Monday, November 14, 2016

ကထိန် (Yeo's Building)

ဒီနေ့ တန်ဆောင်မုန်းလပြည့်နေ့နော်... ဘယ်သူမယ်ဇလီဖူးသုပ် စားပြီးပြီလဲ?? ဘာလီပိုစ့်တွေချည်းဖတ်ပြီး ငြီးငွေ့နေမှာစိုးလို့ လောလောလတ်လတ်လုပ်ဖြစ်တဲ့ ပိုစ့်လေးတွေလည်း တင်ဦးမှပါ။ မနေ့က Yeo's Building မှာ ဓာတ်တော်တိုက် စုပေါင်းမဟာဘုံကထိန်ပွဲ ရှိတယ်။ အဲ့ကိုသွားတယ်ပေါ့နော်... အဓိက,ကတော့ ဒီအချိန်အထိ ကထိန်သင်္ကန်းမကပ်ရသေးလို့ ကထိန်သင်္ကန်းကပ်ဖို့ သွားတာ။ တစ်ဦးတည်းသောချစ်သူရည်စား ကိုမျိုးက အဲ့မှာဝေယျာဝစ္စလုပ်အားပေးပြီး အလုပ်တွေရှုပ်... ရှုပ်ဆိုသူတို့ပရဟိတအဖွဲ့က ဦးစီးလုပ်တဲ့ပွဲကိုး။ ကန်ဒီကတော့ သူ့ကို သွားရှုပ်တာပေါ့။ ကထိန်လှည့်ဖို့ ကွမ်းတော်ကိုင် ပန်းတော်ကိုင်လိုတယ်ဆိုလို့ ကထိန်လှည့်တာမှာ ပါလိုက်သေးတယ်။ 



ကျေးဇူးရှင်က သူ့ဟာသူရှုပ်ပြီး ကန်ဒီကွမ်းတော်ကိုင်တဲ့ပုံလေးတောင် ဓာတ်ပုံလာမရိုက်ပေးဘူး။ အမြင်ကတ်တယ်။ သူလာမရိုက်ပေးတော့ သူများရိုက်ထားတာလေးတွေ ကိုယ့်ဟာကိုယ် ပြန်တောင်းရတာပေါ့။ အဲ့ဒါ သူများပို့ပေးထားတဲ့ ပုံလေးတွေ...



မသိရင် တကယ်မြန်မာပြည်ပြန်ရောက်နေသလိုပဲ... ဦးရွှေရိုးနဲ့ ဒေါ်မိုးကလည်း သီချင်းနဲ့ စည်းချက်ညီညီ မြူးမြူးကြွကြွ ကတယ်။ တခြားအဖွဲ့က က,ချင်တဲ့သူတွေကလည်း ၀င်ကပေါ့။ နေ့လည်စာ ဒံပေါက်ကျွေးတယ် ထင်တယ်။ ကန်ဒီလည်း ကိုယ်စားလို့မရတော့ သိပ်သတိမထားမိဘူး။





မင်္ဂလာဆောင်တစ်ခုသွားဖို့ရှိတာနဲ့ ဘုန်းဘုန်းကို အရင်ကပ်ပါရစေခွင့်တောင်းပြီး ကထိန်သင်္ကန်းကပ်... ပြီးမှ မင်္ဂလာဆောင်သွားကြတယ်။ သူကတော့ မင်္ဂလာဆောင်ကအပြန် ဘုန်းကြီးကျောင်းပြန်သွားပြီး လိုအပ်တာတွေ ဆက်ကူရသေးတယ်။ သာဓု သာဓု သာဓု... ကန်ဒီကတော့ အိမ်ပြန်လာတယ် ဟီးဟီး xD

ဒီလိုနဲ့ တနင်္ဂနွေတနေ့တာ ကုန်ဆုံးပါ၏ :)

