ သူကြီးမင်းတို့ ရေးထားတာတွေ မဖတ်ရသေးဘူး။ ကန်ဒီအကြောက်ဆုံးအရာက ကိုယ့်ကိုကိုယ်လေးစားမှု လျော့နည်းမှာ၊ ကိုယ့်လိပ်ပြာ ကိုယ်မလုံမှာကိုပဲ။ ဆိုတော့... Known Fear လို့ပဲ ပြောရမလား?? ကန်ဒီ့အတွေးတစ်ခုပြောပြရရင် လူတွေကိုယ့်အပေါ် ဘယ်လိုမြင်တယ်၊ ဘယ်လိုထင်တယ်၊ ဘယ်လိုချီးမွမ်းတယ်၊ အများတကာရဲ့ လေးစားခြင်းကို ဘယ်လိုခံရတယ်... အဲ့ဒါတွေ အဲ့ဒါတွေ အားလုံးထက် ကိုယ့်ကိုကိုယ် ပြန်လေးစားအောင်နေဖို့၊ ကိုယ့်အပြုအမူတွေအတွက် ကိုယ့်လိပ်ပြာကိုယ်လုံဖို့က အရေးအကြီးဆုံးပဲ။ ကိုယ့်လိပ်ပြာ ကိုယ်မလုံခြင်းဟာ ကိုယ့်ကိုအကြီးမားဆုံး အမြဲတစ္ဆေ ခြောက်လှန့်နေမယ့်အရာပဲ။

ကန်ဒီအဲ့လိုပြောလို့ သိပ်ကြီးကြီးမားမားကြီးတွေ မတွေးနဲ့ဦးနော်။ ကန်ဒီတို့ နေ့စဉ်ဘ၀ကိုပဲ တွေးပါ။ ကန်ဒီ့အလုပ်ကိုပဲကြည့်... လူနာတွေကို ဖြည့်ဆည်းပေးလေ၊ ကိုယ်ပိုအလုပ်ရှုပ်လေပဲ။ လူနာတွေလိုချင်တာမျိုးဆို ဆရာဝန်ဆီဖုန်းခေါ်ပေး၊ မေးပေး၊ အဲ့လိုမလုပ်ပေးချင်လည်း လှည့်ပတ်ပြောချင် ပြောလိုက်လို့ရတယ်။ ကိုယ်လုပ်ပေးမှ သူတို့လိုချင်တာရမယ့် အခြေအနေမျိုးမလား?? ဒါပေမယ့် အဲ့လိုလိမ်ပြောလိုက်ရင် ကိုယ့်စိတ်ကိုယ်မလုံတော့ဘူး... အဲ့ဒါ ကန်ဒီ့ကိုအမြဲခြောက်လှန့်မယ့်အရာပဲ။ 