Monday, November 7, 2016

Bali: Holy Spring Water & Coffee Plantation

တတိယနေ့... မနက်(၉)နာရီလောက်မှ ဟိုတယ်က စထွက်တယ်။ အဲ့နေ့ညက ဟိုတယ်ပြောင်းမှာဆိုတော့ ပစ္စည်းတွေပါ ကားထဲတခါတည်း ထည့်ရတာပေါ့။ မနက်စာကို ဟိုတယ်မှာပဲစားပြီး Holy Spring Water Temple ကို အရင်သွားကြတယ်။ အဲ့ဒီကရေက မကောင်းတဲ့အညစ်အကြေးတွေကို သန့်စင်ပေးတယ်တဲ့။ အဓိကကတော့ စိတ်ကို Purification လုပ်တဲ့သဘောပေါ့... ဒါသူတို့အယူပေါ့နော်...





ဘုရားကျောင်းထဲဝင်ဖို့ဆို သူတို့ဝတ်တဲ့ အဲ့ဒါလေးပတ်ပြီးဝင်ရတယ်။ တချို့နေရာတွေဆို ဆံပင်ပါစည်းရတယ်။ အဲ့လိုမျိုး ရေထဲဆင်းပြီး ဆုတောင်း သန့်စင်နေတဲ့သူတွေလည်း ရှိတယ်။ 






ဘုရားရှိခိုးနေကြတဲ့အထဲကို ၀င်ခွင့်မရှိဘူး။ အဝေးကပဲ ဓာတ်ပုံရိုက်လို့ရတယ်။ အဲ့ဒါပြီးတော့ ကန်ဒီတို့ ကော်ဖီစိုက်ခင်းရှိတဲ့ဆီသွားကြတယ်။ အဲ့မှာ ကော်ဖီအရသာမျိုးစုံကို အလကားပေးမြည်းတယ်။ ကြိုက်ရင် ၀ယ်ပေါ့နော်... Coconut coffee ၀ယ်ခဲ့တယ်။









အဲ့ဒီရှုခင်းကို ကြည့်ပြီး ကော်ဖီသောက်ရတာ ဘယ်လောက်မိုက်လဲ... အစက မီးတောင်ဆီသွားမယ်ဆိုပြီး ရာသီဥတုက သိပ်မကောင်းတာနဲ့ မသွားဖြစ်လိုက်ဘူး။ နေ့လည်စာကို မီးတောင်ကိုလှမ်းမြင်နေရတဲ့ စားသောက်ဆိုင်မှာ စားတယ်။ ပြီးတော့ Kuta ကို တောက်လျှောက်သွားပြီး အဲ့နေ့ညတည်းမယ့် Kuta က ဟိုတယ်မှာ Check in အရင်ဝင်ထားလိုက်တယ်။



Kuta ဟိုတယ်က အဲ့လောက်မကောင်းဘူး။ အခန်းကလည်း ကျဉ်းသေးတယ်။ စိတ်တိုင်းမကျဘူး။ ခဏနားပြီး ညနေကျ ကန်ဒီတို့ Cruise သွားစီးကြတယ်။ အဲ့ပေါ်မှာပဲ ညစာစားတယ်။ 






ဖျော်ဖြေရေးတွေလည်း အစုံပဲ။ အင်ဒိုအကတွေ... မျက်လှည့်တွေပါတယ်။ တန်တယ်။ အဲ့ဒါပြီးတော့ (၈)နာရီခွဲကျော်လောက်ရှိပြီ။ အဲ့တော့မှ ဟိုတယ်ပြန်နားတယ်။ အဲ့နေ့ညက ကန်ဒီတို့အခန်း Aircon မကောင်းလို့ ပူပူလောင်လောင်အိပ်ရတယ်။ အစက Aircon မကောင်းမှန်း သတိမထားမိတော့ ၀န်ထမ်းတွေကို မမေးဖြစ်ဘူး။ နောက်နေ့မနက်မှ သူတို့ကို ခေါ်ပြီး ပြင်ခိုင်းရတယ်။