ဟိုနေ့က အခြေအနေတစ်ခုဆို ကန်ဒီဆရာဝန်ကို အရမ်းစိတ်ဆိုးတယ်။ လူနာက ဆရာဝန်အဲ့နေ့ကမှ အသစ်ပေးလိုက်တဲ့ ဆီးချိုဆေးကို မသောက်ချင်ဘူး။ ဘယ်လောက်တောင်လဲဆို သူအဲ့ဆေးကို ယူသွားမယ်၊ ပိုက်ဆံလည်းပေးမယ်၊ ဒါပေမယ့် မသောက်ဘူးတဲ့။ သူအစားအသောက်နဲ့ပဲ ထိန်းမယ်တဲ့။ တကယ်ဆို ကန်ဒီ့အလုပ်က "မရဘူး သောက် ရော့" ဆိုပြီး ဆေးပေးလိုက်ရင် ပြီးနေပြီ။ ဒါပေမယ့်လူနာက ယူသွားလည်း ဆေးမသောက်ဘူးဆိုတာ သိနေတဲ့အနေအထားမှာ ကန်ဒီက လက်လွတ်စပယ် လူနာကိုပိုက်ဆံအကုန်ခံခိုင်းပြီး ဆေးပေးလိုက်သင့်သလား?? အဲ့လိုအတွေးက ရောက်လာတော့ ကန်ဒီဆရာဝန်ဆီဖုန်းခေါ်တယ်။ ဒီလူနာကတော့ ဆီးချိုဆေးကို မသောက်ချင်ဘူး ပြောနေတယ်။ ကန်ဒီဖြစ်စေချင်တာက လူနာအခြေအနေက ဆေးသောက်မှဖြစ်မယ့် အခြေအနေလား ဆိုတာ သူ့ဆီးချို Lab Test ကို ပြန်ကြည့်ပေးပြီး Review လုပ်ပေးစေချင်တာ။ အဲ့လိုပုံစံမေးတော့ ဆရာဝန်က ဘာမှပြန်စစ်ဆေးတာမျိုးမရှိဘဲ "She doesn't want to take right? Ok... I'll cancel that one" ဆိုပြီး ဖုန်းချသွားတယ်။ ကန်ဒီစိတ်အရမ်းဆိုးတာပဲ။ စာနာစိတ် လုံးဝမရှိဘူး။ တကယ်ဆို တကယ်ဆေးသောက်သင့်တဲ့အနေအထားမျိုးဆို လူနာကို ဆေးသောက်ဖို့ Encourage လုပ်ရမှာမဟုတ်လား?? ဆရာဝန်က တစ်ခွန်းပြောလိုက်ရင် ကန်ဒီကလည်း လူနာကိုမသောက်သောက်အောင် စည်းရုံးရမှာပဲ။ ခုတော့ ကန်ဒီလူနာကိုပြောလိုက်ရတာက ဒီတစ်ခေါက်တော့ ဆေးမပေးလိုက်တော့ဘူး... နောက်တစ်ခါလာလို့ သွေးထဲသကြားဓာတ်များနေရင်တော့ ဆေးသောက်ရမယ်နော်လို့ ပြောလိုက်ရတယ်။

ခုနပြောနေတာကို ပြန်ဆက်ရရင် အဲ့လိုအသေးအမွှားကိစ္စလေးတွေကအစ ကန်ဒီ့စိတ်ကို ကန်ဒီပြန်ကြည့်တယ်။ ကန်ဒီမဟုတ်တာတစ်ခုခုလုပ်လိုက်မိရင် သူများမသိရင်တောင် ကန်ဒီသိတယ်။ အဲ့ဒါ ကန်ဒီ့ကိုအကြီးမားဆုံး ခြောက်လှန့်တဲ့အရာပဲ။ Okie... ဒါကတော့ ဘလော့ဂါတွေရဲ့ Tag ပိုစ့်ကို အတိုချုံး လိုရင်းတိုရှင်း ရေးလိုက်တယ်ပဲ ဆိုပါတော့။ အားလုံး ဒီလောက်နဲ့ ကျေနပ်မယ်လို့ မျှော်လင့်ပါတယ်။

Good Night^^

Glucosamine: Joint Supplement

ဒီနေ့ရေးမယ့်အကြောင်းအရာကတော့ Joint supplement တစ်မျိုးဖြစ်တဲ့ Glucosamine အကြောင်းပါ။ ရေးမယ် ရေးမယ်နဲ့ လုပ်နေတာ တော်တော်ကြာသွားပြီ။ အမေ့အတွက် ဘာဝယ်ပေးရင်ကောင်းမလဲ စဉ်းစားရာကနေ အမေက ဒူးနာတတ်တော့ အဲ့ဒါဝယ်ပေးမယ်လို့ အကြံရသွားပြီး ဒီပိုစ့်လေးရေးဖို့လည်း အိုင်ဒီယာရသွားတယ်ဆိုပါတော့။ မ၀ယ်ခင်အမေ့ကို ဒူးနာတာအတွက် ဘာဆေးသောက်နေလဲ အရင်မေးကြည့်တော့ သူကအဲ့ဒါပဲ ရန်ကုန်မှာဝယ်သောက်နေတယ်ဆိုတာနဲ့ တကယ်တမ်းမှာ မ၀ယ်ပေးဖြစ်လိုက်ပါဘူး။ ဘာပဲဖြစ်ဖြစ် စာဖတ်သူအားလုံး ဒီကျန်းမာရေးပိုစ့်လေးကနေ ဗဟုသုတနည်းနည်းလေးဖြစ်ဖြစ် ရသွားစေဖို့ မျှော်လင့်ပါတယ် ^_~

■ What is Osteoarthritis?

ကန်ဒီတို့ Glucosamine အကြောင်းမပြောခင် Osteoarthritis အကြောင်းအရင်ပြောရအောင်။ Humm... အဲ့ဒီမှာ ကန်ဒီ့ပြဿနာစတာပဲ။ တစ်ချို့ Medical Term တွေကို မြန်မာလို တစ်လုံးတည်းနဲ့ ရှင်းအောင် ကောင်းကောင်းဘာသာမပြန်တတ်တာလေ။ ကြိုးစားပြီးရှင်းပြရရင်... ကန်ဒီတို့ခန္ဓာကိုယ်ရဲ့ အရိုးတစ်ခုနဲ့တစ်ခုကြားမှာ "Cartilage" လို့ခေါ်တဲ့ ရာဘာလိုမျိုး ကျုံ့နိုင်ဆန့်နိုင်တဲ့အရာရှိတယ်။ သူကအရိုးနှစ်ခုကြား Cushion လိုမျိုး လုပ်ဆောင်ပေးတယ်။ အသက်ကြီးလာတာနဲ့အမျှ Cartilage တွေရဲ့ ကျုံ့နိုင်ဆန့်နိုင်တဲ့အားတွေ လျော့ကျလာကြတယ်။ အဲ့လိုနဲ့ Cartilage တွေ စတင်ပျက်စီးလာပြီး အဆစ်အမြစ်နာတာတွေ၊ ရောင်တာတွေဖြစ်လာတာကို Osteoarthritis လို့ခေါ်တာပါ။ ပုံနဲ့ကြည့်လိုက်ရင် ပိုရှင်းမယ် ထင်တယ်နော်...

■ Glucosamine
Glucosamine ဆိုတာ ကန်ဒီတို့ခန္ဓာကိုယ်ထဲမှာ သဘာဝအတိုင်းရှိတဲ့ပစ္စည်းတစ်မျိုးပါ။ Glucose နဲ့ amino acid Glutamine ပေါင်းပြီး Glucosamine ဖြစ်လာတယ်ဆိုပါတော့။ ကန်ဒီ ခုနကပြောခဲ့တဲ့ Cartilage ဖြစ်ပေါ်ဖို့နဲ့ ပျက်စီးနေတဲ့ Cartilage တွေကို ပြုပြင်ဖို့အတွက် Glycosaminoglycan ဆိုတဲ့ပစ္စည်းတစ်မျိုးလိုတယ်... တဖန် အဲ့ဒါဖြစ်ပေါ်ဖို့ Glucosamine လိုအပ်တယ်။ အသက်ကြီးလာတာနဲ့အမျှ ခန္ဓာကိုယ်တွင်း Glucosamine ထုတ်လုပ်မှုလည်း လျော့ကျလာကြတယ်။ တနည်းအားဖြင့် ပျက်စီးနေတဲ့ Cartilage တွေကို ပြုပြင်ပေးမယ့်ပစ္စည်းနည်းလာပြီး အဆစ်အမြစ်ကိုက်ခဲတာ၊ အထူးသဖြင့် ဒူးနာတာမျိုးတွေ အသက်ကြီးပိုင်းလူကြီးတွေ ခံစားကြရတော့တာပေါ့။

Glucosamine ကို Health Supplement တစ်မျိုးအနေနဲ့ လူကြီးတော်တော်များများ သောက်လာတာ တွေ့ရတယ်။ Health Food Stores တွေ၊ Watson တို့၊ Guardian တို့မှာ ၀ယ်နိုင်တယ်။ ပုံမှန် သောက်သင့်တဲ့ Daily dose က 1500mg... တချို့ကုမ္ပဏီတွေက 1500mg ထုတ်တယ်၊ တစ်ချို့က 1000mg၊ တစ်ချို့က 500mg ပဲ ထုတ်တယ်။ 500mg ဆို သုံးလုံးသောက်ရမယ်။ 1500mg က Max Dose ဆိုတော့ အဲ့ထက်လျော့သောက်တာ ကိစ္စမရှိပေမယ့် အဲ့ထက်တော့ ပိုမသောက်သင့်ဘူး။ တစ်ချို့ ဆေးကုမ္ပဏီတွေက Glucosamine ကို Chondroitin ဆိုတဲ့ပစ္စည်းတစ်မျိုးနဲ့ ပေါင်းထုတ်တယ်။ Chondroitin ဆိုတာ Cartilage ထဲမှာရှိတဲ့ ကျုံ့နိုင်ဆန့်နိုင်အားကို လုပ်ဆောင်ပေးတဲ့ ပစ္စည်းတစ်မျိုးပေါ့။ ခြုံကြည့်မယ်ဆိုရင်တော့ အဆစ်အမြစ်အတွက်ပါပဲ။

Vitamin လို Health Supplement တစ်မျိုးဖြစ်တဲ့အတွက် ကြာရှည်ပုံမှန်သောက်ပေးမှ တိုးတက်မှုကို မြင်နိုင်မှာ။ နှာဆေး၊ ချောင်းဆိုးပျောက်ဆေးတွေလိုတော့ ဒီနေ့သောက် မနက်ဖြန်ပျောက်တဲ့ဟာမျိုးမဟုတ်ဘူး။ သိသိသာသာ သက်သာလာဖို့ဆို အနည်းဆုံး တစ်လခွဲ၊ နှစ်လလောက်တော့ ကြာတယ်။

► Side effects
ဆေးကြောင့်ဖြစ်တဲ့ ဆိုးကျိုးတွေကတော့ မရှိသလောက်နည်းပါတယ်။ တစ်ခုရှိတာက Glucosamine ဟာ ပင်လယ်အခွံမာကောင်တွေရဲ့ အခွံကနေ ထုတ်ထားတာမို့ Seafood Allergy ပင်လယ်စာနဲ့ မတည့်တဲ့လူတွေ မသောက်သင့်ဘူး။ နောက် ဆီးချိုရှိတဲ့လူတွေ၊ သွေးကျဲဆေးတွေ သောက်နေတဲ့လူတွေဆို Glucosamine ကို မသောက်ကြည့်ခင် ဆရာဝန်နဲ့အရင်တိုင်ပင်သင့်ပါတယ်တဲ့။ တချို့လေ့လာချက်တွေမှာ Glucosamine က သွေးထဲကသကြားဓာတ်ကို အနည်းငယ်မြင့်တက်စေပြီး၊ သွေးထွက်နှုန်းကိုလည်း ပိုအားပေးတာ တွေ့ရလို့ပါတဲ့။

ကန်ဒီတို့ ဆေးခန်းမှာတော့ ဆရာဝန်တွေက တချို့ဆီးချိုဆေးတွေနဲ့လည်း Glucosamine ကို ပေးနေတာပဲ။ ကန်ဒီ့အမေဆိုလည်း ဆီးချိုရှိတယ်။ သူလည်း Glucosamine သောက်နေတာပဲ။ ကန်ဒီ့အထင်တော့ အဲ့လောက်ဆိုးဆိုးရွားရွားကြီး သက်ရောက်မှုရှိတာမဟုတ်လောက်ပါဘူး။ ဆီးချိုရှိတဲ့လူတွေလည်း သောက်မယ်ဆို ဆရာဝန်နဲ့တိုင်ပင်ပြီး သောက်လို့ရတဲ့ အနေအထားပါ။ တချို့ဆရာဝန်တွေက တစ်နေ့ Dose ကို 1500mg မပေးဘဲ 1000mg ပေးတာမျိုးတွေလည်း တွေ့ရတတ်တယ်။

ဒီလောက်ဆို ပြည့်စုံပြီ ထင်တယ်နော်...
Be Healthy and Happy ^_^